InfoHub Logo

Shyǵarmashyl jastardyń ónerin qoldaý maqsatynda bastalǵan qalamgerler saıysynyń alǵashqy jeńimpazy anyqtaldy. Baıqaýdyń bastalǵanyna sanaýly kúnder bolsa da, qalamyn serik etken daryndy jastarymyzdyń shyǵarmalary kúnnen kúnge arta túsýde.

Baıqaý erkin taqyrypta qalam terbeýge múmkindik bergendikten, qazirdiń ózinde qatysýshylardyń ishinen oq boıy oza shapqan avtordy anyqtaý ońaıǵa túspeı otyr.

Sonymen, saıystyń alǵashqy aptasynyń jeńimpazy «Ákege saǵynysh» atty shyǵarmanyń avtory Mahabbat Samrat bilimland.kz saıtynan powerbank utyp aldy.

Atalǵan óleńde boıjetkenniń asqar taýdaı ákege degen saǵynyshy, názik mahabbaty kórkem órnektelgen. Al shyǵarma sońyndaǵy ákege berilgen "ant", jas qalamgerdi jańa ómir belesterine shyǵaryp, ómir synyqtarynan saǵy synbaı ótýine kúsh-jiger beredi degen senimdemiz.

Aıta keteıik, Mahabbat Samrat esimdi arý, atalǵan baıqaýǵa bir emes, birneshe shyǵarmasyn usynyp otyr. Avtordyń «Baıqadyń ba?», «Sen – shabyt, men – óleń», «Sen be ediń?» atty týyndylary da nazardan tys qalmady.

Birinshi apta qorytyndysy boıynsha úzdik dep tanylǵan týyndyny nazarlaryńyzǵa usynamyz:

Ákege saǵynysh

Keýdem ókinishke toly, bilemin,

Alaıda kóndige almaı kelemin.

Saǵynyshpen ótken ár kúnimde,

Áketaı sizge óleń jazyp júremin.

 

Janarlardan úzilmeı jas tamady,

Men bilsem, anam da otyr jylap taǵy.

Amal neshik, árdaıym pana bolǵan,

Áketaıym – asqar taýym qulady.

 

Saǵynǵanda qaraımyn sýretińe,

Áketaı júk túsirdiń júregime.

Ósirip jetkizgen bala - shaǵańnyń,

Qyzyǵyn kórý úshin júrmediń nege?

 

Ant etemin, kókke órleıdi suńqaryń,

Jeldeı jyldam eser áli tulparyń.

Kóp jylǵy eńbegiń zaıa ketpeıdi,

Áketaı sónbeıdi seniń shyraǵyń.

(Avtordyń orfografıasy men pýnktýasıasy saqtalǵan)

 

Alǵashqy jeńimpazdy quttyqtaımyz!

Syılyqty alý úshin bilimland.kz saıtymen baılanysýyńyzdy suraımyz!

Eske salaıyq, bilim-all.kz jáne bilimland.kz saıttary jas qalamgerler arasynda saıys jarıalaǵan bolatyn. Barlyq talaptarmen Qalamgerler saıysy siltemesi arqyly tanysa alasyz.

---