InfoHub Logo

ساباق تاقىرىبى: الگوريتمدى جازۋ تۇرلەرى. بلوك - سحەما
جالپى ماقسات: الگوريتمنىڭ جازىلۋ فورمالارىن تۇسىندىرە وتىرىپ، وقۋشىلاردىڭ پانگە، بىلىمگە، شىعارماشىلىققا، ويىن ەركىن جەتكىزە بىلۋگە، تارتىپتىلىككە، سابىرلىلىققا، ەڭبەك سۇيگىشتىككە، ۇقىپتىلىققا تاربيەلەۋ، ۇشقىر ويلى، شىعارماشىلىق قابىلەتى بار جەكە تۇلعانى قالىپتاستىرۋ.
سىلتەمە: 1. 6 - سىنىپقا ارنالعان ينفورماتيكا وقۋلىعى.
2. جۇمىس داپتەرى
وقۋ ناتيجەسى: وقۋشىلار الگوريتم ۇعىمىن، الگوريتمنىڭ جازىلۋ فورمالارىن بىلەدى، الگوريتمدى بلوك سحەما تۇرىندە كورسەتە الادى.
ساباقتا قولدانىلا -
تىن ماتەريالدار: دك، ينتەراكتيۆتى تاقتا، فليپچارت، وقۋلىق، داپتەر، ءتۇرلى ءتۇستى قاعازدار، سۋرەت قيىندىلارى، باعالاۋ پاراقشاسى.
وقىتۋ ادىستەرى: وقۋ مەن وقىتۋداعى جاڭا تاسىلدەر: سۇراق - جاۋاپ، ديالوگ، اكت، سىن تۇرعىسىنان ويلاۋ.
جۇمىس تۇرلەرى: جەكە

ءى. وقۋشىلارعا پسيحولوگيالىق احۋال تۋعىزۋ
(3 مين) وقۋشىلارمەن امانداسۋ، تۇگەندەۋ. توپقا ءبولۋ ( سۋرەت قيىندىلارى)
1. «تىلەك جازۋ»
ماقساتى: ىنتاماقتاستىقتى نىعايتادى، كوڭىل كۇيدى كوتەرەدى.
پاراقشالارعا تىلەك جازىپ، بۇكتەپ قوراپشاعا سالىپ ارالاستىرىپ، قايتا تارقاتادى.
2. وقۋشىلارعا باعالاۋ پاراقشاسى تاراتىلادى.

ءىى. ءۇي تاپسىرماسىن سۇراۋ
( 5 مين )
«ميعا شابۋىل» سۇراق - جاۋاپ.
1. الگوريتم دەگەنىمىز نە؟
2. الگوريتمدى كىم اتقارا الادى؟
3. اتقارۋشىنىڭ كوماندالار جۇيەسى دەپ نەنى
اتايدى؟
4. الگوريتم اتاۋى قايدان شىققان؟
5. الگوريتمنىڭ نەگىزگى قاسيەتتەرىن اتا.

ءىىى. جاڭا تاقىرىپ (8 مين)
رەبۋس شەشۋ ارقىلى وقۋشىلار جاڭا ساباقتىڭ تاقىرىبىن اشادى.
الگوريتمدى ءارتۇرلى فورمادا ۇسىنۋعا بولادى. الگوريتمنىڭ جازىلۋ فورمالارى كوبىنە ورىنداۋشىعا تاۋەلدى بولادى.
الگوريتمدەر مىناداي فورمالارمەن ۇسىنىلادى:
• سوزدىك فورمادا؛
• گرافيكالىق؛
• الگوريتمدىك تىلدە؛
• پروگراممالاۋ تىلىندە.
بلوك - سىزبا
بلوك - سىزبادا ءار ءىس - ارەكەتتەر فيگۋرالاردىڭ كومەگىمەن سيپاتتالادى. الگوريتمنىڭ باسى جانە سوڭى سوپاقشا شەڭبەرمەن (ەلليپس) سيپاتتالادى. ءىس - ارەكەتتەر تىكتورتبۇرىشقا جازىلادى. بلوك - سىزباداعى بارلىق ەلەمەنتتەر ءبىر - بىرىمەن بايلانىس سىزىقتارىمەن (سترەلكا) بايلانىسادى، ول الگوريتمنىڭ ورىندالۋ باعىتىن كورسەتەدى. ەنگىزۋ جانە شىعارۋ مالىمەتتەرى پاراللەلوگراممعا جازىلادى.
مىسالى، ەكى ساندى قوسۋ الگوريتمى

! ءتۇيىن
• الگوريتم سوزدىك فورمادا، گرافيكالىق، الگوريتمدىك تىلدە، پروگراممالاۋ تىلىندە بەرىلەدى.
• الگوريتمنىڭ باسى جانە سوڭى ەلليپسپەن (سوپاقشا شەڭبەر) بەرىلەدى.
• ءىس - ارەكەتتەر تىكتورتبۇرىشتى فيگۋرادا جازىلادى.
• ەنگىزۋ جانە شىعارۋ مالىمەتتەرى پاراللەلوگرامعا جازىلادى.
• بلوك - سىزباداعى بارلىق ەلەمەنتتەر ءبىر - بىرىمەن بايلانىس سىزىقتارىمەن بايلانىسادى، ول الگوريتمنىڭ ورىندالۋ باعىتىن كورسەتەدى.

الگوريتمدى جازۋ تۇرلەرى. بلوك - سحەما. جۇكتەۋ