InfoHub Logo

1 سىنىپ
الىپپەمەن قوشتاسۋ
ەرتەڭگىلىكتىڭ ماقساتى:
• العاش قولدارىنا العان ءبىلىم باستاۋى بولعان الىپپەدەن ۇيرەنگەندەرىن تياناقتاۋ؛
• الىپپەگە ارنالعان ولەڭدەردى جاتقا ايتۋ ارقىلى وقۋشىلاردىڭ ءتىل بايلىعىن دامىتۋ؛
• ولەڭ ارقىلى ويىن جەتكىزۋگە باۋلۋ؛
• وقۋشىلاردىڭ ونەرىن تاماشالاۋ، ەركىن سويلەۋىن، ەستە ساقتاۋ قابىلەتىن دامىتۋ، اتا – انامەن بايلانىستى نىعايتۋ. وتانىن، مەكتەبىن، ۇستازدارىن، اتا – انالارىن قۇرمەتتەپ، ەستەتيكالىق تالعامدارىن كەڭەيتىپ، وقۋ، ءبىلىم الۋعا تاربيەلەۋ؛

كورنەكىلىگى: ناقىل سوزدەر، ارىپتەر، سۋرەتتەر، شارلار، ينتەراكتيۆتى تاقتا
ءوتۋ بارىسى:
ءمۇعالىمنىڭ كىرىسپە ءسوزى: «قۇرمەتتى اتا - انا، ۇستازدار. 1 «ا» سىنىپ ءوقۋشىلارىنىى الىپپەمەن قوشتاسۋ ەرتەڭگىلىگىنە قوش كەلدىڭىزدەر. ءبىز بۇگىن عىلىم الەمىنىڭ العاشقى باسپالداعى الىپپەنى اياقتاپ، ءبىلىم اتتى ۇزاق جولدىڭ العاشقى اسۋىنان اسىپ تۇرمىز. الىپپەنى جەمىستى اياقتاۋعا قولعابىس بەرگەن اتا - انالارعا زور العىسىمدى بىلدىرەمىن. ەندەشە، وسى سالتاناتتى مەرەكەمىزدىڭ يەلەرى 1 «ا»سىنىپ وقۋشىلارىن قارسى الايىق.»

حور: ءانۇران

1 - جۇرگىزۋشى: سالامات
كوز سالىپ، قاراڭىزشى بويىمىزعا،
ورتاق بوپ بۇگىنگى ءبىزدىڭ ويىمىزعا،
قوش كەلىپسىز، ۇستازدار، اتا - انالار،
الىپپەمەن قوشتاسۋ تويىمىزعا!

2 – جۇرگىزۋشى: نۇرسەزىم
ارمىسىزدار، انالار
بارمىسىزدار بالالار.
سوزىمە قۇلاق سالىڭدار،
الىپپەگە ارنالماق
بۇگىنگى جىر - ءانىمىز.

1 - جۇرگىزۋشى: سالامات
ارىپتەردى تانىعان،
وڭكەي بىلگىش بالدىرعان.
ءوستى مىنە بويلارىڭ،
قۇتتى بولسىن تويلارىڭ.

2 – جۇرگىزۋشى: نۇرسەزىم
ءبىزدىڭ سىنىپ تاماشا
كوز تارتادى قاراسا
كەشىكپەيدى ساباقتان
كۇندە تۇگەل، ساناسا.

1 - جۇرگىزۋشى: سالامات
- بالالار، ءىشى تولى ارىپكە،
- بىلىمدەگى جارىق نە؟

حورمەن وقۋشىلار: بولاشاققا جول اشقان،
ول – سۇيىكتى الىپپە.
حور: الىپپە

كەنجەقىز:
ءىشى تولى ارىپكە
مىناۋ ءايبات الىپپە
بارلىق ءىلىم - ءبىلىمىڭ،
باستاۋى وسى الىپپە.

ديماش:
الىپپەم، مەنىڭ الىپپەم
كوگىلدىر تۋدىڭ تۇسىندەي
اقىلشى جان دوسىمداي،
قىمباتتى ماعان كىسىمدەي.

اقتىلەك:
بار كىتاپقا باس بولعان
الىپپەن عىلىم اناسى
الىپپەدەن باستالعان
دانالىقتىڭ داناسى

انەل:
الىپپەم، مەنىڭ الىپپەم
ا دەگەن مىنا ارىپتەن
ءسوز قۇراپ جازا باستادىم،
تاقىلداپ تاڭبا تانىپ مەن.

جىگەر:
ءبىرىنشى بەتتەن ەلىمنىڭ
ەلتاڭباسىن تانىدىم
كوك بايراقتى قازاقتىڭ
ۇرپاعىنىڭ ءسانىمىن.

اينۇر:
ەڭ العاش العانىمدا الىپپەنى،
قىزىعىپ قاراي بەردىم ارىپتەردى.
مەن ءۇشىن جۇمباق بولىپ قالار ما ەدى،
ۇستازىم ونىڭ كىلتىن الىپ بەردى.

بي: جاڭا كۇن

2 – جۇرگىزۋشى: نۇرسەزىم
- بالالار، ەڭ العاشقى الىپپەنى كىم جازعانىن بىلەسىڭدەر مە؟

رۋسلان:
يا. جىرىن جاتتاپ سالامىز،
جالىقپاستان قىس – جازى،
ۇلى ىبىراي اتامىز،
ۇستازداردىڭ ۇستازى.