InfoHub Logo

«Elbasy N.Á. Nazarbaevtyń eńbekteri Qazaqstan tarıhynyń derek kózi retindegi tarıhı mańyzy» degen taqyrypta 30.11.2021 jyly tárbıe saǵaty ótti. Tárbıe saǵatynda stýdentter Elbasynyń: «HHİ ǵasyr tabaldyryǵynda», «Beıbitshilik epısentri», «Eýrazıa júreginde», «Táýelsizdik belesteri», «Qazaqstan joly», «Beıbitshilik kindigi», «Ǵasyrlar toǵysynda», «Tarıh tolqynynda», «Syndarly on jyl» jáne t.b. eńbekteri týraly oılaryn ortaǵa salyp, pikir almasty. Eńbekterdiń keıbirine toqtala ketsek, N.Á.Nazarbaevtyń «Syndarly on jyl» atty eńbeginde qazirgi zamanǵy lankestik, jahandyq jáne óńirlik qaýipsizdikti qamtamasyz etý problemalary jáne olarǵa qarsy kúres sharalary qarastyrylǵan. Qazaqstanda lankestik jikshildik pen ekstremızm problemalary men olar tarapynan keletin qaýip-qater áste boljaldy sıpatta emes, ábden naqty jáne aıqyn sıpatta bolyp otyr, buǵan ásirese óńirler men jalpy halyqaralyq qoǵamdastyqtyń saıası, áleýmettik, ekonomıkalyq problemalarynyń ózara baılanystylyǵynan týyndaǵan halyqaralyq lankestiktiń belgili bir jahandanýyn eskergende tolyǵyraq kóz jetkizýge bolatyndyǵy týraly aıtylǵan.

«Qazaqstan joly» degen eńbek táýelsizdiktiń 15 jyldyǵy qarsańynda jazylǵan. Eńbek Egemen Qazaqstannyń qalyptasýy men damýynyń shejiresine aınaldy. Elbasynyń kitaby Qazaqstannyń qazirgi tarıhynyń asa kúrdeli de jarqyn sátterin baıandaıdy. Toǵyz taraýdyń árqaısysy táýelsiz jas memleketimizdiń qalyptasý jolyndaǵy aıshyqty qadamdaryn ashyp kórsetedi.Onda memleket pen onyń kóp ultty halqynyń ómirin túbirimen ózgertken irgeli saıası jáne áleýmettik-ekonomıkalyq túrlenýiniń egjeı-tegjeıli sıpatttamasy berildi. Kitapta etnos aralyq jáne konfesıa aralyq tatýlyq pen kelisimge negizdeletin áleýmettik-saıası turaqtylyq máselesi basty oryndardyń birin alady. Táýelsizdiktiń alǵashqy jyldarynan bastap bul másele memlekettik ıdeologıa deńgeıine kóterildi. Túrli ulttyq-dinı mádenıettiń taıtalasy saldarynan álemde bolyp jatqan eleýli janjaldar mundaı kózqarastyń durysytyǵyn qýattaıdy. «Qazaqstan joly»-memleket ornatý, jańa qoǵamdy jasaqtaý tájirbıesi bolashaq úshin aıyryqsha qundylyq bolyp tabylatyn tarıhı oqıǵalar týraly keń aýqymdy aqparattan turatyn kitap. Bul eńbek zamanaýı otandyq jáne dúnıejúzilik tarıhnamany eleýli túrde tolyqtyrady.Bul eńbek jaryqqa shyqqan sátten bastap álemdik sarapshylardyń nazaryna iligip álemniń túrli tilderine aýdarylǵan.

Ashyq tárbıe saǵatynyń maqsaty – Elbasy eńbekterimen tanysý jáne Prezıdentimizdiń Qazaqstan respýblıkasynyń ishki, syrtqy saıasatynyń basym baǵyttaryn júrgizýdegi kóregendigik saıasatyn ashyp kórsetý. Stýdentterdi elimizdiń erteńine degen senimin arttyra otyryp, otanshyldyqqa, ultjandylyqqa tárbıeleý.

Tárbıe saǵatynda stýdentter Elbasy N.Á. Nazarbaevtyń ómiri men qyzmeti jáne Qazaqstan Respýblıkasynyń damýyndaǵy jetistikter men elimizde júzege asyryl jatqan baǵdarlamalar tóńireginde óz oılaryn ortaǵa salyp, pikir bólisti.

Ál – Farabı atyndaǵy QazUÝ – dyń tarıh fakúltetiniń Qazaqstan tarıhy kafedrasynyń profesor m.a. Gúlnar Qozǵambaeva

---