- 06 qań. 2024 00:00
- 372
Solaqaılar týraly ne bilemiz?
Solaqaılar — sol qolmen barlyq áreketti, jumysty oryndaıtyn adamdar toby. Álemde solaqaılar 10%-y quraıdy. Bul týa bitken qabilet. Urpaqtan-urpaqqa da beriletin qasıeti bar. Sol qolmen jazatyn erekshe qarym ıeleriniń erekshelikteri qandaı?
Sol qolmen jazatyn, syzatyn adamdardyń oń jartyshar mıy belsendi jumys jasaıdy. Oń jartyshar mıy adamnyń kreatıvti oılaýyna, shyǵarmashylyqqa jaqyn bolýǵa, ónerge beıimdi bolýyna qatysady. Mine, sodan bolar solaqaılar erekshe daryndy, ónerge jany qumar, qıal-ǵajaıypqa erik beretini. Sonymen qatar, arhıtektýra, matematıka salalaryna da beıimdikteri baıqalady. Ataqty oıshyl-ǵalymdar, óner ıeleri solaqaılardyń qatarynan shyqqan. Mysaly úshin, qazaq halqynyń halyq ártisi, dırıjer, sazger N. Tilendıev, fızık-ǵalym I. Núton, batyr, qolbasshy N. Bonapart, Petr I, áıgili batyr arý Janna d'Ark jáne taǵy basqalary. Solaqaılardyń ońqaılardan qaraǵanda fızıologıalyq erekshelikteri bolǵanmen, turmystyq ómirde kezdesetin qıyndyqtary bar. Tehnıkalyq, turmystyq buıymdar ońqaılarǵa arnap shyǵarylǵandyqtan solaqaılarǵa bul azdaǵan yńǵaısyzdyq sezdiredi. Solaqaılar bul máselede de, esh saspaı tabandylyqtarymen sheshimin tabady. Psıholog Balabek Saqtaǵan bul sózimdi rastaıdy: "Solaqaı adamdar kez- kelgen ortaǵa tez beıimdelgish bolady. Sondyqtan ońqaılarǵa arnalyp jasalǵan zattardy tez úırenip alady. Solaqaılar kózdegen maqsatyna jetý úshin eńbekten qashpaıdy." Solaqaı ma,ońqaı ma álemniń múmkindikteri bárine teń jáne birdeı beriledi.