InfoHub Logo

قۇرمەتتى ۇستازدار! قىمباتتى وقۋشىلار، اتا-انالار جانە بارشا قازاقستاندىقتار! سىزدەردى بۇگىنگى جارقىن دا قۋانىشتى، ايتۋلى مەرەكە – ءبىلىم كۇنىمەن قۇتتىقتايمىن! 1 قىركۇيەك بارشا حالىقتىڭ ءداستۇرلى مەرەكەسى! بۇل مەرەكە كەيبىر ازاماتتاردىڭ مەكتەپ قابىرعاسىن، كوللەدج جانە جوعارى وقۋ ورىندارىنا بارعان كۇندەرىن ەسكە تۇسىرۋمەن سيپات السا، جاس مۇعالىمدەردىڭ العاشقى جۇمىس كۇنى اسەرى مەن تولعانىسىن ايعاقتايتىن ۇمىتىلماس ساتتەرىمەن ەستە قالادى. ءاربىر ادامنىڭ ومىرىنە ەرەكشە اسەر قالدىراتىن بۇل كۇن ەلىمىزدىڭ بارلىق تۇرعىندارىنىڭ باسىن بىرىكتىرەدى: مەكتەپ تابالدىرىعىن اتتاۋعا اسىققان ءبىرىنشى سىنىپ وقۋشىلارى، ءوزى ارمانداعان ماماندىققا قول جەتكىزگەن جوو-عا ماقتانىشپەن كەلگەن مەكتەپ قابىرعاسىن جاڭا عانا اياقتاعان تۇلەكتەر، وسى كۇيدى ەكىنشى رەت باستان كەشىپ وتىرعان اتا-انالار. ءبىلىم بەرۋ مەكەمەلەرىنىڭ پەداگوگتارى مەن جەتەكشىلەرى بۇگىن، ياعني 1 قىركۇيەك كۇنى ءبىلىم قابىرعالارىن اتتاعالى تۇرعان وقۋشىلار مەن تاربيەلەنۋشىلەردى قارسى الادى، بۇل كۇن تەك اتاۋلى مەرەكە عانا ەمەس، بۇل ءبىزدىڭ ەلىمىزدىڭ بولاشاعى تاۋەلدى بولعان قىزۋ قايناعان، جاۋاپتى كەزەڭ باستاماسى. ءدال وسى كۇننەن باستاپ، العاشقى قوڭىراۋ ۇنىمەن بىرگە، ءار ادام ءومىرىنىڭ جەكە تۇلعا جانە ازامات رەتىندە قالىپتاسۋ كەزەڭى باستالادى. بارشاڭىزدى بۇگىنگى ءبىلىم كۇنىمەن جانە جاڭا وقۋ جىلىنىڭ باستالۋىمەن شىن جۇرەكتەن قۇتتىقتايمىن. سىزدەرگە بۇگىنگى ەرەكشە، جايما شۋاق كۇنى جاقسى كوڭىل كۇي، جاڭا جەتىستىكتەر مەن اشىلۋلارعا ۇدايى ىزدەنىس، شىعارماشىلىق، مىقتى دەنساۋلىق جانە جاڭا باستامالاردا تەك قانا ساتتىلىك تىلەيمىن! بۇگىنگى كۇن سىزدەر ءۇشىن ۇلكەن ۇمىتتەر كۇنى بولسىن!

---