اناعا تاعزىم
دۇنيەدەگى ەڭ اسىل ادام، ەڭ جاقىن ادام، ەڭ قامقور دا جاناشىر ادام - انا. انا تۋرالى قاي اقىن قالام تەربەمەگەن؟! انا تۋرالى كىم سىر شەرتپەگەن؟!
مەنىڭ دە انام بار. مەنى جارىق دۇنيەگە اكەلىپ، ماعان ءومىر سىيلاعان. ءومىرىمنىڭ ءار جاۋاپتى ساتتەرىندە بىرگە بولعان مەنىڭ جان اناشىم. قولىمنان ۇستاپ ەڭ العاش رەت مەكتەپ تابالدىرىعىن اتتاتقان – انام. مەكتەپتەگى جەتىستىكتەرىمە قۋانعان، ساتسىزدىكتەرىمە نالىعان، مەنەن سەنىمىن ۇزبەگەن – انام. التىن ۇيا مەكتەپتى بىتىرگەنىمدە كەۋدەسىندەگى جۇرەگى مەنىمەن بىرگە لۇپىلدەپ، مەنىمەن بىرگە قوبالجىعان – انام.
كالاداعى وقۋ ورنىنا دا ەرتىپ بارىپ، دەمەۋ بولعان ، قالانى ارالاتىپ كورسەتكەن – انام. ستۋدەنتتىك ومىرىمدە اۋىلدان سالەمدەمە جىبەرىپ، الا دوربا سۇيرەتكەن- انام. ءوزىمدى ەشكىمنەن كەم قىلماعان، بىرەۋدەن قارىز الىپ، اقشا سالعان- انام.
كەيبىر كەزدەرى انام مەنى قۇربىلارىممەن كەشكىلىك جىبەرمەيتىن. وعان مەن وكپەلەپ، جىلاعان كەزدەرىم دە بولدى. انا جۇرەگى قاشاندا قىزىن ويلايدى ەكەن عوي. جامان سوزگە ەرمەسە ەكەن، ءبىزدى ۇياتقا قالدىرماسا ەكەن. اناشىم وسىنىڭ ءبارىن ءتۇسىندىم. سىزگە العىسىم شەكسىز.
مىنە، ءوز قولىم ءوز اۋزىما جەتەتىن كۇنگە دە اللا تاعالا جەتكىزدى. تۇرمىسقا شىقتىم.ءوزىم دە انا بولدىم. ءبىراق اناشىم ءۇشىن ءالى دە كىشكەنتاي بالامىن. ءالى كۇنگە دەيىن كۇنىنە ءبىر رەت داۋسىمدى ەستىمەسە اناشىمنىڭ كوڭىلى كونشىمەيدى. قيىن ساتتە اناشىم قاشاندا مەنىڭ قاسىمنان تابىلىپ، اقىلىن قوسادى، كومەگىن ايامايدى.
جان انام مەنىڭ ، ماعان ءومىر سىيلاعانىڭىزعا شەكسىز ريزامىن! باقىتتى دا ، قىزىقتى وتكەن بالالىق شاعىمنىڭ بولعانى اكەم ەكەۋىڭىزدىڭ ارقاسىندا. اناشىم مەن ءسىزدى بار جۇرەگىممەن جاقسى كورەمىن.جان اكەم ءسىزدى دە جاقسى كورەم. اللا تاعالا دەندەرىڭىزگە ساۋلىق بەرىپ، ۇزاق ءومىردى ءناسىپ ەتسىن. قايدا جۇرسەڭىز دە امان ساۋ جۇرىڭدەرشى!
اناڭدى مەككەگە 3 رەت ارقالاپ اپارساڭ دا اناڭنىڭ الدىنداعى قارىزىڭنان قۇتىلمايسىڭ دەگەن ءسوز بار. بۇل ءسوزدىڭ جانى بار. باۋىرلارىم، انامىز بەن اكەمىزدى رەنجىتپەيىك. قامشىنىڭ سابىنداي قىسقا عانا عۇمىرىمىزدى ءماندى دە ماعىنالى وتكىزەيىك، اعايىن. ءبىر- بىرىمىزگە كەشىرىمدى بولا بىلەيىك!
جاكسىبايەۆا بوتاگوز جاكسىبايەۆنا
You Might Also Like
-
قارتتار قىستاعىنا كەلگەن جولاۋشى كوشەدە جىلاپ وتىرعان ءبىر قاريانى كورەدى. جولاۋشى ونىڭ الدىنا بارىپ:
-
كوپشىلىگىمىز كۇندەلىكتى پايداعا اسىرىپ جۇرگەن اسقاباقتىڭ اعزامىزعا تيگىزەر پايداسى جونىندە بىلە بەرمەيمىز.اسقاباق ونىمدەرىن پايدالانۋدىڭ دا وزىندىك ارتىقشىلىقتارى بار ەكەن:
