InfoHub Logo

Qazaqstan – Uly Dala eli
Eýropanyń dál ortasyndaǵy, júregi atanǵan el – Qazaq eli. Qazaqstan - ushqan qustyń qanaty talatyndaı ulan – ǵaıyr aýmaqtyń ıesi. Men maqtanyshpen, kókiregimdi kókke kóterip «Men Qazaqstannyń jas urpaǵymyn, keleshegimin!» - dep jarıaǵa jar sala alamyn.
Táýelsizdik - qazaq halqynyń óshkenin jandyryp, ólgenin tiriltti. Almaty men Astanada, oblys ortalyqtary men iri eldi mekenderde Kereı men Jánibek, Abylaı men Ábilqaıyr sıaqty áıgili handarymyzdyń, Qabanbaı, Bógenbaı, Naýryzbaı batyrlardyń eńseli eskertkishteri boı kóterip, olardyń esimderi eldi - mekenderge, joǵary oqý oryndary men mektepterge berildi. Babalardyń erlik pen kúreske toly ónegeli ómir joldary jaıly tom - tom ǵylymı eńbekter men ádebı shyǵarmalar jazyldy. Táýelsizdikpen birge oralyp, urpaǵyna ulanǵaıyr qonys qaldyrǵan batyr babalarymyzdyń bıik rýhy qazaqtardyń, ásirese, jalyndaǵan jastardyń arasynda asa zor patrıottyq órleý týǵyzyp, ult tarıhyna degen maqtanysh sezimin uıalatty. Tek ótken tarıhymen ǵana maqtanatyn eldiń bolashaǵy bulyńǵyr. Ár býyn ókilderi ata - baba dańqyna dańq qosyp, abyroıyn arttyryp, búkil dúnıe júzi aldynda bedelin bıiktete bilgen eldiń ǵana bolashaǵy jarqyn, mereıi ústem bolady. Osy turǵydan kelgende táýelsiz Qazaqstannyń jastary babalar amanatyna adaldyq tanytyp, elimizdiń abyroı - bedelin buryn - sońdy bolmaǵan bıikke kóterdi.
Bárimizdiń kıeli ata-mekenimiz bar, ol - qazaqtyń Uly Dalasy. Sol dalada babalardyń izgi amanatyn oryndaý jolynda biz qurǵan qasıetti Otanymyz bar. Ol - Táýelsiz Qazaqstan. Táýelsizdik - bizdiń mańdaıǵa basqan baǵymyz, máńgi saqtaýǵa tıis amanatymyz. Qasıetti Otanymyzda qandaı qıyndyqty da qaıyspaı qarsy alýǵa laıyq órshil rýhty, azat oıly, jasampaz halqy bar. Ol - erjúrek qazaq halqy. Sol qaharman halyqtyń alǵa qoıǵan izgi muraty bar. Ol - Uly Dala tósinde ózi qurǵan memleketti Máńgilik El jasaý.
Prezıdentimiz N. Á. Nazarbaev óziniń «Máńgilik El» baǵdarlamasynda «Máńgilik El» uǵymy keń ári osy eki aýyz sóz qazaq halqynyń ótkeni men bolashaǵy ekeniń ashyq túrde aıtyp ótken bolatyn. Egemendi el bolyp qalyptasý jolyndaǵy qıynshylyqtarymyzdy tilge tıek etsek, bálkim qaǵaz betine syımas. Osy ýaqytqa deıin tar jol, taıǵaq keship, moıymaı óttik. Ár qazaqtyń jadynda qorqynyshty tús sekildi saqtalǵan yzǵarly jeltoqsan oqıǵasy.
Árıne, jeltoqsan oqıǵasyn umytý múmkin emes. Jeltoqsannyń jeli, aıazy, yzǵary «Qandy muzda» talaı qazaq jazyq boldy. Ult qamy úshin sol kúni alańǵa, qaısar qazaq qyzdary da shyqty. Talaı qazaq qyzdaryn da, gúlderin de jeltoqsan soldyryp, tońdyrdy.
Egemendik – bul elimniń eldigi,
Egemendik – barlyq ulttyń teńdigi.
Egemendik – elin, jerin qorǵaǵan,
Erbol menen Qaırattardyń erligi,- dep Marfýǵa apaıymyz jyrlaǵandaı, ony únemi júregimizge saqtaýymyz kerek. Táýelsizdigimizge jıyrma bes jyl tolyp, elimiz qursaýdan bosady. Ata – babalarymyzdyń úmiti aqtalyp, kók týymyz kógimizde jelbirep tur.
Endeshe, árqashan elimiz aman, baýyrymyz bútin bolsyn. Elimiz qurǵan Táýelsiz Qazaqstanymyz Máńgilik Elge aınalsyn! Uly maqsattarǵa jetý jolynda bizge batyr babalardyń arýaǵy jar bolsyn! Bizdiń qasıetti jerimizdi yqylym zamandardan Uly Dala dep, al babalarymyzdy Uly Dalanyń urpaqtary dep ataǵan. Biz - solardyń jalǵasymyz, Uly Dalanyń muragerlerimiz. Osynaý keń baıtaq Uly Dalanyń kóginde halqymyzdyń baq juldyzy bolyp Jańa Qazaqstan dúnıege keldi. Bizdiń Qazaqstanymyz - uly isterdiń uıytqysy bolǵan Uly Dala Eli! Bul - bizdiń taǵdyrymyz! Bul - bizdiń tańdaýymyz! Máńgilik Elimizde beıbitshilik pen bereke bolsyn! Halqymyz aman bolsyn!
Sen degende, Qazaqstan,
Júrekten ot laýlap ushqan.
Gúldeı jaınap, qulpyra ber,
Egemen el - Qazaqstan!