2020-2021 وقۋ جىلىندا قاشىقتىقتان وقىتۋ جاعدايىندا مامانداندىرىلعان ءبىلىم بەرۋ ۇيىمدارىندا وقۋ-تاربيە پروسەسىن ۇتىمدى ۇيىمداستىرۋ بويىنشا ادىستەمەلىك ۇسىنىستار
نۇر-سۇلتان | 2020
قاشىقتىقتان وقىتۋدى قالاي ۇيىمداستىرۋ كەرەك
ءمۇعالىم ءۇشىن ىس-ارەكەت جوسپارى
قۇرمەتتى مۇعالىمدەر!ەگەر سىزدەرگە وقۋشىلاردى قاشىقتىقتان وقىتۋدى جوسپارلاۋ قاجەت بولسا، وندا بۇل ادىستەمەلىك ۇسىنىمدار سىزدەر ءۇشىن. قاشىقتىقتان وقۋ جۇمىسىن ۇيىمداستىرۋعا بايلانىستى تەحنيكالىق جانە ادىستەمەلىك ماسەلەلەردى قاراستىرايىق.
ءمۇعالىم ءۇشىن ءىس-قيمىل جوسپارىن ۇسىنامىز.
قاشىقتىقتان وقىتۋدى قالاي جۇرگىزەتىنىڭىزدى انىقتاڭىز. ءبىرىنشى كەزەكتە، وقۋشىلارمەن قالاي جۇمىس ىستەيتىنىڭىزدى ويلاڭىز. قاشىقتىقتان جۇمىستى تومەندە سيپاتتالعان تاسىلدەردىڭ بىرىمەن نەمەسە ولاردىڭ كومبيناسياسىن پايدالانا وتىرىپ وتكىزۋگە بولادى.
ناقتى ۋاقىت رەجيمىندەگى كەزدەسۋلەر:
ءسىز وقۋشىلارمەن تىكەلەي ەفير وتكىزىلەتىن نەمەسە ونلاين-كەزدەسۋ تاعايىندالعان ۋاقىت تۋرالى كەلىسەسىز. ونلاين-ساباقتا ءسىز ماتەريالداردى تۇسىندىرەسىز، وقۋشىلاردىڭ سۇراقتارىنا جاۋاپ بەرەسىز جانە ولارعا سۇراق قوياسىز. ماقالانىڭ سوڭىندا ءسىز ونلاين-كەزدەسۋلەر وتكىزۋگە مۇمكىندىك بەرەتىن قىزمەتتەر ءتىزىمىن تاباسىز.
ينتەراكتيۆتى وقۋ ماتەريالدارى ارقىلى قاشىقتىقتان وقىتۋ:
وقۋشىلاردى وقىتۋدى ينتەراكتيۆتى وقۋ ماتەريالدارى ارقىلى: نۇسقاۋلىقتار، وقۋ كونتەنتى (بەينە، ينتەراكتيۆتى بەينە، ءماتىن، سۋرەتتەر)، ءوزىن-وزى تەكسەرۋ، سىلتەمەلەر جانە ت. ب. قۇرۋعا بولادى. وسىنداي وقۋ ماتەريالدارىنىڭ كومەگىمەن وقۋشى جاڭا تاقىرىپتى وزدىگىنەن وقيدى. وقۋشىلار قيىندىقتارعا تاپ بولسا دا، سۇراق قويۋ ارقىلى تاپسىرمالاردى ورىنداۋدى جالعاستىرۋ ءۇشىن سۇحبات چاتىن جاساۋ كەرەك.
جۇمىستى جوسپارلاڭىز:
ءبىر اپتا سياقتى ۋاقىت ءبولىمىن الىپ، وقۋشىلاردىڭ وقۋ ءپانىڭىز بويىنشا جۇمىسىن ۇيىمداستىرىڭىز. جۇمىستى تۇتاس ۇيىمداستىرۋ ءۇشىن، وقۋشىلار قول جەتكىزۋگە ءتيىس وقۋ ناتيجەلەرىنەن باستاڭىز.
وزىڭىزگە ءۇش سۇراق قويىڭىز:
مەن وقۋشىلارىمدى نەگە ۇيرەتكىم كەلەدى (ولار قانداي وقۋ ناتيجەلەرىنە جەتەدى)؟
وقۋشىلار مۇنى قالاي ۇيرەنەدى (ولار وقۋ ناتيجەلەرىنە قالاي جەتەدى)؟
مەن ولارعا قالاي قولداۋ كورسەتە الامىن (مەن ولارعا وقۋ ناتيجەلەرىنە قول جەتكىزۋگە قالاي كومەكتەسەمىن جانە ولارعا قول جەتكىزگەنىن قالاي بىلۋگە بولادى)؟
جاۋاپتارعا سۇيەنە وتىرىپ، ءوزىڭىز ءۇشىن جۇمىس جوسپارىن قۇرىڭىز: قانداي وقۋ ماتەريالدارىن جاساۋ كەرەك، وقۋشىلاردىڭ جۇمىسىن قالاي باقىلاۋ كەرەك، ولارعا كەرى بايلانىستى قالاي جانە قاشان بەرۋ كەرەك.
وقۋشىلار ءۇشىن دە جۇمىس جوسپارىن جاساۋعا بولادى. وقۋشىلارعا كۇن بويى جانە بۇكىل وقۋ اپتاسىندا جۇمىس ۋاقىتىن جوسپارلاۋعا كومەكتەسۋ ءۇشىن جوسپار قاجەت. وقۋشىلارعا ارنالعان جۇمىس جوسپارى تاپسىرمامەن جۇمىستى باستاۋ ءۇشىن ۇسىنىلاتىن كۇن مەن ۋاقىتتى، تاپسىرمالاردى ورىنداۋ مەرزىمىن، مۇعالىممەن كەزدەسۋ ءۇشىن بەلگىلەنگەن ۋاقىتتى، وقۋ ماتەريالدارىنا سىلتەمەلەردى (ەگەر ءسىز ولاردى بىردەن بەرە الساڭىز) نەمەسە جۇمىس جۇرگىزىلەتىن پلاتفورمانى قامتۋى مۇمكىن.
وقۋشىلارمەن قالاي بايلانىساتىنىڭىزدى انىقتاڭىز
وقۋشىلاردا وقۋ ماتەريالدارىنا قولجەتكىزۋگە مۇمكىندىك بەرەتىن كىرۋ نۇكتەسى بولۋى كەرەك. ەگەر ءسىز وقۋشىلارمەن جۇمىستا كەيبىر پلاتفورمانى (بلوگ، سايت، مەسسەندجەرلەر، جابىق توپ جانە ت.ب.) پايدالانساڭىز، وندا وقۋشىلار قاشىقتىقتان وقىتۋدا دا سولار ارقىلى جۇمىس ىستەي الادى. ەگەر مۇنداي پلاتفورما بولماسا، وندا وقۋ ماتەريالدارى ەلەكتروندىق جۋرنال ارقىلى بەرىلۋى مۇمكىن (ول جۇكتەمەلەرگە توتەپ بەرە المايدى، سوندىقتان بالامالى بايلانىس كوزى بولۋى كەرەك).
تولىق نۇسقاسىن جۇكتەپ الۋ
You Might Also Like
