InfoHub Logo

Taýasar men Amandyq batyrlardyń oqıǵasy qalmaqtardyń orta júz jerin shapqynshylyqqa uryndyryp, kóp jerdi basyp alǵan shaǵy eken. Nuranyń shyǵys jaǵynda Qyzemshek degen qos órkeshti shoqy bar. Qalmaqtar sonyń eteginen qorǵan salyp, bekinis jasaǵan eken. Eki shoqynyń ústine eki qaraýyl qoıady. Qazaqtar jasaǵy bolsa, Nuranyń basty jaǵyna kelip ornyǵypty.

Arǵynnyń bas batyry Jánibek Taýasar batyrǵa júz jigit qosyp berip, barlaýǵa attandyrady. Olar ózennen ótip, jaýdyń ornalasqan jerin túgel bilip alady. Qaıtar jolynda qalmaqtardyń qorshaýynda qalyp, eriksiz soǵysýǵa týra kelgen. Qazaq jigitteri qarsylasyp, ólgeni ólip, jaralanǵany jaralanyp, attarynan qulaıdy. Baıqaýsyzda kúrziniń aýyr soqqysy tıgen Taýasar batyrdyń ózi de esi aýyp, atynan qulap túsedi. Bir kezde esin jıyp, jan-jaǵynan qarasa, qalmaq jendetteri attan qulaǵan qazaq sarbazdaryn aralap, denesine naıza suǵyp kórip, qozǵalmasa jaıyna qaldyryp, qozǵalǵanyn, yńysyǵandaryn basyn shaýyp óltirip júrgenin kóredi. Taýasar batyr bolsa ólgen adamǵa uqsap typ-tynysh jata qalypty. Bir kezde qalmaqtar kelip denesine  naıza qadasa da shydap, typyr etpesten tirshilik nyshanyn bildirmeı jatyp qalady. Óz isterin tyndyrǵan qalmaqtar jaıyna ketken soń, qarańǵy túsip, tún bolysymen batyr jyljyp ózenge jetip, odan ótip ózderi ornalasqan jerge keledi. Jánibekke jaýdyń ornalasýyn, óziniń bastan keshken oqıǵasyn baıandap beredi. Sonda Jánibek batyr bes myń sarbazdy Taýasar men Amandyq batyrlarǵa qosyp berip, qamaldy shabýǵa qaıtadan jumsaǵan eken. Jánibektiń ózi bolsa qalǵan áskerimen jaýdyń sheginip, qashar jolyn, jabýǵa shyǵady. Taýasar batyr janyna batqan jarasyna qaramastan tańǵa jaqyn bes myń áskermen kelip, jaý bekinisin talqan etedi. Qalmaqtar qashqan kezde olardyń sońyna túsedi. Qashqan jaý bolsa Jánibek batyrdyń tosqaýylyna kelip kıligedi. odan qalmaqtar qutyla almapty. Sóıtip, qazaq eliniń yrysty ólkeleriniń biri Nura boıy jaýdan azat etilipti.

Oqýǵa keńes beremiz:

Jalańtós batyr

Elshibek batyr týraly

Berdiqoja (İ nusqa)

---