الماتىداعى جەر سىلكىنىسى: قالا اكىمدىگىنە ەرەكشە مارتەبە بەرۋ ۇسىنىلدى
ءماجىلىس دەپۋتاتى باقىتجان بازاربەك تاياۋدا الماتىدا بولعان جەر سىلكىنىسىنە توقتالىپ، ءبىرقاتار باستامالار ۇسىندى. بۇل تۋرالى ول دەپۋتاتتىق ساۋالىندا ايتتى، دەپ حابارلايدى infohub.kz سايتى.
ماجىلىسمەننىڭ ايتۋىنشا، جەر سىلكىنىسى كەزىندە الماتى اكىمدىگى مەن توتەنشە جاعدايلار قىزمەتى «انىق ارەكەت ەتتى»، جەدەل شتاب وتىرىسىن وتكىزىپ، بايلانىستا بولدى.
"باسقارۋ جانە جاقسى ۇيلەستىرىلگەن ۇيىمداستىرۋ جۇمىستارى وتە ماڭىزدى. ءبىراق كەشەگى جەر قىرتىسىنىڭ تەربەلىسى ءارتۇرلى امپليتۋدامەن 10 ساعات ىشىندە بىرنەشە رەت قايتالاندى. بارلىعى 22 افتەر سىلكىنىس بولدى. بۇل سالاعا قاتاڭ جانە ىرگەلى ستاندارتتاردى ەنگىزۋدىڭ ماڭىزدىلىعىن كورسەتەدى. الماتىنىڭ جانە ەلىمىزدىڭ باسقا دا اسا ءقاۋىپتى ايماقتارىنىڭ سەيسميكالىق قاۋىپسىزدىگىن قامتاماسىز ەتۋ»، - دەدى بازاربەك.
ماجىلىسمەن اتاپ وتكەندەي، قازاقستاندا جەر سىلكىنىسىنىڭ جويقىن زارداپتارىن بولدىرماۋ جانە كەلتىرىلگەن زالالدى قالپىنا كەلتىرۋ بويىنشا زاڭنامالىق دەڭگەيدە ءبىرقاتار شەشىمىن تاپپاعان ماسەلەلەر بار.
«ءماسليحات پەن اكىمدىككە قالا اۋماعىن دامىتۋ ەرەجەلەرىن ازىرلەۋ جانە بەكىتۋ بويىنشا قوسىمشا قۇزىرەت تۇرىندەگى ەرەكشە مارتەبە بەرۋ قاجەت»، - دەدى ول.
You Might Also Like
-
ايەل ادامدار ينتەرنەتتى ءارتۇرلى ماقساتتاردا قولدانادى، سوندىقتان ولاردىڭ ىزدەۋلەرى وتە الۋان ءتۇرلى بولۋى مۇمكىن. ءبىراق، كەيبىر جالپى تەندەنسيالارعا نازار اۋدارساق، ايەلدەر ينتەرنەتتە كەلەسى سالالار بويىنشا اقپارات ىزدەۋگە بەيىم:
-
سەكس تۋرالى ەرلەردىڭ كوزقاراستارى مەن ۇعىمدارى ءارتۇرلى فاكتورلارعا بايلانىستى بولادى جانە ايەلدەرمەن سالىستىرعاندا ءبىراز ايىرماشىلىقتارى بار. عىلىمي زەرتتەۋلەر كورسەتكەندەي، ورتاشا العاندا ەر ادامدار سەكس تۋرالى ايەلدەرگە قاراعاندا ءجيى ويلايدى.
