InfoHub Logo

الماتىدا ۇزاق ۋاقىتتان بەرى العاش رەت 1-9 سىنىپتاردىڭ وقۋشىلارى ءۇشىن ساباقتار توقتاتىلادى، دەپ قالالىق اكىمدىكتىڭ باسپا ءسوز قىزمەتى حابارلايدى.

الماتى قالاسىنىڭ ءبىلىم باسقارماسىنىڭ حابارلاۋىنشا، 26 قاڭتار كۇنى الماتى مەكتەپتەرىندە 1-9 سىنىپ وقۋشىلارى اراسىندا ساباقتار توقتاتىلادى.

«2018 جىلدىڭ 26 قاڭتارىندا اۋا تەمپەراتۋراسىنىڭ 25 گرادۋستان تومەن بولۋى سالدارىنان الماتى قالاسىنىڭ مەكتەپتەرىنىڭ 1-9 سىنىپتارىندا ساباقتار توقتاتىلادى»، دەلىنگەن ءبىلىم باسقارماسىنىڭ حابارلاماسىندا.

ايتا كەتەيىك، بۇگىن 25 قاڭتار كۇنى الماتىنىڭ ءبىرقاتار مەكتەپتەرىندە باستاۋىش سىنىپتاردىڭ ساباقتارى توقتاتىلعان بولاتىن. ولار: الاتاۋ اۋدانى «زاريا-ۆوستوك» ىقشام اۋدانىنداعى №150 مەكتەبى، بوستاندىق اۋدانى نۇرلىتاۋ ىقشام اۋدانىنداعى №190-شى جانە «قازاقفيلم» ىقشام اۋدانىنداعى №88، №70 مەكتەپتەرى. سونىمەن قاتار، ءبىلىم باسقارماسىنىڭ شەشىمىمەن ناۋرىزباي اۋدانى قاراعايلى ىقشام اۋدانىنداعى №192 مەكتەپ پەن مەدەۋ اۋدانى الاتاۋ اۋىلىنداعى №7 مەكتەپتە باستاۋىش سىنىپتارى مەكتەپكە بارمادى.

ءلاززات جىلقىبايەۆانىڭ ايتۋىنشا، بۇل مەكتەپتەر الماتىنىڭ تاۋعا جاقىن ىقشام اۋداندارىندا ورنالاسقان. كەشە الماتى قالاسى بويىنشا تجد باسپا ءسوز قىزمەتىنىڭ جەتەكشىسى ساندۋعاش بايمۋحامبەتوۆا -25 گرادۋس ايازعا ەكپىندى جەل قوسىلعاندا الماتى مەكتەپتەرىندەگى باستاۋىش سىنىپتاردا ساباق توقتاتىلاتىنىن ەسكەرتكەن بولاتىن.

---