Allanyń biz syıyndyq panasyna,
Baıantaý bara qalsań qalasyna.
Sálemdi jolyqqanyń kóp aıtyńyz:
Máshhúrdiń kárip (ǵaryb) bolǵan anasyna!

Jalǵanda bir eńbegim janbaǵan jan,
Tilimdi jan dep adam almaǵan jan.
Taptalyp nadandardyń tabanynda,
Sáýlesi, bolmas mendeı, qalmaǵan jan.

Atamyz bergen eken áýel basta,
Mektepke dońyz jyly dál bes jasta.
"Ysmaıyl qyzyl aǵashy" - degen jerde
Bes shaqyrym jerde aýyl: Buzaýtasta.

Medrese Baıanaýla qalasynda,
Amalsyz, atań qaıtsa, qalasyń da.
Oılaısyń:Kim boldy,-dep,-bizden kárip,
Jıylǵan kóp shákirttiń arasynda?!;

Sonda Molda Nájmeddın haziret eken,
Dál sol qys Baıantaýdy qylǵan Meken.
Qalaǵa bir qys qystap, páter alyp,
Sátqoja eken, Molda ustap, qylǵan dúken.

Bes jasta nesip bolyp bizge dúken,
Bıqısap kórdik taǵy qansha tiken?!
Nájmeddın haziret súıip shyn kóńilisen:
"Buharlyǵym!"- dep lepes qylǵan eken.

Bel bosanbaı ómirde búgilýden,
Kóz jasy bir tyıylmaı tógilýden.
Sebebi: "Buharlyǵym" dep aıtqany,
Qaqqan qazyq sıaqty júginýden.

Artyna mingestirip alyp keldi,
Bes jasta bes shaqyrym jerge berdi.
Al, ákesi qaıtqanda endi úıine,
Sońynan júgirmeı me jas bala endi?!

Atamyz din jolyna belin býdy,
Bul Máshhúr sol sekildi erden týdy.
Kósheniń qaq basynan qýǵanynan,
Jetkenshe medresege atpen qýdy.

Basqa qamshy tıgen soń, jaman sastym,
Qorǵalarǵa jer tappaı, ábden qashtym!
Medresege qýyp kep, bir-aq tyqty,
Qaıtyp ákem demesteı, amandastym.

Baıjan haziret kóshesi- qýǵan kóshe,
Qamshymen shyqpyrtqandaı áldeneshe.
Enesinen túńilgen jas qozydaı,
Kim oılapty: "Bar ǵoı,- dep- áke-sheshe!"

Umytpaımyn: tory at bar sonda astynda,
Atamyz shyn nıeti din qasynda.
"Kel, túıebas qylaıyq!" dep balalar,
Biz jatamyz báriniń eń astynda.

Aýyl áli baıaǵy Buzaýtasta,
Balalardyń taıaǵy bizdiń basta.
Shókeluǵly Dúrjanbaı halfe boldy-
Keler jyly, onda biz alty jasta.

"Jeti jasta,-dep sura- boldyń qaıda?"
Dúnıe-jastan kelgen joq bizge maıda.
Tórtýyl-halfe turǵan Qyzyltaýda,
Ormanshy- "Qojan sopy"- degen jaıda.

Týǵannan káriplikti týdyq ustaı,
Adasqan, baý-baqshadan, bulbul qustaı.
Halfeniń Bıbisinen sabaq alyp,
Ótkizdik ómir sonda ala qystaı.

"Bolam-dep-tiri jetim !"-kim oılaǵan?!
Bizdi úıge-ata-anamyz bir qoımaǵan.
Jerden maıda, biz jumsaq boldyq sol kún,
Balalar ústimizde kóp oınaǵan.

"Shar kitap" - alty jasta ustaǵanym,
Sol kúnde óleń jattap qostaǵanym.
Eki jyl-Baıan, bir jyl Qyzyltaýda,
Úsh jyldaı túnep túzge qystaǵanym.

Úırenip bala jastan bildim tildi,
Sabadym shar kitapty men jatqa endi.
Úsh jastan soń ornyǵyp kóre almadym,
Týǵan jer men aǵaıyn, baýyr eldi.

Qoı jyly bala ekenmin jerge túsken,
Kindigim Qyzyltaýda Toqtyq kesken.
Taýyqta jutap qalyp maldan taza,
Jaz shyǵa Baıanaýla taýǵa kóshken.

"Máni" - oqyǵan joq menen basqa bala,
Arab, parsy óleńdi jatqa jáne (jana).
Samardaı qaqsaǵanym-bar jazyǵym,
Úsh jyldaı jer aýdardy ata-ana.

Bir jerde jyn bar dese, "oqý" - atty,
Jalma-jan daıarlaıdy ákem atty.
"Tımeshi, úıde otyrsyn!" - dep, aıtpaıdy,
Sheshem qandaı, minezi tastan qatty?!

Kózim jasyn Qudaıym ıgen emes,
Jastan Maǵan jaqsy oryn tıgen emes.
Bir jyl jatyp bir jerde, kelsem úıge,
Sheshem ıiskep, betim nen súıgen emes.

Jas ta bolyp kórgem joq qundy, puldy,
Bala bitken bári de menen ońdy.
Talaı eldiń balasy týlaq qylǵan,
Qys bolsa ústim degi qatqan tondy.

Aýyzy ashyqtar aıamaı kóp sabaıdy,
Peıilim e ózim niń dóp sabaıdy.
"Sen sabaqty alasyń jyldam-jyldam,
Bizge molda ursady!"- dep, sabaıdy.

Jazyǵym sol: zerekpin, negen emen,
Nesıe sóz jasymnan degen emen.
Sabaq bilmeı, bolmasa oıyn oınap,
Men taıaqty Moldadan jegen emen.

As kelmeıdi aldyma tolyq aıaq,
Bes pen alty, jetide júrdim saıaq.
Qaıda basy quralǵan kóp baladan,
Toıyp júrdim jeýmenen kúnde taıaq.

Beınet berý jaǵyna Qudaı myrza,
Qudaı ózi bergen soń, nı kak nelzá!
Oınaǵany- qylady aqtúıebas,
Shyndaǵany-shyńǵyrǵan daýsyma rıza.

Aldy-artymda serik joq, jalǵyz óstim ,
Bes jasta káriplikke tutqyn tústim .
Jaǵa kir, shybyn-masa bizde qonaq,
Jeń dal-dal, túte-túte bolyp óstim .

Bir úsh jyl udaıymen solaısha ótti,
Ólmeı tiri júrýmen segiz jetti.
Qudireti Qudaıymnyń eriksiz aıdap,
Keltirdi Baıantaýǵa haziretti.

Atamyz úı salýǵa talap etti,
Bala úshin kúzetem dep bir meshitti.
Taýyq jyly salam dep bastaǵan úı,
Kemdikpen shatyrsyz bop, sol jyl bitti.

Qystady meshit túbin, salǵan úıin,
Kóńilinde bizdi oqytý bolyp túıin.
Moldasy, Dúrjanbaı, halfe-salpe,
Olardyń biz taýystyq góı-góı kúıin.

Turmaı ma Baıantaýda haziret endi,
Mergen Jaqyp úıine páterge endi.
Góı-góıdi taýystym ǵoı dep turǵanda,
ÓMirge taýsylmaıtyn dóı-dóı keldi.

Elýdiń toǵyzyna kelgen jasy,
On toǵyzda, jalǵyz ul, bar balasy.
Bir qyzy bar toǵyz jasar Bıbisinen,
Tórt-aq jan bir úıli bolǵan basy.

Qalaǵa, Baıanaýla, búgin keldi,
Aparyp erteńine meni berdi.
Menen basqa oqyǵan bir bala joq,
Jarydym Men áke men sheshege endi.

"Bıdannan bek bil!"- deýmen sabaq berdi,
Men eki aıtqyzbaımyn bir sózdi endi.
Aǵýzy, bısmıllany mánisim en,
Qyzyǵyp úıretetin jóni keldi.

Ǵylymdy on eki pán ózi bildi,
Kisi edi: sózge usta, sheshen tildi.
Aıtqanyn doptaı qaǵyp túsirmeıtin,
Aldyna dál ózindeı bala keldi.

Eńbegin jandyrýǵa Qudaı berdi,
Kezse de, kóre almaǵan talaı jerdi.
Sózi jerde qalmasyn bilgennen soń,
Úıretti kún-tún demeı tógip endi.

Balasyn serik qylyp birge qosty,
Bergen soń Qudaı qolǵa qyran qusty.
Qulboldy- ıshan balasy: Fazyl, Maǵzum,
Ótkizdik osy úsheýmiz bir jyl qysty.

Kóz, kóńil qulyn jastan nurǵa toıǵan,
Taýsylmas kól, teńiz qyp Qudaı qoıǵan.
"Haziretten sabaq alyp, oqysyn!" - dep,
Kúttirip [kóshirip] Musa myrza bir qys qoıǵan.

Soıdyryp tý bıe men semiz taıdy,
Úıdirip jan-jaǵyna qant pen shaıdy.
"Aldynda tike turyp, [qyzmet qyl] kútip tur!" dep,
Satylǵan, jaldap bergen, Baıanaıdy.

Jarasyp eki Maǵzum qatar júrgen,
Saýyq pen, oınap-kúlip, dáýren súrgen.
Biz júrdik ekeýiniń ortasynda,
Itindeı Asqap, Káhap sońyna ergen.

Ne kerek endi bizge: uıqy, tamaq?
Et jeýsiz turýmen[en] qaldy tabaq.
Úsh-aq janbyz eń alǵash kelgen jyly,
Haziretten ala qystaı alǵan sabaq.

Sol qysta kózi aýyryp, haziret jatty,
Qınalyp óz janyna jaman batty.
Nemene "Bıdan"- degen sóz be olarǵa,
Jatqa aıtyp, júndeı sabap tarsyldatty.

Jazady úırengenin Máshhúr hatqa,
Óleńdi júre berdi soǵyp jatqa.
"Bir bala ishten qaqsaı týypty!"- dep,
Ilindi jurt aýzyna sol kúnde atqa.

Al, endi aǵa berdik bolyp bulaq,
Bermedik tyńdaýshyǵa tynys, qonaq.
"Saryp, naqý" - degen oqý bar ekenin,
Qazaqta estim egen buryn qulaq.

Nur bolǵyr jatqan jaıyń, qaıran, Musa!
Balalar, shamań kelse, maǵan uqsa!
Jazylǵan hat júzine qalammenen,
Qazaqta esh bolmaǵan óleń, qıssa.

"Tarǵyn" men "Qozy Kórpesh" shyqpaı Ma endi?!
Kim bilgen oqyp buryn mundaı tildi.
Óleńi "Tórt jigittiń"- qosaqtalyp,
Hazirettiń úıim enen birge keldi.

Kórgennen ony Máshhúr jazyp aldy,
Soqtyryp jurt aldyna jatqa saldy.
Aýyzynan silekeıi shubyrýmen,
Tamasha, estigen jan (jurt) ań-tań qaldy.

"Sóıle!"- dep, umtylyp tur bizdiń óńesh,
Tilim taǵy taqyldaq, kómes emes.
"Kópeıdiń bir balasy qaqsap tur"- dep,
Sol kúnde jurt aýzynda boldym keńes.

Kúni edi aǵa sultan sol kúnde endi,
Baıantaý qalasyna Musa keldi.
Aldyna kóremin dep aldyrǵanda,
Tynbastan jazǵan Máshhúr qaqsaı berdi.

Parasat nurymenen ábden bildi:
-Qaqqaı,-dep,-Qudaı munan kóz ben tildi!
-Mynaý Máshhúr bolatyn bala eken!-dep,
Er nazary tıýmen náfis qyldy.

-Eı, sopy, bul balańdy jaqsy baq!-dep,
-Ne bolsyn munan artyq til men jaq?!- dep.
Aıaýmen meıiri túsip, bulaısha aıtty:
-Balańa mnan bylaı úki taq!-dep.

Jalǵanda az kún tiri tursyn!-deıdi,
-Qandyrar talaı qulaq qurshyn!-deıdi.
-Mynaý ne ǵyp tur dep siltemedi,
Baqyr-aı, kóp jasaǵyr, bolsyn!-deıdi.

Sol kúnde aıtqan sózim jurtqa jaqty,
Erler, nazar qylǵan soń sondaı baqty.
Qyzynyń basyndaǵy bir tal shoǵyn,
Qolymen Bıbi Márıam ózi taqty.

Tabyldy maǵan qamqor ata-ana,
Týysqan baýyrdaı bop Maǵzum jáne (jana).
Kóz ashyldy, júzim e nur shashyldy,
Súıkim di, kóringenge, boldym bala.

Betim di bir jan endi qaqqan emes,
Ustazǵa eshkim mendeı jaqqan emes,
Uctazdyń jamaǵaty qoınyndaǵy,
Qyzynan bir eli kem baqqan emes.

Kóńilim de saırap turǵan bári daıyn,
Menen aıap kórgen joq kózdiń maıyn.
Ǵabdolla, halfe qyzy- Bıbi Márıam,
Aty aýzymnan qalmaıdy juma saıyn.

Solardyń sonda túsken Mahabbaty,
Súısingen, artylýmen jan lázzaty.
Erden, pirden iltıpat, nazar bolyp,
Máshhúrdiń jurt aýzynda qalǵan aty.

Qys ótti, jer jibidi, jerdiń ústi,
Qaladan haziret úıi elge kóshti.
Mustafa- bolys, Musa-dýanbasy
Shormannyń ordasyna baryp tústi.

Dúnıede tabylǵan soń Mundaı molda,
Atamyz ne saqtasyn bizdi qolda?!
Bir kók qasqa qunanǵa mingizdi de,
Aparyp tastap ketti taǵy sonda.

Mustafa Shormanuly, ózi- bolys,
Ustaǵan Moldasy bar, Molda Júnis.
Kútýge haziret úıin mindettenip,
Bir jazsha irgesinen bergen qonys.

Haziretten oqymaıdy usaq bala,
Bala joq menen basqa taǵy jáne.
Muqtasar, Sharyq Ǵabdolla qosa oqýmen,
Ony ese tutpaımyn, dep: "Az ǵana!"

Hazirettiń on jas úlken uly menen,
Jáne artyq qadir, puly, quny menen.
Shormannyń kóp tobyna kirgennen soń,
Men qalaı bir júre alam onymenen?!

Máshhúrdiń jas shamasy toǵyz kezi,
Menim en túıdeı qurdas jalǵyz qyzy.
Ul Men qyz birge júrip kórgen bar ma,
Qańǵydy taǵy Máshhúr jalǵyz ózi.

Úı tola bala oqytqan molda Júnis,
Barady qańǵyp Máshhúr qylyp júris.
Barǵanmen úndemeı jaı otyra ma,
Shyqpaı ma aıtysýmen janjal, keris?!

Aýyzyn "á" degizip, ashtyrmaımyn,
Aıtysýǵa kelgende, bas burmaımyn.
Haziretten estip, bilgen jat sózbenen,
Bala túgil moldasyn bastyrmaımyn.

"Eı, seni me?!"-desýmen kijinedi,
Máshhúrdiń ózi ne edi, sózi ne edi?!
Tamam bala oqýdan shyǵyp alsa,
Jazǵan Máshhúr taptalyp eziledi.

"Al, qylaıyq,- desedi,- aqtúıebas!"
Máshhúrdiń bir shyqpaıdy kózinen jas.
Eń aıaǵan-astynan turǵyzyp ap,
Bar bolǵan bolysqany: "Al,-deıdi -qash!"

Maǵan sonda joq shyǵar tımegen qol,
Mustafada byqyǵan ul men qyz mol.
Bir Aqbýra: hazirettiń jalshysy bar,
Adamzatta aıaıtyn jalǵyz-aq sol!

Aıaǵanmen jete me áli kópke,
Bir óshikse, kóp bala kóne me epke?!
Balalyqta basymnan ótken kúndi,
Qalaı tizip sóıleıin bárin jipke?!

Aıamastan Qudaıdyń bergenin bil,
Qyzdar qaldy tirideı ár jerde tul.
Sonda aıamaı-ashymaı urǵan jandar,
Tike turdy aldyma qýsyryp qol.

Aınalaıyn Qudaıdan qylǵan mundaı,
Sol kezde júrgem joq bolyp jymdaı.
Kim ketipti úndemeı syrt aınalyp,
Tıgen jandy qyp-qyzyl shıe qylmaı?!

Bala jastan emdedik talaı tazdy,
Saǵan, Máshhúr, obal joq ózińe az-dy!
Hazirettiń úıi sonda júrýmenen,
Sol aýylda ótkizdik eki-úsh jazdy.

Ósýmen Baıantaýdyń qalasynda,
Qudaıdyń jan saqtaýmen panasynda.
Ne berse de Qudaıdyń bergen baǵy,
Segiz benen on bestiń arasynda.

Keýdege on bes jasta ǵylym toldy,
Tolýmen tasyp ketip óleń qondy.
Ásh-sháhrıat apatqa tatbıq kelip,
Apat sol jurt aýzynda Máshhúr boldy.

Keýdeni ketkennen soń óleń kernep,
Oı ketti bet aldyna saı-saıdy órlep.
Bas joq, kóz joq, bet aldy shaba berdik,
Kim boldyryp kóripti kózi terlep?!

Biledi muny tegis bul Orta júz,
Jaz ótse, taqaý tur ǵoı sońynda kúz.
Qyzdarǵa tumar qylyp taqtyrýǵa,
Óleńmenen ǵashyqlyqtan qozǵadyq sóz.

Qudaıdyń, mine, sheber qudiretin kór,
Bilmedik qaıda ekenin esik pen tór.
Óleńin ǵashyqlyqtyń sezip qalyp,
Atamyz on altyda aýdardy jer.

Bulbuldaı qaqsaǵan soń kún-tún saırap,
Bekitip tura almadyq tildi baılap.
"Bala oqyt, mal taýyp ber, turma úıde!"- dep,
Jiberdi jer sibir qyp eriksiz aıdap.

Ǵashyqlyq, nem bar edi qyspaı kótti?!
Óz tilim , óz basyma kóp pále etti.
Atanyń qylǵan isi mıras bolyp,
Sonymen jer sibir bop ómir ótti.

Jıyrma toǵyz jasta Buhar bardym,
Basymnan arylmastaı sybaǵa aldym.
Damolda, Hamza qoja kezdeı ushyrap,
Toǵyz aı sonda aldynda turyp qaldym.

Bes jasta bısmılla aıtyp, jazdym hatty,
Bul dúnıe tastaı maǵan keldi qatty.
Segizden toǵyzǵa aıaq basqan kúnde,
Musa edi qosaqtaǵan "Máshhúr" atty.

Iltıpat kóp jaqsylar etip edi,
Sharapat ustaz pirden jetip edi.
Ustazym Qamar haziret súıgendikpen:
"Ýaı, quzǵyn-aı!" deýmenen ketip edi.

Tappady janym saıa kúıgeninen,
Mańdaıǵa, toqtalmadym, tıgeninen.
Damolda haziret kúlip ár sózime:
"Ýaı, áýlıe!"- deýshi edi, súıgeninen.

Qoldaǵan ár orynda ǵaıyp pirim ,
Tarqaǵan sóz sóıleýmen ishte sherim .
Qaıda barsam joq bolǵan bul jahanda
Ustazǵa jekkórinishti bolǵan jerim .

Dep ketken bireýi “jyndy”, bireýi “baqsy”,
Bir kisi kópke qalaı unamaqshy?!
Tashkenttegi ustazym osy kúngi
Yqylasymdy qosh alyp, kórgen jaqsy.

Keledi shyǵyp jańa ashshy terim ,
Shabýǵa búktetilip jetpeı jerim .
Kúndiz-túnde basyma pana bolǵan,
Qojaı- bahaýaldın kámil pirim.

Júrgen, turǵan jerim nen pále qashqan,
Tas basyp, qansha qıyn taýdan asqan?!
Jankeshti: “qyr qydyrǵan, sý sydyrǵan”,
Qydyrdyń qydyrǵanda, izin basqan!

Qańǵyryp júrgendikten, júrgen saıaq,
Jerim kóp ár orynda jegen taıaq.
Qudaıǵa shúkir, Haqtyń pendesim in
Meıirban tókken lutyn aıamaı-aq.

Inshalla, sózim de joq tıtteı jalǵan,
Aýzyma sózdiń shynyn Táńirim salǵan.
Lutyhı qandaı esepsiz kóp bolsa da,
Taǵy ózi qaharyna sondaı alǵan.

Jalǵanda kúıip tekke jasaǵan jas,
Boıyma ómir boıy bir sińbeı as.
Rızamyn qylǵan bárin Iem ózi,
Qysqany, jadyratqany- bári bir bas.

Men óleńdi ómirim she óttim qoımaı,
Jibermes semirtýmen jáne soımaı.
Qaıǵy ǵam-bala jastan qumar isim ,
Berýshi ózi bolǵan soń tipti toımaı.

Eı, Alla, aınalaıyn bergenińe,
Ǵıbratpen, shyn yqylaspen kórgenińe!
Kereksiz bul jalǵanǵa qyldyń bir jan,
Júdemes, qajyp eshkim ólgenińe!

Ólseń, saǵan, aıtshy kim, qamyǵady?!
Túsinbegen sózińe, shala uǵady.
Tura berseń jalǵanda bul qalyppen,
Qaty, bala kútýden jalyǵady.

Bul sózim niń bári shyn, jalǵanym joq,
Jalyǵýmen tipti ózim qalǵanym joq.
Bul jalǵanda kóńilim e alǵan isti
Qolym jetip eshbirin alǵanym joq.

Bolmaı ketti ómirim she maǵan toıym,
Hat, qalamym, óleńim -jylqy, qoıym.
Men degende, jan bitken teris aınalyp,
Ornyna kep kórgen joq eshbir oıym.

Buhar bardym, eńbegim onda qaldy,
Tashkenttegi, joldaǵy el urlap aldy.
Qydyrsań da dúnıeni, taba almassyń:
Bir eńbegi janbaǵan bizdeı jandy.

Kim -kim menen bas qossam, oıy basqa,
Úıde otyryp jarımyn ósh pen qasqa.
Úıde, túzde kún keshtim jalǵyzdyqpen,
Jarı almaı ómirim de bir joldasqa!

Dep oılap: “Aldanbaıyn bolmashyǵa”,
Bilmedim bala kúnnen qyrǵa shyǵa.
Keýdege qýat bitken ketip qalyp,
Jerim joq hosh kóringen urǵashyǵa!

Joǵary qaraı berip, tómen baqpaı,
Ózim di-ózim jasqanshaq, qylyp qaqpaı,
Qara quldyń jumysyn qylmaǵan soń,
Qatyn degen halyq, jurtqa kettim (qaldym) jaqpaı.

Bergen óner qudaıym til men jaqtan,
Bul-shyn sóz, biledi jurt, emes maqtan.
Til men jaqtyń qatynǵa keregi ne,
Quldy artyq kóretin jurt mal men baqtan.

Nadannan boıyńdy alys qylyp, saqtan!
Berilgen ǵylym, hıkmet maǵan haqtan.
Aq jaǵyńnan kóretin kózdi joq bop,
Óńsheń soqyr qaraıdy qara jaqtan!

Júsipti aq jaǵynan Jaqyp kórdi,
Qyryq jyl jylap, kózi aǵyp, ómir súrdi.
Qara jaǵyn kórýmen aǵalary
Joıyltyp, joq qylýǵa ańdyp júrdi.

Kerýenge baqyrtýmen qul dep satty,
Mysyr baryp, zyndanda naqaq jatty.
Zylıqa aq jaǵynan kórip qalyp,
Órt bolyp óz-ózinen kúıdi qatty.

Bir jaǵyń aq bolǵanda, bir jaq- qara,
Táńiriń solaı jaratqan, bar ma shara?!
Qara jaqtan qaraýshy ortasynda,
Jalǵyz qaldyń sopaıyp, eı, beıshara!

Bilgenge boldy tamam, endi sóz joq,
Elýden astyń anyq, saǵan júz joq.
Tur meıliń, bul jalǵanda, jónel meıliń,
Aq jaǵyńnan kóretin bir de kóz joq!

Jaýdyń basy óz nápsiń bermeıdi erik,
Qosaqtalyp laǵyn tur oǵan serik.
Qansha aınalsań qudaıdan, az-dy saǵan,
Dushpanyńa osynsha qylǵan jerik!

Bilmeı júrsiń júgińdi moınyńdaǵy,
Ómir boıy qanbaǵan oıyń-daǵy.
Qara jaqtan, qaq basy, qaraýshynyń
Ómir-joldas qatynyń qoınyńdaǵy.

Qartaıýmen jastarǵa boldyń sýyq,
Bas ornynda bul kúnde- úrgen qýyq.
Emen bolsyn, kótersin, qalaısha úıdi,
Iske jarap jalǵanda jalǵyz ýyq.

Júregińniń basynda qaldy daǵyń,
Kúnnen-kúnge jýyqtap óler shaǵyń.
Aq jaǵyńnan kórýshi jan joq bolyp,
Aımaǵyńa aıqyn bop qara jaǵyń!

Bul jalǵannyń júzinde kóńiliń óspeı,
Kóringenniń jurtynda qaldyń kóshpeı.
Qashan kózge kóringen asyl nárse
Asyldyqtan qor boldyń, kózge túspeı!

Bala kúnde tolýmen keýdeń nurǵa,
Mastyqpen túsip kettiń talaı sorǵa.
Sharq uryp ushyp júrgen der kúnińde,
Zerek qustaı jańylyp, tústiń torǵa!

Eske tústi-aý basymnan keshken kúnder,
Talaı ýyn jalǵannyń ishken kúnder!
Bopalamdap ishinde ketip jatyr,
Neshe túrli kókeıdi kesken kúnder.

Tirshilik kórsetti bárin munyń,
Sen qazbalap suraısyń nesin onyń?!
Tiliń sóılep, júregiń oıanǵanmen,
Qaıda jetken sozǵanmen qysqa qolyń?!

Tekke sharshap, zaryqpa, qyzyl tilim !
Salǵan meni beınetke ǵylym-bilim .
Zerektiktiń sazaıyn kóp tartýmen,
Qaqsaýmenen damylsyz ótti kúnim .

Jaryq sáýle kóre almaı, bir tań atyp,
Ketken kúndi, aıtasyń, qashan batyp!
Satý, soıý jaǵyna jaramsyz bop,
Qoıǵa ere almaı qotanda qaldyq jatyp.

Aram boldy jalǵanda bizge bazar,
Tirileı kórge túsip, boldyq mazar.
Mine, osyndaı mán-jaıy káripterdiń (ǵariplardyń),
Sharapatty erlerden tıgen nazar.

---