InfoHub Logo

Taqyryby: «Qyz erkem, kestesimen kórkem» atty jas sheberler saıysy
Maqsaty: Qyzdardyń boılaryndaǵy ıkemdilik, symbattylyq, qabilettilik, ınabattylyq, izettilik, biliktilik, tanymdylyq qasıetterin dáriptep damytýǵa baýlý. Qyz balalardy ózin - ózi kúte bilýge, uqyptylyqqa tárbıeleý. Qyzyqtyrý arqyly bilimin tereńdetý, zıatkerlik qabiletin damytý.
Mindetteri: Oıyn tásili arqyly oqýshylardyń oıyn damytyp, pánge degen qyzyǵýshylyǵyn oıatý. Ónerdi túsinip, baǵalap, meńgerýge baǵyt - baǵdar berý. Óner úırenýde óz betterinshe izdenýdiń qajettiligin sezindirý.
Túri: Synyptan tys shara.
Qatysatyn synyptar: 8 «A», 8 «Á», 8 «B» synyp qyzdary.
1 - júrgizýshi: Qaıyrly kún qymbatty ustazdar jáne oqýshylar. Búgingi zaman talabyna saı adam segiz qyrly bir syrly bolýy kerek. «Úıretý - úlkennen, úırený - kishiden» demekshi, ótkenniń ónegesin, dástúrdiń tatymdysyn sabaq ústinde bala boıyna sińirý árbir ustazdyń mindeti. Barshańyzǵa málim osy apta boıy mektebimizde kórkem eńbek, mýzyka, dene shynyqtyrý aptalyǵy ótip jatyr, osy aptalyq aıasynda búgin sizderge arnap ótkizgeli otyrǵan «Qyz erkem, kestesimen kórkem» atty jas sheberler saıysyna qosh keldińizder. Búgingi keshtiń de maqsaty - azda bolsa bilim qorlaryn jetildirip, bilmegenin bilýge, bilgenin ózgege jetkize bilý maqsatynda uıymdastyrylyp otyr.
2 - júrgizýshi:
Myna ǵasyr bilimdiniń ǵasyry,
Saralanar adamzattyń asyly.
Qazaqstan órkenıet el bolsa,
Zańdy elimniń qýanyshtan tasýy.
Myna zaman bilimdiniń zamany,
Shákirtterdiń taýdaı bıik talaby.
Bilimdini anyqtaıtyn saıysta,
Saıyskerlerdiń sátti bolsyn qadamy
1 - júrgizýshi:
Jol siltegen bıikterge ustazdarym
İshterińnen shyǵar áli jańa daryn
Ádildikti tek alǵan maqsat etken
Tanystyram ádilqazy alqalaryn
Búgingi keshtiń ádilqazy alqalarymen tanys bolyńyzdar.
1.
2.
3.
2 - júrgizýshi:
Kóp sóılep jón jobadan biz aspaıyq
Qandaı saıys bolsa da biz qashpaıyq
Al, endeshe ruqsat bolsa «Qyz erkem, kestesimen kórkem» atty jas sheberler saıysyn biz bastaıyq dep saıystyń sharttarymen tanystyryp óteıin.
Bul saıys eki juldyz jobasy men kúz hanshaıymy saıysynyń qosyndysy. Sebebei, sharttary kúz hanshaıymy saıysynyń sharttary sekildi, biraq qatysatyn qatysýshylar jup bolyp óner kórsetedi.
1 - júrgizýshi: Bul saıysymyzǵa 8 synyptardan eki juptan 3 top qatysqaly otyr. Saıys sharttary 5 kezeńnen turady:
1. «Jumbaq qyzdar»- ár jup ózderin tanystyryp ótedi./5mın/
2. «Burymdy qyzdar» - shash órý óneri.( órilgen shashty túsindirý). Ár toptaǵy birinshi qyz ekinshi qyzdyń shashyn óredi. Órgen shashyn sıpattap beredi, sol arqyly burymdy qyz ekendigin kórsetedi./5mın/
3. «Ónerli qyzdar» - toqý ónerin kórsetý, toqylǵan zattar, óz qoldarynan shyqqan buıymdar (kórme kórsetý) /5mın/
4. «Aqyldy qyzdar» suraq - jaýap aıdary. Toptaǵy birinshi qyz salt - dástúr boıynsha, ekinshi qyz kórkem eńbek sabaǵy boıynsha suraqqa jaýap beredi. /5 mın /
5. «Aspazshy qyzdar» ár top 10 mın ishinde belgili salat túrin jasap, ony qorǵap berýi kerek
Saıyskerlerdi 5 pen 10 aralyǵyndaǵy upaımen baǵalasańyzdar bolady.
2 - júrgizýshi:
Óner qýyp saıyskerler ótse deımiz
Bir basyna ónerlerine jetse deımiz
Báske túsken saıyskerler kezektesip
Tanystyryp ózderin ótse deımiz.
(Ár top ózderiniń tanystyrýlaryn oryndaıdy)
Endeshe, birinshi «Jumbaq qyzdar» kezeńin bastasaq. Birinshi bastaıtyn 8 «A» synybyn qarsy alaıyq.
1 - júrgizýshi:
Kóriner qyzdar sulý shashbaýymen,
Burymyn keıin serpip tastaýymen.
Jarasqan shashbaýymen teńgelerim
Teńgeniń kim bilipti dóńgelegin.
Qos burymdy sulýlyqtyń belgisi dep tanyǵan halqymyz qyzdardyń shashayn ósirip ushyna zergerdiń qolynan shyqqan shashbaý, sholpy taǵyp, sulýlyqqa jastaıynan baýlyǵan, qyz balaǵa kerek qasıet – talǵam, jarasym, aqyl, bilim, iskerlik ómir tirshiliginen nár alyp tamyrǵa jaıylady. Endeshe, «Burymdy qyzdar» kezeńin bastaıyq. Bul saıys - shash órý óneri.( órilgen shashty túsindirý). Ár toptaǵy birinshi qyz ekinshi qyzdyń shashyn óredi. Órgen shashyn sıpattap beredi, sol arqyly burymdy qyz ekendigin kórsetedi./5mın/
2 - júrgizýshi:
Saıyskerler óz ónerine daıyn bolǵansha ásem áýenge kezek bereıik. Qarsy alyńyzdar ortada _______
Rahmet! Óneriń órge júzsiń!
1 - júrgizýshi:
Al kimniń óneri bar qanshalyqty,
Kilemge bireýler órnek salypty.
Terme ustap, endi biri shı toqysa,
Oıýdan túıin túıip tamsanypty, - dep kele, kezekti «Ónerli qyzdar» kezeńine bereıik. Saıyskerler óz qoldarynan jasaǵan buıymdaryn tanystyrady.
2 - júrgizýshi:
Qandaı jaqsy maıysyp turǵandaryń,
Boıyńa jınaǵandaı óner baǵyn.
«Ana kórgen ton pisher» degen bar ǵoı,
Ónerlilir kórsetsin buıymdaryn « Ónerli qyzdar» ózderiniń qoldan jasaǵan buıymdaryn ádil qazylarǵa ákelip tapsyrsyn
1 - júrgizýshi:
«Bilekti birdi jyǵady,
Bilimdi myńdy jyǵady.
Inemen qudyq qazǵandaı
Bilimniń shyńyna shyǵady, - deı otyryp, kezekti «Aqyldy qyzdar» saıysy
Bul shartta ortaǵa sandyqqa salynǵan suraqtar ákelinedi. Ár topqa arnalǵan 2 suraq bar jáne bir suraqqa 5 upaı eger ekeýine de durys jaýap berse 10 upaı beriledi. Jaýap berýge 2 mınýt ýaqyt beriledi. Aıta ketkendeı, toptaǵy birinshi qyz salt - dástúr boıynsha, ekinshi qyz kórkem eńbek sabaǵy boıynsha suraqqa jaýap beredi
1) Úsh arsyz, úsh jamandyqty atap berińiz?
- Uıqy arsyz, tamaq arsyz, kúlki arsyz;
- Naqaq qan tógý, kisi malyn urlap alý, ata - babadan qalǵan jurtty buzbaý;
2) Qazaqsha aı attaryn ata?
- Qańtar, Aqpan, Naýryz, Mamyr, Maýsym, Shilde, Tamyz, Qyrkúıek, Qazan, Qarasha, Jeltoqsan;
3) Tórt túlik maldyń ıesi qalaı atalady?
- Túıe - Oısylqara, Jylqy - Qambar ata, Qoı - Shopan ata, Eshki - Seksek ata, Sıyr - Zeńgi baba;
4) Qazaqtyń ulttyq aspaptaryn ata?
- Dombyra, sazsyrnaı, jetigen, qobyz, sybyzǵy t. b.
5) Jeti atany atap berińiz?
- Ata, áke, bala, nemere, shóbere, shópshek, nemene;
6) Jeti qazynany atap berińiz?
- Er jigit, Sulý áıel, Aqyl - bilim, Júırik at, Qyran búrkit, Beren myltyq, Júırik tazy;
7) Úsh júzdi jáne úsh kózdi atańyz?
- Uly júz, Orta júz, Kishi júz;
- Sý anasy – bulaq, Jol anasy – tuıaq, Sóz anasy – qulaq;
8) Bes qarý degen ne?
- Sadaq, Qylysh, Naıza súńgi, Aıbalta, Shoqpar;
1. Tigin mashınasynyń ákesi kim? (Elıos Hoý)
2. Ártúrli matalardyń qıyndylaryn japsyryp, maǵynaly kórkem jumys oryndaýdy qalaı ataıdy? (Kollaj)
3. Oıýdy úlken neshe topqa bólemiz? (4 topqa. Janýarlyq, ǵaryshtyq, ósimdik tektes, geometrıalyq)
4. Halat, kúrte, jeıde, kóılek bular qandaı kıim túrlerine jatady? (Iyq buıymdary)
5. Eń alǵashqy tigin mashınasyn oılap tapqan kim? (Leonarda da Vınchı)
6. İs tikkende saýsaqtyń ushyna kıiletin zatty qalaı ataıdy? (Oımaq)
7. Ár nárseni kórkemdep jobalaý qalaı atalady? (Dızaın)
8. 1900 jyly Reseıdegi Podolsk qalasynda tuńǵysh tigin mashınalar zaýyty ashyldy. Bul zaýyt qalaı atalady? (Zınger)
2 - júrgizýshi: «Aspazshy qyzdar»
Shańyraqtyń jaıylady dastarqany,
Dastarqannyń bir sáni bar – on taǵamy.
Tátti taǵam ár adamdy súısindirer,
Aspazdyqqa bereıik bir baǵany. Deı kele arýlar óz as dámderin usynady. Árbir jup ózderiniń jasaǵan salat túrlerin túsindirip, jasalý joldaryn aıtyp beredi.
1 - júrgizýshi:
Saıyskerler óz ónerine daıyn bolǵansha ásem áýenge kezek bereıik. Qarsy alyńyzdar ortada _______
Rahmet! Óneriń órge júzsiń!
Qurmetti ádilqazylar alqasy oqýshylardyń ónerlerin baǵalańyzdar.
Qorytyndy:
Sizder, bizdiń sheber, isker jáne qıynnan qıystyrar tapqyr oqýshylar ónerin tamashaladyńyzdar. Óner - qudiret, kúsh, adamnyń jan serigi, rýhanı baılyǵy. Kez kelgen ozyp shyqpaıdy, talapty, ónerli oqýshy jarqyrap birinshilikke shyǵady. Talant pen óner ataýlynyń kóteriler shyńy - daryndylyq. Osyndaı saıysqa jıi qatysyp, talaptaryńyz talmaı, daryndylyq qasıetińiz arta bersin. Olaı bolsa, alǵan bilimderimizdi kúndelikti ómirde qajetterimizge jarata bilsek, eńbekterimizdiń esh ketpegeni. Osymenen saıysymyz aıaqtaldy. Saıysqa ádil baǵa bergen ádilqazylarymyzǵa, qatysýshylarymyzǵa jáne kórermenderimizge úlken rahmet. Qosh, saý bolyńyzdar!
2 - júrgizýshi:
Demeńiz biz ónerdi aıap qaldy,
Ýaqyt biraz jerge taıap qaldy.
Kóriskenshe hosh saý bolyp turyńyzdar,
«Qyz erkem, kestesimen kórkem» saıysy aıaqtaldy