![Qazposhtanyń elektrondy qyzmetteri kún sanap artýda](http://infohub.kz/uploads/thumbnail/20240120112825804_big.jpg)
- 15 qar. 2018 00:00
- 273
Qazposhtanyń elektrondy qyzmetteri kún sanap artýda
Qazposhtanyń qyzmetteri endi elektrondy túrde kórsetiledi. Iaǵnı, óz-ózine qyzmet kórsetý buryshtary men robottardyń kómegimen barlyq qajetti qyzmetterdi ala alasyz. Bul týraly aigak.kz aqparattyq agenttigi jazdy.
«Sıfrlyq Qazaqstan» memlekettik baǵdarlamasy men Qazposhtanyń «Transformasıa» baǵdarlamasynyń aıasynda búginde kompanıada elektrondy qyzmetter jıi kórsetilýde.
«Elektrondy qyzmetti qoldanýshylardyń alǵashqysy Shymkent qalasynyń ákimi Ǵabıdolla Ábdirahymov boldy. Qala ákimi ınternet arqyly saýda jasaýǵa arnalǵan kartochkany, tapsyrys bergennen keıin nebári 10 mınýtta qolyna aldy. Osy sekildi Qazaqstan qalalary arasynda jedel hattar joldaý, komýnaldy tólemder de elektrondy túrde bolmaq», – delingen basylymda.
Buǵan qosa, Qazposhtanyń sıfrlyq keńseleri de kóbirek boı kóterip jatyr. Qazirgi tańda Qazaqstan boıynsha 7 sıfrlyq keńse bar. 7-shisi Shymkent qalasynda ashylǵan bolatyn. Aldaǵy ýaqytta Túrkistan qalasynda ashylady dep josparlanýda. Poshta jelisi bıznes pen halyq úshin elektrondyq saýdany, kólik-logıstıkalyq servısti sonymen qatar qarjylyq qyzmetterdi damytýdyń tıimdi quraly bolyp tabylady.
Qazposhta arqyly komýnaldyq tólemder, salyq jáne basqa da tólem túrleri, aqsha aýdarymdary, depozıt salymyn qabyldaý, halyqaralyq tólem kartochkalaryn rásimdeý, jeke jáne zańdy tulǵalarǵa bank shotyn júrgizý men ashý, zeınetaqy, eńbekaqy, áleýmettik járdemaqy tólemderin qabyldaý, áýe jáne temir jol bıletterin satý, nesıe (Bank HoýmKredıt arqyly) tóleý, nesıelik búro, transfer-agenttik, shetelden ınternet-dúken arqyly tapsyrys qabyldaý syndy qyzmetterdi alýǵa bolady.