InfoHub Logo

ادام كوپ نارسەنى ارماندايدى. ءبىراق ناقتى نە نارسەنى ارمانداۋ كەرەك ەكەنىن، ارمانى ورىندالۋى ءۇشىن قانداي جوسپار قۇرىپ جۇزەگە اسىرۋ كەرەكتىگىن ويلامايدى. كەيدە ارمانشىل ادامدار ءوز ارمانى ورىندالاتىن ارمان با، ورىندالمايتىن ارمان با دەگەن ويدىڭ تۇبىندە قالىپ قويىپ جاتادى.

ارمان دەگەن - ادامنىڭ قيالىنداعى نارسەلەرىنە شىنايى ومىردە قول جەتكىزۋ ءۇشىن جاسايتىن ارەكەتىنىڭ جەڭىسى مەن جەمىسى دەر ەدىم. ارينە، ول ويداعىداي جۇزەگى اسىپ وڭ ناتيجەسىن كورسەتىپ جاتسا عانا. ال جۇزەگە اسپاعان جاعدايدا، ول ادامنىڭ ەڭ ۇلكەن وكىنىشىنە اينالادى. مەنى مىناداي سۇراق تولعاندىرادى. جالپى ادامدار نە نارسەنى ارمانداۋى كەرەك؟  ادامداردىڭ تۇرمىس جاعدايى جاقسى، الەم جاقسى بولۋ ءۇشىن بارلىق ادام ارمانشىل بولۋى كەرەك پە؟ ادامدار نەگە ارماندارىنان اداسىپ جاتادى؟ بۇل سۇراقتارعا بىلاي جاۋاپ ىزدەدىم. 

 ادامدار بارلىق نارسەنى ارمانداۋعا قۇقىلى. بارلىق ءتۇرىن. ارمان دەگەن شەكسىز. بىرەۋلەر دەنساۋلىعىنىڭ كۇشتى بولعانىن،  ەندى بىرەۋلەر تۇرمىستىق جاعدايىنىڭ جاقسى بولعانىن،  تاعى بىرەۋى تۋىستارىنىڭ بار بولعانىن، تاعىسى ۇساق-تۇيەك نارسەلەردى ارمانداپ جاتادى. ماشينا، ءۇي، اقشا، اتاق، مانساپ، بيلىك سىندى نارسەلەر. جوعارىدا ايتىلعان ءۇش ارماندى ارمانداپ وتىرۋعا بولادى. ونىڭ ورىندالۋى ءۇشىن تۇك ىستەي المايسىڭ، جاي عان ارمانداپ جۇرە بەرەسىڭ. ال قالعاندارىنا جەتۋى ءۇشىن ومىردە دۇرىس باعىتتى تاڭداپ، دۇرىس ارەكەت جاساي ءبىلۋى كەرەك. ال قازىرگى تاڭدا قالاي. ادامدار  ارماندايدى، ءبىراق  جۇزەگە اسۋى ءۇشىن ىس-ارەكەت جاسامايدى. جاسايتىندار از-اق دەر ەدىم. ادام ءبىر نارسەنى ارماندادى ما، ارمانىنا جەتپەيىنشە  تىنباۋ ارەكەت ەتۋى قاجەت. ال ورىندالمايتىنىنا كوزىن جەتكىزسە، ول ارمانىنان باس تارتقانى ءجون. ال ءقازىر قالاي؟ ارماندايمىز، تىم كوپ ارماندايمىز. ارماندا ەمەس، ارمانداعانىمىزدا شەك جوق. ءبىز تىم كوپ نارسەنى ارماندايمىز، ونىڭ ورىندالۋى ءۇشىن ەش نارسە ىستەمەيمىز. ۋاقىت وتە كەلە باسقا نارسەنى ارمانداۋعا كوشەمىزدە، ول دا بۇرىنعى ارماندار سياقتى قالىپ جاڭاسى پايدا بولا بەرەدى. ءسويتىپ كوپ نارسەنى ارمانداپ ارماندارىمىزدان شاتاسامىز.

---