InfoHub Logo

ساباقتىڭ تاقىرىبى: «التىن كۇز ەرتەڭگىلىگى»
ساباقتىڭ مەرزىمى: 30. 10. 2012 جىل.
ساباقتىڭ ماقساتى: بالالاردىڭ كۇز تۋرالى بىلىمدەرىن جەتىلدىرۋ، ويلاۋ قابىلەتتەرىن ارتتىرۋ، وي - ورىستەرىن دامىتۋ.

تاربيەشى: قۇرمەتتى بۇگىنگى كەشكە جينالعان قوناقتار جانە اتا - انالار! بۇگىنگى مەكتەپالدى دايارلىق توبى وقۋشىلارى دايىنداعان شاعىن عانا «التىن كۇز» اتتى ەرتەڭگىلىگىمىزدى باستايمىز.
(اۋەن وينالادى. بالالار باقشاعا قاراپ بالالار سويلەسەدى.)

تاربيەشى: بالالار قاراڭدارشى بۇگىن ءبىزدىڭ باقشامىز وتە قاتتى اشۋلى ەكەن. نەگە اشۋلى ەكەن سۇراپ بىلگىمىز كەلەدى مە؟ يا، بالالار ەندەشە سۇراپ بىلەيىك.
بالالار: باقشا - باقشا نەگە اشۋلىسىز؟
باقشا: مەنىڭ كۇز مەزگىلىنىڭ تەز بىتەتىنىنە اشۋلىمىن. كۇز مەزگىلى تاياپ قالدى. مەنىڭ كوكونىستەرىم مەن جەمىستەرىمدى ادامدار باقشادان تەرىپ - تەرىپ الدى. مەندە ەندى تۇكتە قالمايدى. سوعان اشۋلىمىن. ماعان كومەكتەسەسىڭدەر مە بالالار؟ مەنىڭ جەمىستەرىم مەن كوكونىستەرىمنىڭ باقشادا قايتادان جايقالىپ وسكەنىن قالايمىن.
تاربيەشى: بالالار باقشاعا كومەكتەسەمىز بە؟
بالالار: يا كومەكتەسەمىز.
تاربيەشى: ەندەشە بالالار ءبىز باقشاعا كومەكتەسۋ ءۇشىن كوكونىستەر مەن جەمىستەردى قايتىپ جيناي المايمىز، سوندىقتاندا باقشاعا ولار تۋرالى تاقپاقتارىمىزدى ايتىپ، ءوز ونەرىمىزدى كورسەتەيىك. كەلىستىك پە بالالار؟
بالالار: يا.

تاربيەشى: شوعى تولعان گۇلدەي جايناپ،
شاقىرادى جارقىن ءجۇز.
سايرانداعان كۇلىپ - ويناپ،
كەلدى مىنە التىن كۇز.
كۇز مەزگىلى: اقنيەت. مەن كۇزبىن. وتە ەركەمىن. سول نارسەگە رەنجىپ، بۇرتيىپ، قاباعىمدى ءتۇيىپ، كوز جاسىمدى اياماي توگىپ - توگىپ الامىن. مەنىڭ اق كوڭىلدىلىگىمدى ءبارى ۇناتادى.
تاربيەشى: ءونىم بيىل تاماشا،
كوز تويمايدى قاراسا.
ءسابىز، كارتوپ، كادەش پەن،
قىپ - قىزىل پىسكەن قىزاناق.
قىرىققاباتقا قاراشى،
كوكونىستەر ءبىر كەزدە
جيىلا قالىپ داۋلاستى.
تاربيەشى: بالالار بىزگە «كوكونىستەر» توبى كەلىپ قالىپتى، قانە قوشەمەتپەن قارسى الايىقشى. (اۋەن وينالادى)

«كوكونىستەر داۋى» كورىنىس
كوكونىستەر: (حور) جينالىپ قالىپ ءبارىمىز،
قايسىمىز ەڭ ءدامدىمىز.
ىشىمىزدەن ادامعا،
تيەدى كوپ پايدامىز.
تاربيەشى: (ماقتانشاق بۇرشاق ورتاعا جۇگىرىپ شىقتى)
بۇرشاق: ساعادات
كىشكەنە تۇيمەدەيمىن مەن،
ۇيالامىن مەن بارىنەن
ءدامدى تالعامدارىممەن،
سىي جاسايمىن بارىڭە!

تاربيەشى: ىزالانعاننان قىزىلشا قىپ - قىزىل بولىپ كەتتى.
قىزىلشا: ەرسۇلتان
اق ءتۇسىم بار قانت الار،
قىزىل ءتۇسىپ قانعا ءنار.
زيانىم جوق ءبىلىپ قوي،
قىزىلشامىن پايدام بار.
مەندە ءبىر ءسوز ايتايىن،
ماقتانايىن سىزدەرگە.
مەنسىز بورشش بولمايدى،
ۆينەگرەت تە ۇستەلدە.

قىرىققابات: ارۋجان
باقشالاردا ءتىزىلىپ،
قاپەرسىز مەن جاتامىن.
قابات - قابات كيىنىپ،
قىرىققابات اتاندىم.

ءسابىز: نۇرداۋلەت كىم بار ءسابىز شىرىنىن،
جاستايىنان ىشپەگەن.
مەنى جەگەن ادامدار،
كەم بولمايدى كۇلگەندە.

قىزاناق: رۋسلانبەك
تال شىبىعىم بۇرالىپ،
باقشالاردا قىزارىپ.
تۇرعان ول مەن – قىزاناق،
كۇنگە قاراپ ۇيالىپ.

قيار: كوركەم
كوپتەن ەرتە شىمىرلاپ،
وسەمىن مەن ءبۇر جارىپ.
اتىم – قيار، تەرىپ ال،
ءجيى - ءجيى سۋعارىپ.

كارتوپ: ساعادات
كارتوپ ءبىزدىڭ اتامىز،
جەر استىندا جاتامىز.
ءبىر تامىردان تاراعان،
اعايىنبىز ءبارىمىز.
مەن ۇيالشاق كارتوپپىن،
مەن ەمەسپىن ماقتانار.
مەنى جاقسى كورەدى،
ۇلكەندەر مەن بالالار.

قاۋىن: اقنيەت
ءيىسىم جۇپار اڭقىعان،
باقشاداعى شىرىنمىن.
جەپ كورگەندەر تامسانعان،
بالداي ءتاتتى قاۋىنمىن.

پياز: ديانا
بولامىن مەن دامدەۋىش،
بارلىق - بارلىق تاعامعا.
كوكونىستەر ىشىنەن،
مەن پايدالى ادامعا.
اسحانادان شىقپايمىن،
اتىم پياز بۇقپايمىن.
كوزدەن جاستى شىعارىپ،
تۇماۋدان ءبىراق ساقتايمىن.

تاربيەشى: بوس ايتىستى قويايىق
داۋلاسۋدى توقتاتايىق.

ايبوليت: كوكونىستەر بارىدە،
دەنساۋلىققا پايدالى.
سوندىقتاندا بىرگە جۇرىڭدەر،
ولاردى جاقسى كورىڭدەر.

بي: «سارى كۇز»
تاربيەشى: بالالار ەندى مەن سەندەرگە جۇمباق جاسىرايىن:
1. قىزىل - سارى كەمەلەر،
سۋ بەتىندە قالقاندى.
سوقسا ەگەر قالقيدى،
ىرعالادى، تولقيدى (جاپىراق)
2. جازداي ىنگە تىعىلعان،
جاتقان قىزىل تۇلكىنى.
قۇيرىعىنان سۋىرىپ،
اكەلدى اجەم ءبىر كۇنى (ءسابىز)
3. ۇستىنە تىگىپ كوك شاتىر،
استىندا قىزىل ءداۋ جاتىر (قىزىلشا)
4. جايلى جۇمساق توسەگىم،
دومالانىپ وسەمىن.
قابات - قابات تونىم بار،
قالاي ونى شەشەمىن (قىرىققابات)
5. قالدىڭ تاعى تۇيىرلەپ،
قازىپ الدىڭ ۇيىرلەپ (كارتوپ)

تاربيەشى: دۇرىس بالالار، ءقازىر جىلدىڭ قاي مەزگىلى؟
بالالار: كۇز
تاربيەشى: دۇرىس بالالار، ال كۇز ايلارى قانداي ايلار؟
بالالار: قىركۇيەك، قازان، قاراشا ايلارى
تاربيەشى: بالالار ەندى ءبىز ءانىمىزدى ايتا قويايىقشى.
ءان: «اپام ءۇشىن»
تاربيەشى: بالالار كوكونىستەردەن قالماي بىزگە جەمىستەردە كەلىپتى، سولاردى ءبىر تىڭداپ كورەلىك.
(اۋەن وينالادى)

ءجۇزىم: رۋسلانبەك
ءىشى تولعان ءشاربات،
ءدامى سونداي ءايبات.
ۇزەسىڭ بىردەن ءۇزىپ،
ونىڭ اتى – ءجۇزىم.

ورىك: دياس
ءدوپ - دوڭگەلەك سارى،
ىشىندە بار ءدانى.
قىزىعاسىڭ كورىپ،
ونىڭ اتى – ورىك.
شابدالى: اقنيەت
پىسەتىن كەزى ءدال كۇزدە،
مەزگىلسىز ونى ۇزبە.
اۋزىڭنان كەتپەس بال ءدامى،
ونىڭ اتى – شابدالى.

جاڭعاق: رۋسلانبەك
سىرتى قانداي قاتتى،
ءدامى ونىڭ ءتاتتى.
شاعىپ قارا تاڭداپ،
ونىڭ اتى – جاڭعاق.
شيە: اقنيەت
ءبىر ساباقتا كوپ تۇيمە،
جەي المايسىڭ كوك كۇيدە.
ساناپ قارا قانشا،
ونىڭ اتى – شيە.

قۇلپىناي: ديانا
جاپىراقتى تاسالاپ،
وسەتىن جەرى باقشا - ب ا ق.
كۇرەڭ قىزىل شىركىن - اي،
ونىڭ اتى – قۇلپىناي.

الما: ارۋجان
ءپىسىپ تۇرعان المامىن،
تامساندىرار بال ءدامىن،
جەرگە سىلكىپ تۇسىرمە،
ءىسىپ كەتەر ماڭدايىم.

تاربيەشى: بالالار ەندى باقشامىزعا بارايىقشى، كوڭىلى كوتەرىلدى مە ەكەن، سۇرايىقشى. باقشا كوڭىلدى كوتەرە الدىق پا.
باقشا: يا، بالالار مەن ەندى كوڭىلدى جۇرەمىن. سەندەر مەنى قۋانتتىڭدار. ءبىراق مەنىڭ تاعى ءبىر شارتىم بار. ماعان ەندى ءبىر ويىن ويناپ بەرسەڭدەر مەن وداندا قاتتى كوڭىلدى جۇرەتىن بولامىن.
تاربيەشى: بالالار باقشاعا ويىن ويناپ بەرەمىز بە؟
بالالار: يا

ويىن: باقشا كىمدى الىپ كەتتى؟
تاربيەشى: ەندەشە ويىننىڭ شارتى بىلاي بالالار. بارلىعىمىز ادەمى ءجۇرىپ، ادەمى بي بيلەيمىز. مۋزىكا بىتكەنشە بيلەيمىز. ال مۋزىكا بىتكەن سوڭ، كوزىمىزدى جۇمىپ، ورنىمىزدى اۋىستىرىپ، جەرگە وتىرا قالامىز. كەلىستىك پە بالالار؟
بالالار: يا.
(مۋزىكا قوسىلادى. ويىن وينالادى. 3 - 4 بالانى ماتامەن جاۋىپ تىعىپ تاستايدى. قاي بالا جوعالعانىن بالالار ايتادى)
تاربيەشى: بالالار ەندى قاراڭدارشى كىم جوق؟
(ورتاعا سەبەت تولى الما اكەلىنەدى. بالالاردان كىمنىڭ تىعىلعانىن سۇرايدى)
تاربيەشى:
بەرەكەسىن سىيلاۋعا،
ولكەمىزگە كۇز كەلدى.
جەمىستەرىن جيناۋعا،
شاقىرادى بىزدەردى - دەي كەلە، قۇرمەتتى بۇگىنگى كەشىمىزگە جينالعان قوناقتار، ۇستازدار جانە اتا - انالار، التىن ۋاقىتتارىڭىزدى ءبولىپ ءبىزدىڭ ەرتەڭگىلىگىمىزگە كەلگەندەرىڭىزگە كوپ - كوپ العىسىمىزدى ايتامىز. كەلەسى كەزدەسكەنشە ساۋ بولىڭىزدار.