50 جاسقا قۇتتىقتاۋ
ەلۋگە كەلىپ ەلگە بىلىنگەنىڭ،
اقساقالدىق اتقا وسى ىلىنگەنىڭ.
قالىڭ ەلىڭ قاۋمالاپ كەلىپ وتىر،
تويلارىڭ تويعا ۇلاسسىن، ءىنىم مەنىڭ!..
*** *** *** ***
ءبىر عاسىردىڭ جارتىسىن جاساپ مىنە، مەرەيتويىڭدى تويلاپ وتىرسىڭ. ۋاقىت دەگەن زىمىراپ ءوتىپ جاتىر. وسى جاسقا كەلگەنشە تاعدىر-جولىڭدا كەزدەسكەن قانشاما توسقاۋىلعا توتەپ بەرىپ قاشاندا جەڭىسكە جەتە ءبىلدىڭ. مۇنداي جەتىستىگىڭنىڭ دە تەرەڭ سەبەبى بار دەپ ويلايمىز.
مىناۋ بىزگە كورشىلەس جاتقان ورىس ۇلتىندا "قاراپايىم ءومىر سۇرگەن جان ءجۇز جاسايدى" دەگەن ءسوزى بار. وسىناۋ قاراپايىم ويدىڭ استارىندا مەيىرىمدى، جۇرەگى تازا، قينالعان ساتتە قول ءۇشىن بەرۋگە دايىن تۇراتىن، قۇدايىنان قورقاتىن قاناعاتشىل دا يماندى ادام تۋرالى قانشاما تۇسىنىك جاتىر دەسەڭىزشى!
اسا قۇرمەتتى ........ . سەن دە سونداي ماداققا لايىق قاراپايىم ءومىر سۇرەتىن جاننىڭ ءبىرىسىڭ! بۇگىن ساعان وسىنداي داستارحاننىڭ 100 جاسقا تولعانىڭدا دا كەڭىنەن جايىلسىن دەگەن تىلەك ارناعىم كەلەدى!
*** *** *** ***
ەردىڭ جاسى 50-گە كەلىپ تۇرسىز،
شىنارداي شىڭ باسىنا شىعىپ تۇرسىز.
كەرنەگەن بويىڭداعى كۇش – قۋاتتى،
ەگەمەن ەلىڭىزگە بەرىپ تۇرسىز.
كۇش–قۋات ءالى داعى ارتا بەرسىن،
جۇرەگىڭىز جاقسىلىقتى سارقا بەرسىن.
دەنساۋلىق جاقسى بولىپ ءارقاشاندا،
جاسىڭىز 100-گە دەيىن جەتە بەرسىن.
وتباسى امان بولىپ، بالا-شاعا،
سولارمەن كەنەلىڭىز تاماشاعا.
كوگىلدىر كوك اسپاندى ەلىمىزدە،
سىزدەردەي ارداقتىلار جاراسادى!
50 دەگەن ەردىڭ جاسىن ەڭسەرىپ
ەڭبەگىڭمەن سەن كەلەسىڭ تەر توگىپ،
ارمانداردىڭ اتتانعاندا شىڭىنا
قىزىر ءوزى بولسىن ساعان جولسەرىك.
وتباسىنىڭ بەرەكەسىن قامداعان،
بار ءومىرىن جاقسىلىققا ارناعان،
سەندەي جانعا اللا ءوزى دەم بەرىپ،
قيىن كەزدە قۋات بەرىپ قولداعان.
قۇتتى بولسىن قۋانىشتى توي كۇنى،
ساعان شۋاق شاشسىن كۇن مەن اي نۇرى،
ءاربىر كۇننىڭ مەرەكەگە اينالىپ،
ۇرپاقتارىڭ كورمەي ءوسسىن قايعىنى.
*** *** *** ***
50 دەگەن جارتى عاسىر بۇل ومىردە،
50 دەگەن التىن توي نەكەلىگە.
ەلۋ جىلدا - ەل جاڭا دەگەن ءسوز بار
سول ەلۋگە ءوزىڭ دە كەلدىڭ مىنە.
قىزدارىڭ قياسىنا قونىپ جاتىر
كەلىن الىپ جىلى سۋعا قولىڭ باتىر
دۇنيەگە كەلە بەرسىن ...........
الدانىش قىپ سولارمەن تاڭىڭدى اتىر.
قۇتتى بولسىن مەرەيتوي، 50 جاسىڭ
ءار ۋاقىتتا دومالاپ ورگە تاسىڭ،
قوساعىڭمەن قوسا اعارىپ، شوبەرە ءسۇي،
ەشقاشاندا كوڭىلىڭدى كىر شالماسىن.
تىلەرىم اشىق اسپان، جۇلدىزدى ءتۇن،
جىلدان جىلعا جاقسارىپ دەنساۋلىعىڭ
نەمەرەلەرىڭنىڭ قىزىعىن قىزىقتاي بەر،
اتانىپ كۋاگەرى التىن تويدىڭ.
*** *** *** ***
اق تىلەكتى اقتارامىز جۇرەكتەن.
قۋانىشتا كوڭىل شىركىن ءدىر ەتكەن.
تۋىلعان كۇن قۇتتى بولسىن دەپ بۇگىن،
وزىڭىزگە ءۇن قوسامىز تىلەكپەن!
اپاتاي مىنە 50-گە دە تولىپ قاپسىڭ، ءومىردىڭ 50 جىلداي ءىشىپ اسىن. 50 جاستى ءبىز سىزگە بەرە المايمىز، ءسىز بىزگە 25 تەگىدەي ءالى جاسسىز! كەڭ پەيلدى اق جۇرەك ادال جانسىز. ارداقتى انا، سۇيىكتى اپا اتانعانسىز. تۋىلعان كۇنىمەن وتباسى قۇتتىقتايدى، ەڭبەگىڭىزدى ءسىزدىڭ ەشقاشان ۇمىتپايدى!
*** *** *** ***
ۇزاق جىلدار بويى ارالاس-قۇرالاس بولىپ جۇرگەن ادام تۋرالى، ول ادام جاقىن، سىرلاس دوسىڭ بولسا، ول جونىندە وي ءبىلدىرۋ، تولعاۋ ايتۋ ءارى وڭاي، ءارى قيىن. ونىڭ سەبەپتەرى دە جوق ەمەس.
نە جەتسىن ب ا ق جۇلدىزى جاعىلعانعا،
باستاۋى بەرەكەنىڭ تابىلعانعا.
بيىكتە بولسىن اركەز جۇلدىزىڭ دەپ،
تىلەيمىز ءبىزدىڭ باۋىر ..... جانعا!
اۋىلعا قۇت-بەرەكە ورناعانسىن،
(اقتەرەك) ارداقتايدى بەل بالاسىن.
تۋىڭدى تۋعان جەرگە تىگىپ ەدىڭ،
قىدىر-باق قالاي سەنى قولداماسىن.
قالدىرىپ ارتتا قالاي قيىندىعىڭ،
اۋىلدىڭ كارى جاسىن ءسۇيىندىردىڭ.
بىرلىكتى، تىرلىكتى دە ساقتاعان ەل
شاتتىقتىڭ شالقىتادى كۇيىن بۇگىن.
قوڭىرتوبە جاعىنان جەل ەسكەندە،
ەسداۋلەت اقىن رۋحى كەڭەسكەندە.
ەلىن جەبەپ جۇرگەندەي ەلەستەيدى
قاراش باتىر سوناۋ ءبىر بەلەستەردە.
ارنالسىن ..... جانعا اق-ادال كۇن،
ەر جاسى ەلۋىڭدە باعالاندىڭ.
كوركەيىپ (اقتەرەگىڭ) كۇننەن-كۇنگە،
رۋحى قولداي بەرسىن بابالاردىڭ.
تۇرعاندا تاعدىر-تالاي قىل ۇشىندا،
اۋىلدىڭ قالدىڭ ساقتاپ تىنىسىن دا.
جۇرتىڭدى جۇمىلدىرىپ ءبىر تىلەككە،
تاپتىڭ سەن جۇمىسىن دا، ىرىسىن دا.
......جان، ءسۇيىندىردى نار تالابىڭ،
حالقىڭنىڭ اق العىسىن ارقالادىڭ.
جانىڭنىڭ جاقسىلىعى شۋاق شاشىپ،
بولەنسىن باقىت-نۇرعا شارتارابىڭ.
*** *** *** ***
جان اعا، قۇتتى بولسىن 50 جاسىڭ،
ءار ۋاقىتتا دومالاپ ورگە تاسىڭ.
(ۇشەۋىمىزدى) جاقىن تارتتىڭ باۋىرىڭا،
ءاردايىم امان بولسىن التىن باسىڭ.
تىلەك ەتتىم العى كۇننىڭ اجارىن،
سارقىلماسىن ومىر-وزەن بازارىڭ.
ابىرويىڭ ارتا ءتۇسىپ ۇنەمى،
ءحاق-تاڭىرى كورسەتپەسىن ازابىن.
قىزىق-شاتتىق جاقسىلىقتى كورە بەر،
جۇرتشىلىقتىڭ العىسىن تەك تەرە بەر.
بەدەلىڭ دە ارتسىن ىلعي ورتادا،
ەڭبەگىڭمەن الدا ءوسىپ ونە بەر.
قۇتتى بولسىن 50 جاسىڭ بەلەسىڭ،
بارلىق جاننان ماقتاۋ الىپ كەلەسىڭ.
امان بولىپ جاسىڭا جاس قوسىلسىن،
اللا جازسا، تالاي تويدى كورەسىڭ.
*** *** *** ***
قىزمەت ەتىپ، جان اعا، ەلگە كۇندە،
ەڭبەگىڭمەن بيىككە ورلەدىڭ بە.
زور دەنساۋلىق، مول باقىت تىلەيمىز ءبىز
ەردىڭ جاسى - ەلۋگە كەلگەنىڭدە.
زىمىرانداي زۋىلداپ بارادى كۇن،
كوڭىلىڭنىڭ قالاۋىن تابادى ءىنىڭ.
ەلۋ جاستا بولىڭىز ەل اعاسى،
بويعا جيعان بابالار دانالىعىن.
*** *** *** ***
ەلۋ – دەگەن ءجۇزدىڭ ناعىز جارتىسى،
ەلۋ دەگەن – دانالىق قوي، ول انىق!
وعان جەتسە ەلجىرەيدى ءار كىسى.
قۇتتىقتايدى بار اعايىن قول الىپ.
ۇرپاعىڭىز ءجۇرسىن دەيمىز اياق جاققا ورالىپ،
قۋانىشتىڭ قامقاسىنا ءجۇرىڭىزشى ورانىپ!
*** *** *** ***
ارتتا قالدى بەس اسۋ مەن بەس بەلەڭ،
ورگە تارتىپ بارادى ومىر-كوش دەگەن.
ەلۋ دەگەن – ەردىڭ جاسى قىزۋلى،
جاستىق شاقتىڭ سوڭعى وتتارى وشپەگەن.
دۋىلداتىپ دۋلى ورتانىڭ دۇرمەگىن،
ءبىر عانيبەت جارق-جۇرق ەتىپ جۇرگەنىڭ.
ەلۋ دەگەن – ەردىڭ جاسى ەڭ كەمەل،
ارىسىم دەپ ارقالانار نۇرلى ەلىڭ.
جۇلدىز جانىپ، پەيىلىڭە تاڭ كۇلىپ،
كۇز دە جەتتى سىباعا الىپ، ءسان قۇرىپ.
قالپىڭىزدان اينىماڭىز – شات كوڭىل،
باسىڭىزدان ب ا ق كەتپەسىن ماڭگىلىك.
*** *** *** ***
ەلۋ دەگەن – ەردىڭ جاسى ەڭسەلى،
ەلۋ دەگەن – پاراساتتىڭ ولشەمى.
جارقىلداساڭ سامعاپ ۇشقان سۇڭقارداي،
ازامات دەپ ماقتان تۇتار ەل سەنى.
تىرلىك – تەڭىز، ەس ەلۋدىڭ ەسكەگىن،
انگە تولسىن، كۇيگە تولسىن كەشتەرىڭ،
شىن جۇرەكتەن باقىت تىلەپ سارقىلماس،
قول سوعادى بارشا ارىپتەستەرىڭ.
*** *** *** ***
ەلۋ دەگەن تولى توي مەن دۋمانعا،
تاۋ سەكىلدى كورىنەدى تۇلعاڭ دا.
قۇشاق-قۇشاق گۇلىن الىپ كەلىپتى،
اق كوڭىلمەن باۋىر، تۋىس-تۋعان دا.
ەلۋ دەگەن – ەس توقتاتۋ، ەسەيۋ،
ەلۋ دەگەن – ەلدىڭ جۇگىن كوتەرۋ.
تۋعان كۇنمەن قۇتتىقتايمىز ءوزىڭدى،
قانجىعاڭا ءىلىنسىن دەپ قوس ەلۋ.
*** *** *** ***
ەلۋگە كەلدىڭ اعاسىڭ
التىندى تونعا جاعاسىڭ.
اياۋلى جاننىڭ ءبىرىسىڭ،
وسالى ەمەس ءىرىسىڭ.
قارتايما، اعا، قارتايما،
قۋاتىڭ كەمىپ، ورتايما.
كورەتىن قىزىق كوپ بولىپ،
ۇلاسسىن تويىڭ زور تويعا!
*** *** *** ***
ال، اعا، قۇتتى بولسىن 50 جاسىڭ،
ءار ۋاقىتتا دومالاپ ورگە تاسىڭ.
ۇشىرعان ءبارىمىزدى وسى ۇيادان،
ءاردايىم امان بولسىن التىن باسىڭ.
شاڭىراققا يە، بىزدەرگە اعا بولار،
اعاسى باردىڭ دەيدى جاعاسى بار.
وتكىزىپ ءومىرىڭدى قىزىقپەنەن.
كەلەشەك قوساعىڭمەن قوسا اعار.
ايتارىمىز اق شاشتى انامىزعا
مەرەي توي كۋاگەرى بالاڭىز دا.
وسىنداي قىزىقتارعا كۋا بولىپ
جۇرە بەر ءاردايىم ورتامىزدا.
*** *** *** ***
ارداق تۇتار ابزال اعامىز ەر-ازاماتتىڭ كەمەل جاسى ەلۋگە تولۋى — ءبىز ءۇشىن ۇلكەن قۋانىش. اعايىنعا، جاقىن-جۇراعاتقا، قىزمەتتەس ارىپتەستەرىنە عانا ەمەس، ءوزىن بىلەتىن بارشا جانعا سىيلى، بەدەلدى اعامىزدى جانە ونىمەن ءومىردىڭ قىزىق-قۋانىشتارىن بىرگە بولىسكەن اسىل جەڭگەمىزدى ادال كوڭىل، اق نيەتىممەن قۇتتىقتايمىن.
تاعدىر ۇزاعىنان ءسۇيىندىرسىن، شاڭىراقتارىڭىزدان لايىم شاتتىق، قۇت-بەرەكە ۇزبەسىن، مەرەيلەرىڭىزدى ءدايىم ۇستەم ەتسىن، بالالارىڭىزدىڭ قۋانىشىنا كەڭەلتسىن.
*** *** *** ***
You Might Also Like
-
ارماننىڭ اجارىندا، باقىتتىڭ بازارىندا كۇلىپ-ويناپ، كوپشىلىكتىڭ العىسى مەن قۇرمەتىنە بولەنىڭىز. ماڭگى جاستىق قالپىڭىزدى ساقتاپ، ۇزاق جاساي بەرىڭىز.
-
جان بولعان سوڭ باۋىرمال دا، جايدارى، ىنتىماقتىڭ ءسىز ۇيىتقىسى، قاينارى. جەتپىس بەسكە جەتىپ تۇرعان جان اعا، بۇل اۋلەتتىڭ ءسىزسىز التىن ايدارى!
