InfoHub Logo

Aqtóbe qalasy, №51 gımnazıasynyń
3 klass oqýshysy Gabdýllınna Dınara

Tilim meniń turaǵym, meken - jaıym, tirligim,
Til arqyly tanytam týǵan eldiń iriligin.
Tilim meniń pash eter, qaıta oralǵan shaǵynda,
Qazaǵymnyń Eldigin, Tutastyǵyn, Birligin.
İlıas Qurmash

Týǵan tilim - asyl anamnyń ásem únimen boıyma sińgen ana tilim. Ár adam óz anasyn qalaı qadirlep syılasa, týǵan tilin de solaı qurmettep, súıe bilýi kerek dep oılaımyn.
Ana tiliń - aryń bul,
Uıatyń bop tur bette.
Ózge tildiń bárin bil,
Óz tilińdi qurmette,- Qadyr Myrza Álı atamyzdyń osy óleń joldary naqyl sóz bop ketti. Bul óleńnen kóp nárseni baıqaýǵa bolady. Ana tildi arǵa, uıatqa teńep tur. «Ózge tildi bilý - maqsatyń, al óz ana tilińdi qurmetteý - mindetiń», – deıdi aqyn ata.
Maǵjan Jumabaev atamyz «Qazaq tili» óleńinde:
Erlik, eldik, qaırat, baq, ardyń
Jaýyz taǵdyr joıdy bárin ne bardyń.
Altyn kúnnen baǵasyz bir belgi bop,
Nurly juldyz, babam tili, sen qaldyń!- dep jyrlaıdy. Iaǵnı, qazaq halqynyń basynan ár túrli jyldarda asharshylyq, ult¬ - azattyq qozǵalys, jaýgershilik, otarshyldyq sekildi qıyn zaman ótti, biraq halqymyz qaıyspaı, ult bolyp aman qaldy. Babasynan qalǵan altyn murasy tilin umytpady.
Batyr atalar, qaısar aǵa - apalarymyz ómirdiń qıyn ótkelderinen ultymyzdy adastyrmaı alyp shyqty. Sóıtip, kópten ańsaǵan, barsha halyq arman etken táýelsizdikke de qolymyz jetti.
Táýelsiz Qazaqstannyń kóginde kók baıraǵymyz jelbiredi, ár azamatynyń júregi Ánurandy aıtty, barsha halyq týǵan tili – Qazaq tilimen qaıta tabysty.

Ábdilda Tájibaev atamyz:
Týǵan tilim – tirligimniń aıǵaǵy,
Tilim barda aıtylar syr oıdaǵy.
Ósse tilim, men de birge ósemin,
Óshse tilim, men de birge óshemin,- deıdi. Iaǵnı, týǵan tilim arqyly ishtegi syrymdy, aqıqat shynymdy aıta alamyn, oıymdy anyq jetkizemin, týǵan tilim ósse de, óshse de halqymen birge bolady. Biraq, meniń tilim óshpeıdi, sebebi qazaq eli egemendik aldy, qaıta jandy. Elimizdiń birliginiń, tirliginiń, bostandyǵynyń dáleli, aıǵaǵy – týǵan tilim!