InfoHub Logo

Mektep amanaty sanalǵan túlek úshin soǵylǵan sońǵy qońyraý mańyzy bıik taraýdyń aıaqtalyp, múldem beıtanys, eresek ómirge degen uzyn etek joldyń bastaýy. Bul sát qýanysh pen tolqýdan bastalyp, saǵynysh pen qımastyqqa deıingi aralas sezimderge toly. Óıtkeni, bir jaz ishinde túlek aldyna múmkindikter men qıyndyqtarǵa toly eresekter álemine jeteleıtin esik ashylady.

Túlek úshin sońǵy qońyraý synyptas, muǵalim men estelikke toly mektep tabaldyryǵymen qýanyshty qoshtasý ýaqytyna aınalady. Bul kez kelgen oqýshy úshin ýaqyttyń zýlap, mektep aıasyndaǵy qıyndyq pen qýanyshtyń qanshalyqty tez ótkendigi jáne áli de shyǵar bıiktiń kóp ekendigi jaıly oılanatyn ýaqyt.

Ómirdiń jańa bastamasyna degen daıyndyq áýelden sońǵy qońyraý syńǵyryna deıin bastalady. Kóptegen túlek emtıhandy sátti tapsyryp, qalaǵan oqý ornyna túsý úshin, sanaýy joq uıqysyz túnder men tolqýǵa toly sátterdi bastan keshiredi. Bolashaq mamandyǵyn tańdap, bilim alý men mansaptyq múmkindikterdi zertteıdi. Kóbi úshin bul ýaqyt stress pen belgisizdikke toly, biraq úmit pen bolashaqqa jeteleıtin jol.

Sonymen qatar, mektep bitirý de jańa esiktiń ashylyp, “Ómir” atty sapardyń bastalýyn bildiredi. Túlek úshin bul bolashaǵyn baıandaý, mamandyq tańdaý, oqý ornyna túsý nemese táýelsiz ómirdi bastaý ýaqyty.  Árbiriniń aldynda jańa múmkindikter ashylyp, zerttelmegen ómirge toly eresek sát tabaldyryǵy kórinedi.

Sondyqtan sońǵy qońyraý – mekteppen qoshtasý ýaqyty ǵana emes, muǵalim, dos pen ata-anaǵa bala ómirdegi kórsetken qoldaý men kómekteri úshin alǵys aıtý kúni. Osylaısha, sońǵy qońyraý bala taraýdyń aıaqtalyp, eresek ómir tarmaǵyn qıystyrar jolǵa aınalady. Mektep esigi túlekke máńgilik jabylǵanymen, olardyń aldynda jańa bastaý men múmkindikterge aparatyn jańa esikter ashylady. “Sońǵy qońyraý – sońy emes, ol jańa bastamanyń bastalýy”.

Baqyt Nuraı

---