InfoHub Logo

Sabaqtyń taqyryby: Maqal - sózdiń máıegi.
Sabaqtyń maqsaty: Maqal - mátelderdiń maǵynasyn uǵynýǵa, olardyń aıyrmashylyǵyn aıyra bilýge úıretý.
Sóz qoryn molaıtyp, aqyl - oıyn damytý
Adamgershilikke, ultjandylyqqa tárbıeleý.
Sabaqtyń kórnekiligi: ınteraktıvti taqta, kartochkalar, asyqtar
Sabaqtyń ádisi: kórsetý, túsindirý
Sabaqtyń júrisi: I. Uıymdastyrý
Oqýshylar ishinen 8 oqýshyny tańdap alý.

II. Negizgi bólim.
- Maqal – mátel ata - babamyzdan qalǵan óshpes mura. Maqal - máteldiń tárbıelik máni óte zor. Maqalda qorytyndy tujyrymdy túıin aıtylady, aıtylar oı naqty tolyq jetkiziledi. Mysaly: «Er jigit eli úshin týady, eli úshin óledi» degen maqalda eldi qorǵaý, jerdi qorǵaý naǵyz er jigittiń isi ekendigi aıtylyp tur.
Maqalda qorytyndy aıtylady, al mátelde oı tikeleı bildirilmeı tuspaldap, janamalap aıtylady. Mysaly: «Kóppen kórgen - uly toı». Munda ne kórseń de halyqpen birge kór, óz basyńnyń ǵana qamyn oılama degen sóz tuspaldap aıtylyp tur.

1 - bólim. Bul bólimde oqýshylar batyrlyq, otan, týǵan jer, dostyq týraly
Maqaldar aıtyp jarysady. Upaı ornyna asyq beriledi.

2 - bólim. Bul bólimde maqaldyń alǵashqy joly oqylady, al oqýshylar sol maqaldyń
jalǵasyn tabýlary kerek.

Qyna tasqa bitedi,....../Aqyl jasqa bitedi/
Bilekti birdi jyǵar,.../Bilimdi myńdy jyǵar/
Bir tal kesseń,.../on tal ek/
Taý men tasty jel buzar,.../Adamzatty sóz buzar/
Sheberdiń qoly ortaq,.../Sheshenniń sózi ortaq/
Eńbeksiz ómir -..../sóngen kómir/
Otansyz adam -..../ormansyz bulbul/
Yntymaq bolmaı,..../is ońbas/
Yrys aldy -..../yntymaq/
Kúsh -...../bilimde/
Dosy kópti jaý almaıdy,..../Aqyly kópti daý almaıdy/
Óner aldy -.../qyzyl til/
Til tas jarady,..../tas jarmasa bas jarady/
Aǵaıyn - altaý,.../ana bireý/
Ákege qarap ul óser,.../Sheshege qarap qyz óser/

3 - bólim. Upaıy az 3 oqýshy oıynnan shyǵarylady. Bul bólimde jumbaqtar oqylady,
Oqýshylar sol jumbaqtyń jaýabyna qatysty maqal aıtady.

Jylt - jylt etken,
Jylǵadan ótken.
/sý/

Kóp bytyra qorǵasyn,
Kóbeıtken jerdiń oljasyn
/jańbyr/

Aq sandyǵym ashyldy,
İshinen jibek shashyldy.
/kún/

Úıińdi qorǵaıdy,
Úıshikte tońbaıdy.
/ıt/

Qabat - qabat qattama,
Aqylyń bolsa attama
/kitap/

4 - bólim. Turaqty sóz tirkesteriniń maǵynasyn ashý.
Eki kózi tórt boldy.
Taıaq tastam jer
Taıǵa tańba basqandaı
At shaptyrym jer
Qulaq túrý
III. Qorytyndylaý. Upaıy kóp oqýshyny anyqtaý, jeńimpazdy madaqtaý