InfoHub Logo

Ulytaý
Kıelisiń, mereıi mol keregesi qazaqtyń
Ulysyń sen, qorǵaý bolǵan qazaqtarǵa - ǵajapsyń.
Asyl jerim, kerneý rýhym kóteriler qashanda
Seniń ǵana arqańda men - bodandyqtan Azatpyn!
Tarıhy mol, rýhanıatpen shektesetin qashanda.
Seniń úniń, kórkemdigiń ásemdiksiz osal ma?
Joq, sendegi shyn rýhanı, bereri kóp mol tarıh
Jany jaısań uly beıne áldekimnen asar ma?
Qushaǵyńa tolystyrdyń altyn taqty handardy,
Úsh bıdi de biriktirdiń - oryndalǵan armandy.
Sheshilmeıtin máseleler, qıyndyqtar qanshama...
Aınaldyrdy bas úkim qyp seniń asyl - Ordańdy.
Talaı - talaı soǵystar da ótkizildi jerińde,
Keń tósinde shaıqasty kep saǵan sengen eliń de!
Sen olarǵa maıtalmansyń, rýhty kúshsiń, jaryqsyń
Sum soǵysqa attandy kep úlgi tutqan eriń de!
Shaǵataı men Joshy, Batý qadir tutqan uıasyń
Bar alypty, myqtylardy qanatyńa jıasyń.
Dalasy keń, taza aýa, yntyq jeli samaıly...
Mundaı jerdi qalaı ǵana Qypshaqtarǵa qıasyń?!
Abylaıdaı arys tulǵa týyn tikken aq meken,
Sonaý kóne ǵasyrlardyń kózi bolǵan qart pa eken?
Asyl tulǵa meken etken oıdaı jeri bolǵan soń,
Saǵan jazǵan arnaýlary Aqyndardyń kóp pa eken?!
Sen bir ásem taýlaryńmen baqyt jaıly keńeser,
Tabıǵatyń kókte juldyz, aıdy aspanmen teńeser!
Azattyq dep urandaǵan, Ulytaý ol Qaharman -
Qazaǵymnyń sońǵy hany Keńesary bolǵan jer!
Barsha ǵalym zertteıdi kep qasıetti jerińdi,
Qasterleıdi 90túrli dertke shıpa shóbińdi.
Tipti, Qanysh Sátbaev ta qazba jumys júrgizgen
Tań qaldyrǵan, qundylarmen bolashaqty, elimdi!
Ulytaýǵa Elbasyńyz keldi buryp at basyn,
Qurmet tutyp, ornatty kep monýmentti haq tasyn.
Táýelsizdik ózińmenen bir kelgen bop sanalǵan
Endi Elimdi eshqashan da sum - soǵystar bolmasyn!
Elimizdiń ulylyǵyn asqaqtatar - Ulytaý
Jerimizdiń qundylyǵyn keńge jaıar - Ulytaý
Jas urpaqqa ónegeli tarıhy bar - Ulytaý
Maqtan tutar qaıraty bar, qudiretti - Ulytaý.
Jolaýshyny qarsy alyp, ańqyldaǵan - Ulytaý
Qýanyshtyń shyń tóbesi sarqylmaǵan - Ulytaý
Búkil qazaq maqtan tutyp, tóbesine kóterip,
Eselengen shattyǵy da artylmaǵan - Ulytaý.
Týǵan jerdiń osyndaı bir qaısar rýhy bolǵanda,
El úmitin aqtaýdy sen - Jas órender armanda!
Ulytaýdyń ulylyǵyn uǵynbaıtyn jan bar ma?
Biz baqytty jandarmyz ǵoı mynaý ótpes jalǵanda...

●Qarashova Dılnaz●