InfoHub Logo

1 قىركۇيەك ءبىلىم كۇنىنە ارنالعان سەناريي
جۇرگىزۋشى:
قايىرلى كۇن، قۇرمەتتى ۇستازدار مەن قادىرمەندى اتا - انالار!
ارمىسىزدار ارداقتى، مەكتەپ وقۋشىلارى مەن بالاۋسا بالدىرعاندار! بيىلعى 2018 - 2019 جاڭا وقۋ جىلىنىڭ باستى مەرەكەسى كىشكەنتاي بۇلدىرشىندەرىمىزدىڭ ءبىرىنشى سىنىپقا قادام باسۋى. ەندەشە، «العاشقى قوڭىراۋ» اتتى سالتاناتتى جيىنىمىزعا قوش كەلدىڭىزدەر!
مەكتەپ دەگەن ءبىلىم كۇنى، جىر كۇنى،
مەكتەپ دەگەن عىلىمنىڭ ەڭ ۇلكەنى.
مەكتەپ دەگەن تاربيەشى ادامعا،
مەكتەپ دەگەن دانالاردىڭ مەكەنى.
قۇرمەتتى ۇستازدار، قوناقتار، اتا - انالار، اياۋلى وقۋشىلار! بۇگىنگى ساعىنىشقا، شاتتىققا تولى «العاشقى قوڭىراۋ» مەرەكەلەرىڭىز قۇتتى بولسىن! ەندەشە بارلىعىمىز دا ساعىنىشپەن كۇتكەن “العاشقى قوڭىراۋ” اتتى ءبىلىم كۇنىنە ارنالعان مەرەكەلىك شارامىزدى اشىق دەپ جاريالايمىز.
شۋاقتى قىركۇيەك ايىنىڭ العاشقى كۇنى بارشا وقۋشى قاۋىم التىن ۇيا مەكتەبىنە قايتا ورالىپ، مەكتەپ تابالدىرىعىن العاش اتتاعان بالدىرعاندارمەن بىرگە سىڭعىرلاعان قوڭىراۋ ۇنىمەن تابىسىپ وتىر.
قۇرمەتتى ۇستازدار، قوناقتار، اتا - انالار، اياۋلى وقۋشىلار! بۇگىنگى ساعىنىشقا، شاتتىققا تولى «العاشقى قوڭىراۋ» مەرەكەلەرىڭىز بارشالارىڭىزعا قۇتتى بولسىن!
كوك تۋدىڭ جەلبىرەگەنى
ساپ تۇزەل، تىك تۇر. قازاقستان رەسپۋبليكاسىنىڭ مەملەكەتتىك تۋى رەسمي تۇردە ەنگىزىلسىن.
ساپ تۇزەل، تىك تۇر. قازاقستان رەسپۋبليكاسىنىڭ مەملەكەتتىك گيمنى ورىندالسىن
جۇرگىزۋشى:
بۇگىن ءبىزدىڭ قۋانىشىمىزعا ورتاقتاسۋ ءۇشىن مەرەكەمىزگە كەلگەن قۇرمەتتى قوناقتارمەن تانىس بولىڭىزدار:
1. ________________________________________________________________
2. ________________________________________________________________
3. ________________________________________________________________
جۇرگىزۋشى:
جان شۋاعى، كۇن شۋاعى اراي ما،
ۇستاز دەگەن اۋليەدەي تالايعا
باسىن ءيىپ وتكەن جوق پا ءبىز تۇگىل،
ءال - فارابي، ومار، عالىم اباي دا.
«العاشقى قوڭىراۋ» مەرەكەسىن سالتاناتتى تۇردە اشۋ ءۇشىن العاشقى ءسوز كەزەگى مەكتەپ ديرەكتورى قۋانىشيەۆ ايبولاتقا بەرىلەدى.
جۇرگىزۋشى:
بىرەۋلەر ەنشى اپ ومىردەن،
اتتانباق بولسا اسىپ قىر
بىرەۋلەر بالعىن كوڭىلمەن
العاشقى قادام باسىپ تۇر
سوندىقتان دا نازاردى،
سولار جاققا بۇرايىق
بالدىرعانداردى بازارلى
قارسى الىپ، قول ۇرايىق – دەي كەلە، بۇگىنگى مەكتەپ تابالدىرىعىن اتتاعالى وتىرعان 1 - سىنىپ وقۋشىلارىنا ءساتتى قادام، تاۋداي تالاپ تىلەيمىز.
حالقىمىز “اتا - بابا ءداستۇرى - اسىل مۇرا” دەگەندەي “بالا - باۋىر ەتىم” دەپ بالاسى شىر ەتىپ دۇنيەگە كەلگەننەن باستاپ، ءاربىر قادامىنا قۋانىپ، شىلدەحانا، بەسىك توي، تۇساۋ كەسەر، اشامايعا وتىرعىزۋ سياقتى تويلارىن جاساعان. ال بۇگىنگى تويىمىز بۇلدىرشىندەردىڭ 6 - عا تولىپ، 1 - سىنىپقا قابىلدانىپ،“العاشقى قوڭىراۋ مەرەكەسىنە قاتىسۋ ءساتى.
بۇل توي - بالانىڭ بال داۋرەن شاعىمەن قوشتاسىپ، بىلىمگە تالپىنعان قادامى.
ەندەشە، ءبىرىنشى سىنىپ وقۋشىلارىن قۇرمەت – قوشامەتپەن قارسى الايىق!
ءبىرىنشى سىنىپتىڭ سىنىپ جەتەكشىسى:
يزماعانبەتوۆا ەلمارا ەربولات قىزى
نارماعانبەت جاسۇلان ايبەك ۇلى
انۋار قىزى قاراقات
امانگەلدى اسىل نۇرلىبەك قىزى
سايلاۋعالي اجار نۇربولات قىزى
جۇرگىزۋشى:
ورتاعا 1 - سىنىپقا قادام تاستاعان بۇلدىرشىندەر كەلەدى،
جۇرەك جاردى تاقپاقتارىن سىزدەرگە ايتىپ بەرەدى.
جاسۇلان:
بيىل مەن دە مەكتەپكە
بىرىنشىگە بارامىن.
ماقتانبايمىن مەن تەككە،
دايىن داپتەر، قالامىم.
قاراقات:
مەكتەپكە ەندى بارامىز،
ءبىز وقۋشى بولامىز.
جاقسى وقىپ ساباقتى،
كىلەڭ بەستىك الامىز.
اسىل:
ءوستى مىنە بويىمىز،
ءوستى مىنە ويىمىز.
قۋانىشقا ورتاقپىز،
قۇتتى بولسىن تويىمىز.
اجار:
مەكتەپ – قامقور انامىز
وقىپ ءبىلىم الامىز،
ونەرپاز بوپ وسەتىن
ءبىز وقۋشى بولامىز!
ءان: «مەكتەبىم»
جۇرگىزۋشى:
قۇشاق جايا قاي جەردە دە قارسى الار،
ابزال جان بار، بيىك تۇلعا بايسالدى.
قۋانىش پەن سالتاناتتى شاقتاردا
قوناقتار دا اق تىلەگىن اقتارار - ءسوز كەزەگى قادىرمەندى قوناقتاردا.
( قوناقتارعا ءسوز بەرىلەدى)
جۇرگىزۋشى:
جۇرەگى نۇر، ءومىرى گۇل ۇستازدىڭ،
سوندىقتان دا ۇستازىڭا ۇقساعىڭ.
ادام جانىن تاربيەلەپ ايالار،
قۇرمەتتى عوي ءاربىر ءىسى ۇستازدىڭ – دەي كەلە، ءسوز كەزەگىن 1 - سىنىپقا شاكىرتتەرىن قابىلداپ وتىرعان ۇستازعا بەرەمىز. قۇرمەتپەن ورتاعا 1 سىنىپتىڭ ءمۇعالىمى سەريكوۆا گۇلنار اپايدى شاقىرامىز.
جۇرگىزۋشى:
قول جەتكىزگەن اڭساعان ارمانىنا.
جاقسى شاكىرت ازامات اتانادى،
حالقىنان، اتا - انادان باتا الادى.
ۇرپاعىنا ايتسىن دەپ اق تىلەگىن،
ورتاعا شاقىرايىق اتا - انانى - ءسوز كەزەگىن بالاپاندارىن ەرتىپ كەلگەن قۇرمەتتى اتا - انالارىمىزعا بەرەمىز. ورتاعا 1 سىنىپتارىنىڭ اتا - اناسى __________________________________________________ ورتاعا شاقىرامىز.
جۇرگىزۋشى:
بۇلدىرشىندەر ەرتەڭگى ەل ماماندارى،
قۇتتى بولسىن العاشقى قادامدارى!
قۇتتى بولسىن باستالعان وقۋ جىلى،
قۇتتى بولسىن، بولاشاق باسپالداعى! – دەي كەلە. كەلەسى ءسوز جوعارعى سىنىپ وقۋشىلارىنا بەرىلەدى.
اسحات:
دامىعان ەلۋ ەلدىڭ قاتارىندا،
قازاقستان ەرەكشە اتالۋدا،
«رۋحاني جاڭعىرۋ» - مەن قازاق ەلى
گۇلدەنىپ كۇننەن كۇنگە جاقسارۋدا.
ءبىر مۇددە، ءبىر بولاشاق، ءبىر ماقساتقا،
ەلباسى باستاپ بەرگەن ساياساتقا،
دەن قويىپ ۇمتىلىسپەن كۇش سالامىز
جەڭىسكە جەتۋ ءۇشىن بولاشاقتا
​1 قىركۇيەك ءبىلىم كۇنىنە ارنالعان سەناريي. جۇكتەۋ​​​