InfoHub Logo

ساباقتىڭ باسى
پسيحولوگيالىق احۋال قالىپتاستىرۋ: 
بالا، بالا بالامىز، 
ءبىراق بىزدەر دانامىز! 
كىتاپ وقىپ، ءبىلىم الىپ، 
ءبارىن ءبىلىپ الامىز!    
ءبىلۋ جانە ءتۇسىنۋ
وتكەن ساباقتى پىسىقتاۋ ماقساتىندا «اقيقات، جالعان» ويىنىن وينايمىز. بەرىلگەن سۇراقتارعا اقيقات نەمەسە جالعان دەپ جاۋاپ بەرۋ.
• قاڭقا سۇيەكتەرى وسپەيدى. جالعان (وسەدى)
• قاڭقا ادام دەنەسىن ۇستاپ تۇرمايدى. جالعان (قاڭقا - ادام دەنەسىن ۇستاپ تۇراتىن سۇيەكتەردىڭ جيىنتىعى )
• ول ىشكى مۇشەلەردى قورعايدى، ءارى دەنەگە ءپىشىن بەرەدى. (اقيقات)
• باس سۇيەك باستىڭ ءپىشىنىن بەرەدى. (اقيقات)
• قابىرعالار، ءتوس سۇيەك پەن ومىرتقا كەۋدە قۋىسىن قۇرايدى. (اقيقات)
ديسكريپتورلار:
 بەرىلگەن سۇراقتاردىڭ اقيقات نە جالعان ەكەنىن اجىراتادى؛
 ءوز ويىن ايتىپ، دالەلدەيدى.
قب: «وت شاشۋ»
وي قوزعاۋ
ريم سيفرلارىن ءوسۋ رەتىمەن ورنالاستىرۋ ارقىلى بۇگىنگى ساباقتىڭ تىرەك ءسوزىن تاۋىپ الايىق
بۇلشىقەت دەگەنىمىز نە؟
ول نە ءۇشىن كەرەك؟
بۇلشىق ەت ءبىزدىڭ اعزامىزداعى نەگىزگى مۇشەلەردىڭ ءبىرى. ادامنىڭ قاڭقاسى وزدىگىنەن قوزعالا المايدى. ولار بۇلشىق ەت ارقىلى قوزعالادى. ولاردىڭ كومەگىمەن ءبىز سەكىرەمىز، جۇگىرەمىز، وينايمىز، جازامىز، دوپ لاقتىرامىز. ادام دەنەسىندە 650 - دەي بۇلشىق ەت ورنالاسقان. بۇلشىق ەتتەردىڭ تۇرلەرى كوپ. اۋىر جانە قيىن جۇمىس جاساۋعا ارنالعان ۇلكەن بۇلشىق ەتتەر جانە جەڭىل جۇمىس جاساۋعا ارنالعان كىشى بۇلشىقەتتەر بولادى. ادام كۇلگەندە 17 بۇلشىق ەت، ال قاباعىن تۇيگەندە 46 بۇلشىق ەت جۇمىس جاسايدى.
ەڭ كۇشتى بۇلشىق ەت شايناۋ بۇلشىق ەتى، ال ەڭ كىشكەنتاي بۇلشىق ەت قۇلاقتىڭ ىشىندە ورنالاسقان ەكەن.
كىتاپپەن جۇمىس
• كىتاپتاعى سۋرەتكە زەر سالايىق.
• بۇلشىق ەت ادامنىڭ قاي جەرىندە ورنالاسقان.
• ولار قانداي؟
ارقاندى كورسەتۋ
بۇلشىقەتتەر بىرنەشە جىڭىشكە جىپتەردەن ورنالاسقان. ولار سۇيەككە بەكىپ، ونى قوزعالىسقا كەلتىرەدى.
1 - تاپسىرما: (تج) سۋرەتتەگى بۇلشىق ەتتەرگە قارا. ولار قانداي؟ سيپاتتا. قايدا ورنالاسقان؟
دەسكريپتور:
1. بۇلشىقەتتەردىڭ قىزمەتى تۋرالى ايتادى؛
2. بۇلشىقەتتەردىڭ قايدا ورنالاسقانىن انىقتايدى؛
3. بۇلشىقەتتەردىڭ ءۇشىن كەرەكتىگىن تۇسىنەدى؛
4. ءبىر - ءبىرىنىڭ پىكىرىن تىڭداپ، قورىتىندىلايدى؛
قب «باعدارشام»
قولدانۋ
زەرتتەۋ جۇمىسى
سەندەردىڭ الدارىڭدا دايىن قولدىڭ ماكەتى بەرىلگەن. ماكەتتە بەكىتىلىپ تۇرعان رەزەڭكە بۇل بۇلشىق ەت. جۇپپەن بىرلەسە وتىرىپ، بۇلشىق ەت قالاي جۇمىس جاسايدى سۇراعىنا جاۋاپ ىزدەيسىڭدەر. قول قيمىلداعاندا رەزەڭكە ۇزىندىعى قالاي وزگەرەدى؟
2 - تاپسىرما: (جج) بۇلشىق ەتتەر قالاي جۇمىس ىستەيدى؟ «زەرتتە»
دەسكريپتور:
1. دەنەنىڭ كەيبىر بولىكتەرىن جانە قىزمەتىن اتاپ، كورسەتە بىلەدى؛
2. ادامنىڭ ءوسۋى مەن دامۋى ءۇشىن كەرەك قاجەتتىلىكتەرىن انىقتايدى؛
3. تىرەك - قيمىل اپپاراتىنىڭ قۇرىلىسى مەن قىزمەتى تۋرالى بىلەدى؛
قب «باس بارماق»
سەرگىتۋ ءساتى
قانە قانات جازايىق،
قارلىعاشقا ۇقسايىق.
ۇشىپ - ۇشىپ الايىق،
ورنىمىزعا قونايىق.
بىلىمدە الدا بولايىق.
3 - تاپسىرما: (ۇج) «سەن بىلەسىڭ بە؟»
دەسكريپتور:
1. ادام اعزاسىنداعى ەڭ كۇشتى بۇلشىقەتتى اتايدى؛
2. بۇلشىقەتتەردىڭ قىزمەتى تۋرالى اڭگىمەلەيدى؛
قب «سمايليك»
«قيمىل - قوزعالىس – بۇل ءومىر»، دەپ ۆولتەر ايتىپ كەتكەن. شىنىندا دا، ادام و باستان قيمىلعا بەيىمدەلگەن، بالكىم تابيعات شەشكەن بولار. ءبىز سوندىقتان جۇرەمىز، جۇگىرەمىز، سەكىرەمىز، جۇزەمىز، كۇندە مىڭداعان ءارتۇرلى قيمىل جاساپ، ەڭكەيىپ، تىك تۇرامىز. مۇنىڭ بارلىعىن سۇيەك – بۇلشىق ەت جۇيەسى نەمەسە تىرەك – قيمىل اپپاراتى قامتاماسىز ەتەتىندىگىنە كوز جەتكىزدىك دەپ ويلايمىن.
كەرى بايلانىس: «باعدارشام» ارقىلى ساباق تۇسىنگەنىن، نە تۇسىنبەگەنىن ءبىلدىرۋ.