InfoHub Logo

Áıel-ana bir qolymen besik terbetse, bir qolymen álemdi terbetedi. Bul uǵym qazaq qoǵamyndaǵy áıel adamnyń rólin kórsetedi. Qazaq otbasynda qashannan er azyǵy túzde bolǵandyqtan, bala tárbıesimen áıel adamy aınalysqan. Sonyń bir kórinisi Zere ájemizben Uljan anamyz. Ataqty batyr Baýyrjannyń ózi, soǵys ýaqytynda Abaı jolyn oqyp, Zere men uljan analarymyzdyń ónegesine tánti bolyp, olar tek Abaıdyń ǵana emes, barlyq halyqtyń anasy deýi teginnen tegin emes. Bala tárbıesi tal besikten bastalatyny anyq, úı soqqanda onyń eń alǵashqy irgetasy durys qalańbasa, úıdiń berik bolatynyna sený óte qıyn, sondyqtan da dana halqymyz el bolam deseń, besigińdi túze degen eken. Balamen de dál solaı, onyń boıyna daryǵan ananyń appaq súti, jastaıynan kórsetken meıirim shýaǵy, oǵan árqashanda túzý jol kórsetetini anyq. Onyń biregeı kórinisi oqýdan oralǵan jas Abaı sheshelerine bet alǵanda Uljan balasyna Áýeli ákeńe sálem ber dep jol nusqaýynyń óziniń astarynda tereń maǵyna jatyr. Bul tárbıeli qazaq áıeline tán, azamatyn syılaǵan dástúrli qasıet. Uljan Abaıdyń aqyn bolýyna tikeleı áser etken jan, Abaıdyń sheshesi Uljan týraly: "Ol Arǵyn ishindegi Qarakesek rýynyń sheshendik, ázil aralas shyndyǵy men ataǵy shyqqan Shanshar tobynyń qyzy eken" delingen , múmkin sodan bolar anasynyn qanynan sheshendik óner tarap uly aqyn bolýy. Zere áje Qunanbaıǵa ǵana emes, óziniń súıikti nemeresi Abaıǵa da úlken áser etken. Uly Abaıdyń sanasyna sáýle túsirip, kóńiliniń aspanyn aqylymen araılandyrǵan rýhanı ustazy Zere áje. Alyp anadan týady. Keıde Abaıdaı uly adamnyń bolmaı jatqany, múmkin, Zeredeı ájelerdiń joqtyǵynan shyǵar dep te oılaımyn.

Abaı oqý izdep Semeıge attanar aldynda anasy Uljan, qaraǵym esińde me, ájeń syrqattanyp jatqan shaǵynda bir tilek aıtqan edi, osy qaraǵyma ózgelerdiń tas baýyr minezin bere kórme degen edi dep únemi aıaýly ájesiniń aqyl sózin esine salyp otyrǵan eken. Osy jerde Áýezov adamǵa degen qamqorlyq, úlkenniń aqyl sózi, tálimi el anasyndaı bolǵan ájeden bastaý alǵanyn aıqyn jetkizgen. Balasy atqa shapsa, anasy úıde taqymyn qysady degen sóz bar, ol degenimiz ár uly tulǵa, batyrlardyń artynda úıinde tileýin tilep otyrǵan alyp ananyń bolýynda. El úshin týǵan azamat – asyl ana jemisi. Zeredeı uly ana, tek qana tobyqty rýy ǵana emes, alash jurty maqtan etetin tulǵa. Osyndaı dana, ónegeli analarymyz kóp bolsyn.

---