InfoHub Logo

1 سىنىپ وقۋشىلارىنىڭ مەكتەپكە بەيىمدەلۋى جونىندە پسيحولوگيالىق كەڭەس بەرۋ

1. اتا - اناعا بالانىڭ مەكتەپتەگى وقۋعا پسيحولوگيالىق دايىندىعى بويىنشا كەڭەس بەرۋ
1. بالانى بىرتىندەپ مەكتەپ كۇن تارتىبىنە بەيىمدەۋ كەرەك.
2. بالا ءمۇعالىمدى دۇرىس تىڭداۋى ءۇشىن وعان بەرەتىن نۇسقاۋلارىڭىز انىق، از ءسوزدى، جىلى لەبىزدى، جايدارلى ءارى جايلى بولۋى قاجەت. بالانى مەكتەپتە بولاتىن قيىندىقتارمەن قورقىتپاڭىز.
3. مەكتەپ الدىندا ءارى وقۋ كەزىندە بالانىڭ كورۋ جانە ەستۋ سەزگىشتىگىن تەكسەرتىپ وتىرىڭىز.
4. وقۋعا دايىندىق: 6 - 7 جاستاعى بالا الىپپەنىڭ باسپا ارىپتەرىنىڭ بارلىعىن ءبىلۋى ءتيىس. كەيبىر بالالار بۋىنداپ، كەيبىرى تۇتاس ءماتىندى دە وقي الادى. بالالاردىڭ دايىندىعى ءار ءتۇرلى بولعانىمەن بارلىق بالالار وقۋ پروسەسىنەن جىلدام شارشايدى.
ساباقتى دەمالىسپەن كەزەكتەستىرىڭىز. بالاڭىز اينا الدىندا دىبىستاردى ناقتى، داۋىستاپ، جەكەلەگەن دىبىستاردى ءبولىپ ءارى سوزىپ ايتۋىنا مۇمكىندىك بەرىڭىز. بۇل سويلەۋ اپاراتىن دامىتادى.
5. جازۋعا دايىندىق: قالامدى بالا دۇرىس جاتتىققان قولمەن ۇستاۋى ءتيىس. بوياۋدى ترافارەت جانە شتريحتاۋمەن الماستىرۋ. سىزىقتار تومەننەن جوعارى، وڭنان سولعا، ەگەر ول قيسىق بولسا، وندا ساعات تىلىنە قارسى بولۋى ءتيىس. سىزىقتاردىڭ اراسى 0، 5 سم بولۋى ءتيىس، بۇل جازبا الىپپەسىنىڭ نەگىزگى ءپرينسيپى. ەسىڭىزدە بولسىن، ساباقتان قالاي شارشاسا، وقۋدان دا سولاي شارشايدى.

ەسىڭىزدە ساقتاڭىز!
بالاڭىزدى مەكتەپكە دايىنداعاندا ءسىز وزىڭىزگە ءمۇعالىم ءرولىن الماي، بالاڭىز ءۇشىن ونى جاقسى كورەتىن جانە تۇسىنەتىن اتا - انا بولىپ قالا بەرۋىڭىز كەرەك. بالا ءوزىنىڭ قولىنان كەلەتىندەردىڭ ءبارىن بار ىقىلاسىمەن ورىندايدى. سوندىقتان ول جالقاۋ بولا المايدى.
بالاڭىزدىڭ جەتىستىگىن ەشقاشان ءوز جەتىستىگىڭىزبەن جانە ۇلكەن باۋىرىنىڭ، سىنىپتاس قۇربىسىنىڭ جەتىستىكتەرىمەن سالىستىرماڭىز. تەك قانا ءسىزدىڭ شىدامدىلىعىڭىز بەن سۇيىسپەنشىلىگىڭىز بالاڭىزدىڭ وقۋدا العا ۇمتىلۋىنا كەپىل بولا الادى.

2. پەداگوگتەرگە وقۋشىنىڭ بالانى مەكتەپتەگى وقۋعا پسيحولوگيالىق دايىنداۋ بويىنشا كەڭەس بەرۋ
- بالا ءۇشىن جاعىمدى پسيحولوگيالىق احۋال ورناتۋ؛
- وقۋ تۇرتكىسىن وزەكتەندىرۋ، وقۋشىعا ءوزىنىڭ وقۋى ءۇشىن جاۋاپكەرشىلىكتى ءتۇسىنىپ، ونى موينىنا الۋعا ۇيرەتۋ؛
- بالاعا «وقۋشى» پوزيسياسىن الۋعا كومەكتەسۋ؛
- قارىم - قاتىناستا كوممۋنيكاتيۆتىك داعدىلارىن دامىتۋ؛
- بالانى مۇعالىممەن، وقۋشىلارمەن وقۋ ىنتىماقتاستىعىنا تاربيەلەۋ؛
- بالانىڭ تۇلعالىق دامۋىنا قولايلى پسيحولوگيالىق جاعداي جاساۋ.
3. اتا - اناعا: بالالاردىڭ قورقىنىش، ۇرەي سەزىمىنەن ارىلتۋ بويىنشا پسيحولوگيالىق كەڭەس بەرۋ:
ەگەر ءسىز ءوزىڭىز بىردەڭەدەن قورىقساڭىز قورقىنىشىڭىزدى بالاعا كورسەتپەۋگە تىرىسىڭىز. الەمدى ولىمگە اپارار اۋرۋ كەزىپ ءجۇر، قالادا قانىشەر ادام پايدا بولدى جانە ت. ب. دەگەندى ۇنەمى ايتا بەرۋدىڭ قاجەتى جوق.
1. «قورقىنىشتى» فيلمدەردى كورسەتۋگە رۇقسات ەتپەڭىز.
2. بالانى قورقىتۋ ءۇشىن وزىڭىزگە قورقىنىشتى كەيىپكەرلەردى، مىستان كەمپىردى، قاپشىعى بار اعانى، اشۋلى پوليسەيدى جانە ت. ب. وداقتاس ەتىپ العاندى دوعارىڭىز.
3. كۇردەلى جاعدايلاردا (اجىراسۋ، وتباسىندا جاڭا مۇراگەردىڭ پايدا بولۋى، ءجوندى تانىمايتىن تۋىسقاندارعا كوشىپ بارۋ) بالانىڭ ەموسيونالدىق جاي - كۇيىنە كوڭىل اۋدارىڭىز – جاعىمسىز جاعدايلاردا ول ەرەسەكتەردىڭ نازارىن وزىنە اۋدارۋ ءۇشىن ساناسىنان تىس قورقىنىشتى پايدالانۋ مۇمكىن.
4. بالانىڭ ۇيىقتاۋ مەن سەرگەك ءجۇرۋ ءتارتىبىنىڭ جاسىنا ساي ەكەندىگىنە، كۇنى بويى ونىڭ جەتكىلىكتى مولشەردە جاعىمدى اسەر الۋىنا كوز جەتكىزىڭىز.
5. ەگەر بالاعا قاراڭعىلىقتان قورىقپاۋدى ۇيرەتكىڭىز كەلسە، كۇشتەۋ شارالارىن قولدانباڭىز، بۇل قاراڭعى بولمەگە كىرۋگە قاتىستى باستامانى بالانىڭ ءوزى كوتەرگەندە عانا مۇمكىن بولماق.
6. بالانى تىم كۇشتى قورقىنىش بيلەگەن كەيبىر كەزدەردە، پسيحولوگتار جانى تۇرشىگەر قۇبىجىق نەمەسە قورقىنىشتى وقيعانىڭ سۋرەتىن سالىپ، بۇدان سوڭ سالتاناتتى تۇردە كۇلگە اينالعانىن بالانىڭ كوزىنە كورسەتكەن دۇرىس دەيدى. بۇل ءراسىمدى قانشالىقتى قاجەت بولسا، سونشا ىستەي بەرۋگە بولادى.
7. بالانىڭ قورقىنىشتى جەڭۋگە دەگەن تالپىنىسىن ماقتاڭىز. ول ءوز مىنەز - قۇلقىنىڭ وڭدى بەكي تۇسكەنىن قالايدى.
8. بالادا قورقىنىش پايدا بولعان جاعدايدا دەنەلىك جاقىنداسۋدىڭ ماڭىزى زور – ونى قۇشاقتاپ، قۇشاعىڭىزدا تەربەتىڭىز، ءسۇيىپ، بوساڭسىتاتىن ماسساج جاساڭىز.
9. ۇيدە بالا ءوزىن ءقاۋىپسىز سەزىنەتىندەي احۋال قالىپتاستىرۋعا تىرىسىڭىز.

ەسىڭىزدە بولسىن!
جىلۋلىق پەن جايلىلىق سىيلايتىن بايسالدى دا زەيىندى، مەيىرىمدى انا جانە تۇراقتىلىق پەن قاۋىپسىزدىك نۇرىن شاشادى.

4. پەداگوگتەرگە: وقۋشىلاردى مازاسىزدانۋدان ارىلتۋ بويىنشا پسيحولوگيالىق كەڭەس بەرۋ.
1. جوعارى مازاسىز بالالار توبىنا ەرەكشە نازار اۋدارۋ كەرەك. ولارمەن قارىم - قاتىناستا پسيحولوگيالىق جاراقات اكەلەتىن سىني پىكىردەن، ەسكەرتۋدەن، ولاردىڭ تۇلعاسىن جاعىمسىز باعالاۋدان اۋلاق بولىڭىز. ولارمەن وقۋ مەن ءوزارا ارەكەتتە جەكە دارالىق ۇستانىمى تۇرعىسىنان قارىم - قاتىناسقا ءتۇسۋ قاجەت.
2. ساباقتان تىس شارالاردا ەموسيونالدىق قىسىمدى ازايتۋعا جانە بالالار ۇجىمىن نىعايتۋعا، كوممۋنيكاتيۆتىك داعدىلارىن قالىپتاستىرۋعا باعىتتالعان جۇمىستى ۇيىمداستىرعان ءجون.
3. شارشاۋدى بولدىرماۋ ءۇشىن جاعداي جاساۋ: قيمىل جانە ەموسيونالدىق بوساڭسۋعا باعىتتالعان جاتتىعۋ ەلەمەنتتەرىن ساباقتا قولدانۋ، وقۋ جۇكتەمەسى مەن ءۇي تاپسىرماسىنىڭ كولەمىن بولىكتەرگە ءبولۋ ءىس - ارەكەتتىڭ ءجيى اۋىسۋىنا اكەلەدى.
4. مازاسىزدانۋ دەڭگەيى جوعارى بالالار تىنىش، ءارى قالىپتى احۋالدا تابىستى جۇمىس ىستەيدى، كەرىسىنشە جاعىمسىز احۋالدا: ۋاقىت تاپشىلىعىندا، جەدەل جاۋاپ بەرۋدى تالاپ ەتەتىن سۇراۋ كەزىندە ساتسىزدىككە ءجيى ۇشىرايدى. سوندىقتان بالالارمەن جۇمىستا قولايلى پسيحولوگيالىق احۋالدى ورناتۋ قاجەت.
5. اتا - اناعا بالانىڭ زەيىن ەرەكشەلىكتەرىن دامىتۋ جايلى كەڭەس بەرۋ

باستاۋىش سىنىپ وقۋشىسىنىڭ وقۋداعى جەتىستىگى مەن تابىستىلىعى تىكەلەي بالانىڭ زەيىن قاسيەتىمەن بايلانىستى. بالالاردىڭ زەيىنىن جاتتىقتىرۋدا كەلەسى ەرەجەلەردى ەسكەرۋ كەرەك:
ءبىرىنشى ەرەجە: بالانىڭ اقىل - وي جۇمىسىنىڭ ءار ساعاتىندا 5 - 10 مينۋت دەنە جاتتىعۋىن، كىشىگىرىم ماسساج، كوزگە گيمناستيكا جاساتىپ وتىرعان ءجون.
ەكىنشى ەرەجە: كەيبىر بالالار كەز - كەلگەن جاعدايدا جۇمىس ىستەي بەرەدى، ءبىراق بالالاردىڭ باسىم كوپشىلىگىنە سىرتقى ىقپالدار دا وتە ماڭىزدى: تىنىشتىق، جۇمىس ستولىنىڭ ۇستىندەگى زاتتاردىڭ جيناقى تۇرۋى، جارىقتىڭ دۇرىس ءتۇسۋى، جۇمىس ىستەۋ قالپىنىڭ دۇرىس بولۋى.
ءۇشىنشى ەرەجە: اقىل - وي جۇمىسىنا قولايلى ۋاقىت مەزگىلىنە باعدارلانۋ. كوپتەگەن زەرتتەۋلەرگە سۇيەنسەك ادامنىڭ جۇمىس بەلسەندىلىگى 5، 11، 16، 20 جانە 24 ساعاتقا كەلەدى ەكەن. وسى كەزەڭدەردە زەيىن تۇراقتىلىعى جوعارى دارەجەگە كوتەرىلەدى.
ءتورتىنشى ەرەجە: 6 - 7 جاستاعى بالالاردىڭ زەيىنى تۇراقسىز بولىپ كەلەدى، بالا ۇزاق ۋاقىت بويى ءبىر زاتقا نەمەسە ءىس - ارەكەتكە نازار سالىپ تۇرا المايدى. بالا زەيىنىن تەز اۋدارادى، سەبەبى قوزۋ تەجەلۋدەن باسىم بولادى. سوندىقتان بالانىڭ زەيىنىن اۋدارۋ ءۇشىن اشىق، قىزىقتى زاتتار، عاجايىپ قۇبىلىستار پايدالانۋ كەرەك.