InfoHub Logo

ءار ادامنىڭ ەسىندە ەرەكشە ەستەلىكتەرىمەن جاتتالىپ قالاتىن ستۋدەنتتىك شاق ەشقاشان ۇمىتىلمايدى. قىزىعى مەن شىجىعى مول ستۋدەنتتىك كەزەڭ ءاردايىم اسەرلى دە قىزىقتى اڭگىمەنىڭ ارقاۋى بولارى حاق. بۇگىنگى كۇنى ستۋدەنتتەردىڭ ءار كۇنى مەرەكەدەي وتسە دە، كۇنتىزبەدە بەلگىلەنگەن ولاردىڭ وزىندىك مەيرامى بار. ول — حالىقارالىق ستۋدەنتتەر كۇنى. بۇگىنگى مەرەكەدە وسى اتاۋلى كۇنگە قاتىستى دەرەكتەر مەن جوعارى وقۋ ورىندارىندا وقىپ جۇرگەن تالانتتى، جان-جاقتى ستۋدەنتتەر جايلى جازۋدى ءجون كوردىك.

ستۋدەنتتەر كۇنىنىڭ وزىندىك تاريحى بار. بۇگىندە بۇل كۇن كوڭىلدى جاستىق شاق پەن رومانتيكانىڭ كۇنى بولعانىمەن مۇنىڭ تاريحىندا كوڭىلسىز جايتتار جاتىر.

تاريحي دەرەكتەرگە سۇيەنسەك، 1939 جىلى 28 قازان كۇنى فاشيستەر باسىپ العان چەحوسلوۆاكيانىڭ ستۋدەنتتەرى مەن ۇستازدارى چەحوسلوۆاكيا مەملەكەتىنىڭ قۇرىلعانىنا جيىرما ءبىر جىل بولعانىن اتاپ ءوتۋ ءۇشىن شەرۋگە شىققان. باسقىنشى بولىمدەر شەرۋدى باسىپ تاستاپ، سونىمەن بىرگە مەديسينا فاكۋلتەتىنىڭ ستۋدەنتى يان وپلەتالدى اتقان.1939 جىلى 15 قاراشادا يانا وپلەتالدى جەرلەۋ راسىمىندە ستۋدەنتتەر قايتادان نارازىلىق تانىتقان. شەرۋگە شىققانداردىڭ كوبى قاماۋعا الىنىپ، 17 قاراشادا تاڭەرتەڭ ستۋدەنتتىك جاتاقحانالاردى قورشاعان. 1200-دەن استام ستۋدەنت ۇستالىپ، زاكسەنحاۋزەندەگى كونسلاگەرلەرگە قامالعان. ستۋدەنتتىك قوزعالىستىڭ توعىز بەلسەندى ستۋدەنتى رۋزينا اتتى پراگالىق اۋداندا تۇرمە قابىرعاسىندا سوتسىز دارعا اسىلعان.ارادا ءبىراز ۋاقىت وتكەن سوڭ 1946 جىلى 17 قاراشادا پراگادا وتكەن چەحيالىق ستۋدەنت-پاتريوتتاردىڭ قۇرمەتىنە بولعان بۇكىلالەمدىك ستۋدەنتتەر كونگرەسىندە بۇل كۇن حالىقارالىق ستۋدەنتتەر كۇنى بولىپ بەلگىلەنگەن.مىنە، قايراتتى مىنەز، جىگەرلىك پەن جاستىق شاقتىڭ مەرەكەسى – ستۋدەنتتەر كۇنىنىڭ شىعۋ تاريحى وسىنداي. الايدا بۇل مەرەكە جاعىمسىز وقيعالارمەن باستاۋ العانىمەن، بۇگىنگى كۇنى جاستار وسى ءبىر كۇندى ەرەكشە سان-سالتاناتپەن اتاپ وتەدى.بيىل ءداستۇرلى مەرەكەنى اقتوبەلىك ستۋدەنتتەر دە اتاپ ءوتىپ جاتىر. جوعارى وقۋ ورىندارىندا كونسەرتتەر، كەزدەسۋ كەشتەرى، كوڭىلدى تاپقىرلار سايىسى ۇيىمداستىرىلىپ، ستۋدەنتتەر جاس تەاترلاردىڭ قويىلىمدارىن تاماشالايدى.

قاپار ەرەنتاي

بۇگىندەرى بۇل كۇن الەمنىڭ كوپتەگەن ەلدەرىندە تويلانادى. جاستاردىڭ مەرەكەسى بولعاندىقتان، بۇل كۇن ستۋدەنتتەر قاۋىمىنا وتە تانىمال. ەندەشە، ستۋدەنتتەر، مەرەكە قۇتتى بولسىن! ءار كۇندەرىڭىز ءبىلىم مەن جارقىن ەستەلىكتەرگە تولى بولسىن! 

---