اجالدى الداۋعا بولمايدى
بىرەۋ سىرقاتتانىپ، تاۋىپكە قارالىپ جۇرەدى ەكەن. ءبىر كۇنى ءتاۋىپ قاتتى اۋىرىپ قالىپتى. سوندا وعان قارالىپ جۇرگەن كىسى:
— قۇداي-اۋ، ءتاۋىپتى العانشا، مەنى السايشى! — دەپ جالىنىپتى قۇدايعا:
مۇنى ونىڭ ءبىر ءازىلقوي كورشىسى ەستىپ قالىپتى. بالەمدى ءبىر قورقىتايىن دەپ، تونىن اينالدىرىپ كيىپ، بەتىنە ۇن جاعىپ، اۋزىنا شوق تىستەپ — اجال بولىپ، ەمدەلىپ جۇرگەن كىسى اۋىرىپ جاتقان ءتاۋىپتىڭ قاسىندا وتىرعاندا كىرىپ كەلەدى.
— مەن اجالمىن. وسىندا مەنى كەرەك قىلعان قايسىڭ؟ — دەيدى.
ءتاۋىپتىڭ بالاسى ەمدەلىپ جۇرگەن كىسىنى نۇسقايدى. سوندا ەمدەلىپ جۇرگەن كىسى ساسىپ قالىپ:
— تەك، قالقام! اجالدى الداۋعا بولمايدى. كىمنىڭ سىرقاۋ، كىمنىڭ اۋرۋ ەكەنىن اجالەكەمنىڭ ءوزى دە كورىپ تۇر عوي! — دەپتى.
You Might Also Like
-
ايداربەك دەگەن جىگىت باياناۋىل ەلىنە اتى ايگىلى، تاپقىر، قۋ جىگىت بولىپتى. ايداربەك وزىمەن ەلدەس جانىسپاي دەگەن بايدان نەسيەگە ءبىر قوي سۇرايدى. ايداربەكتىڭ تولەي قويار مالىنىڭ جايىن بىلەتىن جانىسپاي:
-
ءبىر جاس جىگىتتى قۇربىلارى مازاقتاپ ۇنەمى «ەسەك» دەپ اتايى ەكەن. «ەسەك» دەگەن اتقا ول رەنجىپ، بۇرقان-تارقان اشۋلانىپ، قۇربى-قۇرداستارىنا نارازى بولىپ جۇرەدى ەكەن. ءبىراق كوپ ا...
