InfoHub Logo

«El bolýǵa óziniń tili, dini, salty men ádebıeti-mádenıeti bar el ǵana tuǵyrly bola  alatyndyǵyn biz umytpaýǵa tıispiz.» -degen A.Baıtursynuly. Tanymdyq belsendilikti arttyryp, óz pikirin tujyrymdy túrde erkin sóıleýge, ózine senimdi bolýǵa ózgeniń pikirin tyńdap, birin- biri qurmettep, óz tilinde qulashtaı erkin sóıleıtin sanaly urpaq tárbıeleý búgingi el enshisi bolyp otyr. Sol sanaly urpaqtyń  jarqyn bolashaǵyn jasampaz etý úshin biz bilimdi azamattardyń eń negizgi parasattaryn mindetteýimiz qajet.

Ult bolyp uıysyp, el bolyp eńsemizdi tikteıtin kezeńde qolǵa alar isimizdiń biri-búgingi jas býyn ókili. Búgingi tańda memleketimiz óz egesin alyp, óziniń derbes memlekettigin qalyptastyrýda.  Bolashaq elimizdiń urpaqqa degen sabaqtastyǵynan týyndaıtyn dúnıe bolǵandyqtan ár halyqtyń bolashaǵy sanaly urpaqqa táýeldi ekendigi daýsyz másele.

El basymyzdyń bıylǵy jyldy «Jastar jyly» dep jarıalaýynyń ózi jaı emes. Ulttyń barsha murasy sanaly da salıqaly urpaqqa amanat etiledi. Al jastar ony ónboıyna saqtamasa, ózimizden keıingi urpaqqa býyn sabaqtastyryp ketpese, birtindep sol ulttyń ataýy da óship joǵalatyny týraly alash qaıratkeri Maǵjannyń atap ketkeni beker emes ekeni belgili.

Búgingi pedagogıka ǵylymdyrynyń aldynda turǵan zor mindetterdiń biri-sanaly urpaq tárbıeleý, jastardyń qoǵamdyq ómirden esh ýaqyt qol úzbeı, óz elin súıýge, salt- dástúr, ádet- ǵurpyn saqtaýǵa,óz tilin maqtan ete otyryp ózge tildi meńgerýge yqpal jasaý. Ǵylymı jańǵyrý, jahandaný zamanǵa saı óz úlesterin qosý, El bolashaǵyn álemge tanytý búgingi urpaqpyń úlesinde.  Elimizdiń tuńǵysh  prezıdenti  Elbasy N.Á. Nazarbaev  «Búgingi óskeleń urpaqymyz bilimdi, jan-jaqty damyǵan, birneshe tildi meńgergen, naǵyz óz elin súıetin, ult tanymdy azamat bolýy kerek.»-dep atap ótti.

 Iá, ultty qalyptastyratyn negiz onyń-ulttyq mektebi. Sondyqtan ult mektebiniń taǵdyry-el taǵdyry. Ult bolashaǵyn oılaǵan azamattarymyzdyń sanaly oıy beker emes.

Qazirgi jastar, ult bolashaǵy jarqyn bolsyn desek, sanaly urpaq bolaıyq! Adam bilim arqyly dúnıe kiltin ashady. «Aqyl jastan, asyl tastan»-degen sózdi halqymyz jas tolqynnyń bolashaǵynan úmit kútkendikten aıtqan. 

Qoryta kele, qazirgi kezde «Jastar-elimizdiń jarqyn bolashaǵy» degen qanatty sózderdi jıi aıtamyz, al sol jastardyń  bolashaǵy, Otanymyzdyń erteńgi taǵdyry bolsa,  soǵan dáneker ózimizdiń búgingi qyzmetimizdiń qalaı atqarylyp jatqany, qoǵamǵa qandaı úles qosyp júrgenimizge tikeleı baılanysty.   Mine, «Sanaly urpaq-jarqyn bolashaq» taqyrybyndaǵy oıtúıindi jalpy el jastaryna baǵyttaımyn! Jas kúsh, jas tolqyn bolyp tolqyp, ana tilinde saırap, ózge tildi meńgerý arqyly bolashaq eldiń kemel keleshegin bıikterden kórýge úles qosaıyq, sanaly urpaq...!

---