InfoHub Logo

Qazaq poezıasynyń juldyzy Isa Baızaqovtyń «Quralaı sulý» atty poemasy bar. Bul poemada Quralaı sulýdyń qaıǵyly da qasiretti taǵdyry sýretteledi.

Quralaıdyń súıgenine qosylǵan, jaýdan qashyp qutylǵan, muratyna jetken shaqta ajal tyrnaǵyna ilinýi kez kelgen adamdy beı-jaı qaldyra almaıdy. Sol Quralaı sulýdyń beıiti Jambyl oblysy Moıynqum aýdany Qamqaly selosynyń janynda ornalasqan. Qazir qulap, bir bosaǵasy ǵana qalǵan.

Quralaı sulý — qalmaq hanynyń qyzy. Sheshesi qazaq bolypty. Tutqynǵa túsken qazaqtyń Kelden batyryna ǵashyq bolyp, ekeýi qashyp shyǵady. Qýǵynshylardan qutylyp, birneshe kún jol júredi. Aqyry, Betpaqtyń shóline keledi. Jaǵasy tolǵan qamys, quraq kólge túsip dem almaqshy bolady. Kólden attardy jaıǵap júrgende, Quralaıdyń ashshy daýsy shyǵady. Júgirip kelgen batyr jolbarys shapqan qyzdyń ústinen túsedi. Jolbarysty qanjarmen bir-aq jaıratqan ol Quralaıdyń óli denesin qushaqtap zar eńirep jylaıdy. Qanjarymen kór qazyp, súıegin kómedi. Elinen kisi ákelip, sol kól jaǵasynan beıit turǵyzady. Sol jer qasıetti orynǵa aınalǵan. Qazirgi kezde kól qurǵap, sýalǵan. Halyq Quralaı sulý beıitin áli kúnge deıin ardaqtap, qurmettep keledi.

Oqýǵa keńes beremiz:

Quralaı sulý

---