8 ناۋرىزعا انالارعا ارنالعان تىلەك، قۇتتىقتاۋلار
اياۋلى، سۇيىكتى، قامقورشىم — اسىل انام، ءسىزدى 8 ناۋرىز مەرەكەڭىزبەن شىن جۇرەكتەن قۇتتىقتايمىن. ءسىز بولماعاندا جارىق دۇنيەنىڭ ءقادىرىن، ماحابباتتىڭ ءلاززاتىن، مەيىر-شاپاعاتتىڭ تەرەڭىن سەزىنبەس ەم. قاشاندا جانىڭىزعا جاقسىلىق ءناسىپ بولعاي. ءسىزدى سۇيەمىن.
بەسىك جىرىڭ عۇمىرىمدى كۇي قىلعان،
ەسىل نۇرىڭ ويىما اقىل قۇيدىرعان.
اسىل انا، قۇتتى بولسىن مەرەكەڭ،
قۇشاعىنا كۇللى الەمدى سىيدىرعان.
مەنىڭ قامقورىم، اقىلشىم، ءومىرىمنىڭ بۇلا كۇشى، كوڭىلىمنىڭ قۋانىشى، سەزىمىمنىڭ جىر اعىسى — اياۋلى انام، 8 ناۋرىز مەرەكەڭىز قۇتتى بولسىن. ۇل-قىزىڭىزدىڭ قىزىعىن كورىپ، امان-ساۋ ورتامىزدا جۇرە بەرىڭىز. باقىتتى وتباسىڭىزدىڭ بەرەكەسى ماڭگىلىك بولسىن.
اناشىم شالقىپ كۇلسەڭ،
الدىمدا ۇزاق جۇرسەڭ،
جۇرەگىم جىر تولعايدى،
كوڭىلىم ورتايمايدى.
اناسى بار ادامدار،
ەشقاشان قارتايمايدى.
*** *** *** ***
سۇيىكتى مەنىڭ اناشىم، ءسىزدىڭ مەيىربان جۇزىڭىزدەي كوكتەمنىڭ العاشقى مەرەكەسى، ءتول مەرەكەڭىز 8 ناۋرىز قۇتتى بولسىن. بۇگىن ءسىز ءۇشىن بۇكىل ادام بالاسى قۋانىشقا بولەنەر، ءسىز ءۇشىن جۇرەكجاردى تىلەكتەرىن ارنايتىن كۇن. مەن ءۇشىن ءسىزدىڭ امان-ساۋ ورتامىزدا جۇرگەن ءار كۇنىڭىز ۇلكەن مەرەكە.
مەن وزىڭنەن قابىلداپپىن ءسۇيۋدى،
مەن وزىڭنەن قابىلداپپىن كۇيۋدى.
سەنىڭ جانىڭ جۇرەگىمدە وراۋلى،
مەنىڭ جانىم جاۋلىعىڭا ءتۇيۋلى.
*** *** *** ***
You Might Also Like
-
ءبىر قارت دارىگەرگە بارادى. و جەرىم، بۇ جەرىم دەپ ءبىر سىپىرا اۋرۋىن باياندايدى. ول ءار سىرقاتىن ايتقاندا دارىگەر:
-
باياعىدا ءبىر اڭقاۋ دالادا جولاۋشى بوپ كەلە جاتادى. جۋسان تۇبىندە بۇعىپ وتىرعان قوياندى كوزى شالىپ قالادى. ۇرىپ الماق بولىپ سول ارادا دەرەۋ قيالدانادى:
