InfoHub Logo

Forýmdy uıymdastyrýshy Almaty oblystyq maslıhat depýtaty, S.Q.Nurmaǵambetov atyndaǵy sport klýbynyń negizin qalaýshy Nursultan Orynbasarov sportty kásibı deńgeıde damytýdaǵy forýmnyń mańyzdylyǵyn aıtty. 

“Biz damyǵan elderdegideı sportqa ǵylym retinde qaraý kerekpiz. Bul máseleni árıne ózimen bastaǵany durys.  Osyǵan oraı bul forýmǵa Saǵadat batyr sport klýbynyń bapkerleri men sportshylary jáne ata-analardyń biliktiligin arttyrý maqsatynda basyn qostyq. Aldaǵy ýaqytta sportshylardyń sporttyq mádenıetin qalyptastyrý úshin osyndaı forýmdardy jıi ótkizemiz”. 

Sport forýmnyń moderatory S.Q.Nurmaǵambetov atyndaǵy “Sagadat Batyr - QTT” sport klýbynyń prezıdenti Erbolat Saparuly kelgen qonaqtardy tanystyryp, jeke-jeke sóz tizginin usyndy. 

Forýmnyń basty spıkeriniń biri Kýveıtten arnaıy kelgen qonaq sport menejeri Abdýlla Aldaboýs “Sporttyq medısına” taqyryby boıynsha óz tájirıbesimen bólisti.  Sondaı aq, sporttyq medıa taqyrybyn boıynsha Ivan  Chervınskıı men PR mamany Serik Noıanbaıuly taldady. 
Sporttyq mamandyqtar boıynsha bilim alý týraly Qazaq sport jáne týrızm akademıasynyń prorektory Esqalıev Muhtar Zaınoldauly óz aqyl keńesterin aıtyp, jas sportshylarǵa baǵyt-baǵdar berdi. Sporttyq týrızm týraly Greplıng AIGA boıynsha Almaty qalasy federasıasynyń Prezıdenti Aqmaral Jarylqasynqyzy Qanatbaeva óz oıyn ortaǵa saldy. 

Sonymen qatar  QR qorǵanys mınıstri, Sport komıteti ortalyq sport klýbynan áskerı dárigerler polkovnık Kýdroedov Sergeı Anatolevıch pen kapıtan Kanjıgıtov Pernehan Berıkovıch qatysty. 

Jas bapkerler men sportshylar spıkerlerge atalǵan taqyryptar aıasyndaǵy ózderiniń suraqtaryn qoıyp, bilim kókjıegin keńeıtti.

---