InfoHub Logo

انا – ءومىردىڭ شۋاعى
جۇرگىزۋشى: قۇرمەتتى اسىل انالار، اجەلەر مەن قىزدار! سىزدەردى كوكتەمنىڭ العاشقى ايىندا ەلىمىزدىڭ بارلىق جەرىندە تويلاناتىن 8 - ناۋرىز اجەلەر، انالار، قىزدار مەيرامىمەن شىن جۇرەكتەن قۇتتىقتايمىز. انانىڭ تىلەگى، انانىڭ جۇرەگى، انانىڭ ماحابباتى، انانىڭ ىستىق قۇشاعىنان قاسيەتتى ەشتەڭە جوق. ەڭ ىستىق كۇننىڭ نۇرى دا، انانىڭ شاپاعات مەيىرىمىنە جەتپەيدى. بۇگىنگى 8 - ناۋرىز – انالار مەرەكەسىنە ارنالعان «انا - ءومىردىڭ شۋاعى» اتتى مەرەكەلىك كەشىمىزدى اشىق دەپ جاريالاۋعا رۇقسات ەتىڭىزدەر! بارلىق ونەرىمىز انالار سىزدەر ءۇشىن.
ورتاعا ماد 0 «ۆ» سىنىپ بالالارىن قارسى الىڭىزدار.
مۇحاممەد:
مەرەكە، مەرەكە!
مەرەكە دە كەلىپ قالدى.
بىزدە ءبارى دايىن با؟
قوناقتاردا كەلىپ قاپتى.
اسلان:
ايتتىم عوي مەن سەندەرگە،
ۇلگەرمەيمىز ءقازىر دەپ.
بارىنە قىزدار كىنالى،
ولەڭ ايتىپ بولعانى.
سايات:
ۇلدار، ۇلدار ۇرىسپاڭدار.
انە، وزدەرى دە كەلىپ تۇر،
كوڭىلدىرەك قارسى الايىق
ءبىزدىڭ قىزدار كەلىپ تۇر. (قىزدار ورتاعا شىعادى)
جۇرگىزۋشى: بيشىلەر بار بىزدە قىزدار مەن ۇلدار توبى،
مەرەكەگە ونەرىمەن كەلگەن بۇگىن.
تاڭ قالدىرىپ، قانەكەي بي بيلەشى،
قول سوعىپ، دەمەۋ بەرسە كورەرمەندەر!
بي: «اناشىم» قابىل الىڭىزدار.
جۇرگىزۋشى: بالا، بالا، بالا دەپ،
تۇندە شوشىپ ويانعان
ءتۇن ۇيقىسىن ءتورت ءبولىپ،
تۇندە بەسىك تايانعان.
وزەندى كولدەي شالقىتقان.
قولىن قاتتى تيگىزبەي،
ءيىسىن جۇپار اڭقىتقان
بۇل كىم؟
بالالار: انا، انا، انا!
جۇرگىزۋشى: بۇگىنگى مەيرامدا كوكتەمدەي كوڭىل سىيلايتىن بالالارىمىزدىڭ انالارعا ارنالعان ولەڭ شۋماقتارىن قابىل الىڭىزدار. (بالجان، نۇرايىم، گۇلسەزىم، ماريام، گۇلدانا، گۇلاي)
1. گۇلدانا
انا دەگەن اقىلشىڭ،
اناڭ باردا باتىرسىڭ.
قاسىڭدا كىم بولسا دا،
تەك اناڭا جاقىنسىڭ.
2. نۇرايىم
ءار ءسوزىمدى جاتتاعان،
جۇرەگىمدە ساقتاعان،
اناشىم دەپ ماقتانام،
اينالايىن اق مامام.
3. گۇلسەزىم
انا دەيمىز ءبارىمىز دە اڭقىلداپ.
انا دەيدى جاس ءسابي دە جارقىلداپ.
انا دەگەن – بايتەرەگى ءومىردىڭ
انا دەگەن – التىن قازىق، التىن ب ا ق.
4. ماريام
شاشىمدى ءورىپ تاراعان،
قاباعىما قاراعان
ۇلكەن كىشى دەمەيدى،
سىيلايدى ونى بار ادام.
5. گۇلاي
اق اناشىم، اپپاعىم،
ءوزىڭ جايلى تاقپاعىم،
ءوزىڭ جايلى ءانىم دە،
ارنادىم ساعان ءبارىن دە.
6. بالجان
انا دەسەم شەشەك اشىپ جانارى،
ءومىرىمنىڭ باستاۋ الار جانارى.
انا دەگەن تىرشىلىككە پانا بوپ،
ءاربىر ۇيدە جۇلدىز بولىپ جانادى.
جۇرگىزۋشى: قۇلاقتان كىرىپ، بويدى الار،
اسەم ءان مەن ءتاتتى كۇي.
كوڭىلگە ءتۇرلى وي سالار،
ءاندى سۇيسەڭ، مەنىڭشە ءسۇي، – دەپ، اباي اتامىز ايتقانداي بالالاردىڭ ورىنداۋىنداعى «اق مامام» ءانىن، قابىل الىڭىزدار.
ءان «اق مامام»
جۇرگىزۋشى: انا ول ءبىزدىڭ ەلدە ارداقتى ادام،
كىشىسى دە، ۇلكەنى دە ارداقتاعان.
ءوزىنىڭ اياۋلىسىن دا وتانىن دا،
«انا» دەپ ءبىزدىڭ حالىق تەككە ايتپاعان، – كەزەكتى ولەڭ شۋماقتارىنا بەرەمىز. (مۇحاممەد، امان، باعلان، ەركەبۇلان)
1. مۇحاممەد
اق قاباقتى اناشىم،
كۇن ساۋلەلى اناشىم.
الپەشتەگەن بالاسىن،
اينالايىن اناشىم

2. باعلان
اقىل قۇيعان ساناما،
كۇننەن ارتىق، راسىندا.
كۇن الىستا، ال انام،
ىلعي مەنىڭ قاسىمدا.
3. امان
انامدى مەن جاقسى كورەم،
ايتقان ءتىلىن الىپ جۇرەم.
قاسىمدا انام جۇرگەندە
شاتتانىپ ويناپ كۇلەم.
4.. ەركەبۇلان
سەنەن وسكەن بالالار،
باتىرلار مەن دانالار
قۇتتىقتايمىز مەيراممەن
قۇرمەتتى انالار.
جۇرگىزۋشى: مەرەكەگە ارنالادى بۇگىن بيلەر.
كوتەرىلسىن، قانەكەي، كوڭىل كۇيلەر.
الدارىڭىزدا قىزدار ءبيى،
تاڭ قالدىرىپ قانەكەي بي بيلەڭدەر، – دەمەكشى، ەندىگى كەزەكتە قىزداردىڭ ورىنداۋىندا «كەمپىرقوساق ءبيى»، قابىل الىڭىزدار!
جۇرگىزۋشى: ويىن «كىر جايۋ» (3 انا، 3 ۇل بالا قاتىسادى)
شارتى: انالار شەلەكتەن جۋىلعان بەت ورامالداردى الىپ بەرىپ تۇرادى، ال ۇلدارى جىپكە ىلەدى. ءبىرىنشى بولعان توپ شەلەكتەرىن قولدارىنا الىپ ورىندىققا وتىرادى.
جۇرگىزۋشى: بۇگىنگى مەرەكە كۇنى اجەلەرىمىزدى دە مەرەكەلەرىمەن قۇتتىقتايمىز. «قارياسى بار ءۇيدىڭ، قازىناسى بار» دەپ بەكەر ايتىلماعان. كەلەسى قۇتتىقتاۋلارىمىز سىزدەرگە ارنالادى قۇرمەتتى اجەلەر. (دوسمۇحان، اجارلىم، شۇعىلا، اسەل، سايات)
تاقپاقتار:
1. دوسمۇحان
مەنىڭ اجەم مەيىربان،
مەنى جاقسى كورەدى.
قاجەتىنە جاراسام،
جاس بالاشا كۇلەدى.
2. اجارلىم
مەنى جاقسى كورەدى،
كۇندەي كۇلىپ جۇرەدى،
كوپ ەرتەگى بىلەدى،
ماعان ايتىپ بەرەدى.
3. شۇعىلا
اجە دەگەن كوپ شىعار،
اجەمدەي جوق شىعار.
مەيىرىمدى بۇل كىسى،
قانداي عاجاپ كۇلكىسى.
4. اسەل
قويا عوي، قارعام، كۇنىم دەپ،
اينالار جاندى جىلىتىپ.
قاراسا اجەم كۇلىمدەپ،
كەتەمىز ءبارىن ۇمىتىپ.
5. سايات
اجەم مەنىڭ اسىل جان
جاقسىلىققا ۇيرەتىپ،
جاماندىقتان شەكتەيدى.
اجەمە ەشكىم جەتپەيدى!
جۇرگىزۋشى: ءان: «ساعىندىم اجە»
جۇرگىزۋشى: دوستىقتى ءبىز ويلايمىز،
بىرگە كۇلىپ وينايمىز.
قىزداردى دا قۇتتىقتاپ،
مەرەكەسىڭ تويلايمىز - دەي وتىرىپ، ءبىزدىڭ توپتىڭ ەر جىگىتتەرى قىزداردى قۇتتىقتاپ بي بيلەيدى. بي: «دجەنتلمەندەر»
جۇرگىزۋشى: ويىن «جىلى سوزدەر». انالار ءوز بالالارىنا بەرىلگەن ارىپتەردەن باستالاتىن جىلى سوزدەر ايتادى.
جۇرگىزۋشى: جان انام، قۇتتىقتايمىن مەرەكە كۇنىڭمەن،
كوكتەمنىڭ قۇلپىرا بەر نارت گۇلىمەن.
ورلەسىن ەلدىڭ بەرگەن باقىت باعى،
جازباسىن شات كوڭىلىن اق كۇنىڭمەن، – دەپ، ەندىگى كەزەكتە بالالاردىڭ قۇتتىقتاۋىنا بەرەيىك.
1. ادىلبەك: قىمباتتى اجەلەر، انالار، اپالار، قىزدار!
سىزدەردى 8ناۋرىز مەرەكەسىمەن قۇتتىقتايمىز.
سىزدەرگە زور دەنساۋلىق، مول باقىت تىلەيمىز.
مەرەكەلەرىڭىز قۇتتى بولسىن!
2. دوسمۇحان: ميلىە مامى، دوروگيە بابۋشكي، ۋۆاجاەمىە ۆوسپيتاتەلي!
وت ۆسەي دۋشي پوزدراۆلياەم ۆاس س ۆەسەننيم پرازدنيكوم 8مارتا.
جەلاەم ۆام زدوروۆيا، سچاستيا ي ۋسپەحوۆ ۆو ۆسەم!
3. باعلان: Dear Mummy، Dear Granny!
I want you to be happy!
On the eights of March
I love Mummy، I love Granny
I wish them health
I wish them wealth!
جۇرگىزۋشى: ۇستاز بولۋ – جۇرەكتىڭ باتىرلىعى
ۇستاز بولۋ – سەزىمنىڭ اقىندىعى
ۇستاز بولۋ – مىنەزدىڭ كۇن شۋاعى
ازبايتۇعىن ادامنىڭ التىندىعى.
كەزەكتى ديرەكتوردىڭ باستاۋىش سىنىپتار بويىنشا وقۋ - ءىسىنىڭ مەڭگەرۋشىسى جاسىمبەكوۆا ءنۇرزيا اقمولداقىزىنا ءسوز بەرەمىز.
جۇرگىزۋشى: اتا - انالارعا قۇتتىقتاۋ ءسوز كەزەگىن بەرەمىز.
جۇرگىزۋشى: سۇيكىمدى عوي بالالار
ونەرلى عوي بارشاسى
مىنە، وسىنداي قويىلىم
كورسەتتى ماد «ۆ» سىنىبى
قۇرمەتتى انالار مەن اجەلەر! سىزدەردى 0 «ۆ» سىنىپ بالالارىنىڭ اتىنان شىن جۇرەكتەن قۇتتىقتايمىن. اياۋلى انالارىمىز، ارداقتى اجەلەرىمىز، سۇيكىمدى بالالارىمىز ءارقاشان امان بولسىن! بۇگىنگى «انا – ءومىردىڭ شۋاعى» اتتى ەرتەڭگىلىگىمىز وسىمەن اياقتالدى. كورىپ تاماشالاعاندارىڭىزعا راحمەت!

وقو، قازىعۇرت اۋدانى،
ت. رىسقۇلوۆ مەكتەپ - ليسەيى
باستاۋىش سىنىپ ءمۇعالىمى
كابلانوۆا جازيرا

تولىق نۇسقاسىن جۇكتەۋ