![Sáken Sársenov: Qazposhtanyń mindeti — klıentterdiń qajettilikterin barynsha qanaǵattandyrý](http://infohub.kz/uploads/thumbnail/20240120112845270_big.jpg)
- 13 qar. 2018 00:00
- 280
Sáken Sársenov: Qazposhtanyń mindeti — klıentterdiń qajettilikterin barynsha qanaǵattandyrý
«Qazposhta» AQ Basqarma tóraǵasy Sáken Sársenov óziniń Facebook paraqshasynda kompanıanyń basty mindeti ne ekendigin jazdy. Onyń sózinshe, Qazposhtanyń birinshi kezektegi mindeti — klıentterdiń qajettilikterin barynsha qanaǵattandyrý.
Basqarma tóraǵasy atalǵan jazbasyn Atyraý oblysyna sapary kezinde habarlady. İs-sapar barysynda sıfrlandyrýǵa qatysty birqatar jobalar talqylanǵan.
«Búgin Atyraýǵa is-sapar barysynda oblys ákimi Nurlan Noǵaev myrzamen kezdesip, e-KSK, birynǵaı tóleý qujaty, áleýmettik karta, turǵyn úı ındeksteri, jáne basqa da sıfrlyq jobalardy engizý máselelerin talqyladyq», — dedi S. Sársenov.
Sondaı-aq, jýyrda ǵana ashylǵan óńirdegi sálemdemeler sýpermarketiniń erekshelikterin atap ótti.
«Qoǵamdyq keńes otyrysyna qatysyp, poshta bólimsheleriniń jańa ǵımarattaryn aralap, jańa sálemdemeler sýpermarketin ashtyq. Jalpy aýmaǵy 600 sharshy metr quraıtyn jańa sálemdemeler sýpermarketi elektrondyq tablomen, urlyqqa qarsy júıemen, ózine-ózi qyzmet kórsetý aımaǵymen jabdyqtalǵan», — dep jazdy Basqarma tóraǵasy.
Onyń aıtýynsha, 7 poshta bólimshesi relokasıa jobasynyń arqasynda jańartylǵan ǵımarattarǵa kóshirildi. Munda klıent aımaqtary keńeıtilgen, sálemdemelerdi suryptaý úshin jeke úı-jaı bólingen, elektrondyq kezek iske qosylǵan.
Al qoǵamdyq keńes otyrysynda poshta bólimshelerin jańartý, qyzmetkerlerdiń eńbek jaǵdaıyn jaqsartý, turǵyndarǵa kórsetiletin qyzmetter sapasyn arttyrý, franchaızıń jelisin jáne elektrondyq komersıany damytý syndy máseleler sóz bolypty.
«Keńes músheleriniń barlyq eskertýleri men usynystaryn jumys barysynda eskeremiz jáne Atyraýdaǵy fılıalymyzdyń qyzmetin damytý boıynsha is-sharalardy jalǵastyra beremiz. Qoǵamdyq keńesterdiń jumysyn óz basym qoldaımyn. Osyndaı tájirıbeni basqa da aýmaqtarǵa taratyp, atqarylyp jatqan jumystardy qadaǵalap, onyń nátıjesimen bólisý paıdaly dep oılaımyn», — dep túıindedi Sáken Seıtjapparuly.