InfoHub Logo

ادىستەمەلىك جۇمىس – بۇل عىلىم مەن پەداگوگيكالىق وزات تاجىريبە جەتىستىكتەرىنە جانە وقۋ - تاربيە جۇمىسىنىڭ ناقتىلى جاعدايىنا سۇيەنە جۇرگىزىلگەن، ءوزارا بايلانىستى ءىس - ارەكەتتەر مەن شارالار جۇيەسى، ول ءاربىر ءمۇعالىم مەن تاربيەشىنىڭ بىلىكتىلىگىن، كاسىبي شەبەرلىگىن جان - جاقتى ارتتىرۋعا باعىتتالعان (مۇعالىمدەردىڭ ءوز بەتىمەن كاسىبي ءبىلىمىن كوتەرۋىن، ءوزىن - ءوزى تاربيەلەۋ، جەتىلدىرۋ شارالارىن باسقارۋدى قوسا) شارالار، پەداگوگيكالىق ۇجىمنىڭ ىلىمدىك مۇمكىندىك شاماسىن دامىتۋ جانە ارتتىرۋ، سايىپ كەلگەندە، وقۋ - تاربيە جۇمىسىن جەتىلدىرۋ، ناقتى وقۋشىنى ءبىلىم، تاربيە الۋ جانە دامۋ دەڭگەيىنە جەتكىزۋ
ادىستەمەلىك جۇمىس – پەداگوگ كادرلاردىڭ عىلىمي - ىلىمدىك، كاسىپتىك، ادىستەمەلىك، مادەني دەڭگەيىن ساپالى كوتەرۋ بويىنشا ۇجىمدىق، توپتىق، جەكە جۇمىستار جۇيەسىن قوساتىن كەشەندى جانە شىعارماشىلىق دامۋ ءۇردىسى. ول – وقۋ - تاربيە جۇمىسىن باسقارۋ، مۇعالىمدەردى جوعارى ادىستەمەلىك مادەني رۋحتا تاربيەلەۋ جانە ءوز ەڭبەگىنىڭ ساپاسى مەن ناتيجەسىندە تالاپ قويا ءبىلۋدىڭ ماڭىزدى باعىتى – وقىتۋ تاجىريبەسىندە ۇتىمدى، ءتيىمدى ادىستەردى شىعارماشىلىقپەن يگەرۋ، بۇل وقۋشىلاردىڭ تانىمدىق، ويلاۋ قىزمەتىن جانداندىرىپ، تەرەڭ، بەرىك ءبىلىمدى، ىسكەرلىك پەن داعدىنى قالىپتاستىراتىن بولادى.

ديرەكتوردىڭ عىلىمي - ءادiستەمەلiك جۇمىستار ءجونiندەگi ورىنباسارىنىڭ فۋنكسيونالدىق مiندەتتەرi مەكتەپتەگى يننوۆاسيالىق جۇمىستارمەن، عىلىمي تەوريالار نەگiزiمەن، وزات تاجريبەلەر مەن جەتەكشى يدەيالار، ەكسپەريمەنتپەن بايلانىستى بولعاندىقتان، ونى جۇزەگە اسىرۋ بارىسىندا تەك قانا بiلiم بەرۋدىڭ جاڭالىعى ىسكە اسىپ قانا قويمايدى، تاعى ءبىر دۇنيەگە كەلىپ پراكتيكادا تەكسەرiلەدi. سونىمەن قاتار ناقتى ناتيجە بەرەتىن جاڭا مازمۇن، جوعارى تيiمدi تەحنولوگيالار ايقىندالادى. مۇنىڭ ءبارى ديرەكتوردىڭ عىلىمي جۇمىستار ءجونiندەگi ورىنباسارىنىڭ باسقارۋ جانە جەتەكشiلiك ەتۋ نىسانى بولىپ تابىلادى.

مەكتەپتەگى مۇعالىمدەرمەن جۇرگىزىلەتىن ادىستەمەلىك جۇمىستار
مەكتەپتەگى ادىستەمەلىك جۇمىس – ءوزىنىڭ عىلىمي - تەوريالىق جانە ادىستەمەلىك دايىندىعى مەن كاسىبي شەبەرلىگىن ارتتىرۋ ماقساتىندا مۇعالىمدەردىڭ جۇيەلى تۇردە جۇرگىزەتىن ۇجىمدىق جانە جەكە ءىس - ارەكەتتەرى.
ادىستەمەلىك جۇمىستىڭ ماقساتى: پەداگوگتاردىڭ كاسىبي شەبەرلىگىن جەتىلدىرۋ.
ادىستەمەلىك جۇمىستىڭ مىندەتتەرى:
1. مۇعالىمدەرگە وقۋشىلاردى وقىتۋ مەن تاربيەلەۋدىڭ جانە دامىتۋدىڭ قاعيدالارى مەن ادىستەمەلىك تاسىلدەرىن جۇزەگە اسىرۋعا كومەك بەرۋ.
2. مۇعالىمدەردى پەداگوگيكالىق باعىتتاعى شىعارماشىلىق ىزدەنىسكە تارتۋ.
ادىستەمەلىك جۇمىستاردى ۇيىمداستىرۋ فورمالارى: پەداگوگيكالىق كەڭەستەر، ادىستەمەلىك كەڭەستەر، ادىستەمەلىك بىرلەستىكتەر، پروبلەمالىق شىعارماشىلىق توپتار، عىلىمي - پراكتيكالىق كونفەرەنسيالار، پەداگوگيكالىق وقۋلار، شىعارماشىلىق ەسەپتەر، تەوريالىق سەمينارلار مەن سەمينار - پراكتيكۋمدار، وزات تاجىريبە مەكتەبى، جاس ماماندار مەكتەبى.

بقو، تەرەكتى اۋدانى،
پريرەچنىي جوببم،
ءىى ساناتتى ينفورماتيكا ءپانى
ءمۇعالىمى ايشۋاكوۆ مەرلان اديلوۆيچ