InfoHub Logo

«ۇبت - (ۇلتتىق ءبىرىڭعاي تەستتىلەۋ) - جوعارعى وقۋ ورىنىنا، ۇلكەن بەلەستەرگە دەگەن العاشقى قادام جانە شەشۋشى ءسات بولماق» - دەيتىندەر وتە كوپ. ءبىراق، ءومىر مۇنىمەن توقتاپ قالمايدى. بۇل ۇبت-دان سۇرىنگەنمەن، ءبارىبىر ءسىزدىڭ ءومىرىڭىز ءالى الدا، تاعدىر ءسىزدىڭ ءالى دە شىڭدالعانىڭىزدى قالايدى، ءسىزدىڭ ءسال كىدىرىپ، بىتپەگەن ىستەر بولسا، سونى اياقتاعانىڭىزدى نەمەسە سىزگە بەرىلگەن سىناق دەپ ءتۇسىنىڭىز. الايدا كەيبىرەۋ بار: «مەن ۇبت-دان قۇلاپ قالدىم، ەندى بارار جەرىم، باسار تاۋىم جوق» دەسە، كەيبىرى: «مەن نەگە وتە المادىم، مەن نە ىستەپ قويدىم سونشا؟»،-دەپ،ابدىراپ، نە ىستەرىن بىلمەي قالسا، ەندى بىرەۋى: «امال-نەشىك،وسىلاي بولارىن بىلگەم، اۋىلدا قالام، ارى قاراي نە بولادى ەكەن؟»،-دەپ، ومىرگە قول سىلتەي سالاتىندارى دا بار. ەندى بىرەۋى وشتەنىپ، اشۋلانىپ قىزبالىققا سالىنادى.ءتىپتى كەيبىر ادامدار بولادى، ءاربىر جايتقا نەمقۇرايلىلىقپەن قارايدى. ەڭ سوراقىسى، وسى ءبىر ۇبت-عا جۇرەكتەرى شىداماي، ومىردەن ءتۇڭىلىپ، قايعىرىپ، وزىنە-وزى قول جۇمسايتىندارى دا بار. بۇل ايتقانىم، قازىرگى كەزدە كوپ بەلەڭ الاتىن جاعدايلاردىڭ ءبىرى بولىپ تۇر.

«كەرەك ەمەس بۇل ومىرگە جىلاعانىڭ،
قايعىرعانىڭ، ءسۇرىنىپ-قۇلاعانىڭ.
شىداۋ كەرەك، ءتوزۋ كەرەك بۇل كۇنگە،
كەلمەيدى عوي اركەز سەنىڭ سۇراعانىڭ.

نە بولدى ساعان، سىندى ما ساعىڭ؟
ويلايسىڭ ىشتەي: «اشىلماي باعىم»،
قاتەلەسەسىڭ، كەش ەمەس ءالى
تەزىرەك بەرىلمە، سىنباسىن ساعىڭ»-دەي كەلە، مەنىڭ جالپىلاما ايتارىم:«ءومىر وسى ءبىر ۇبت-عا قاراپ قالعان جوق، ءالى دە ءسىزدىڭ مۇمكىندىگىڭىز بار، ءالى دە كەش ەمەس، تەك تەز بەرىلمەڭىز. ومىرگە تەز بەرىلگەندەردىڭ جاعدايى قانداي ەكەنى بارىنە ءمالىم. سول سەبەپتى ويلانىڭىز، ەگەر دە ءسىز ەندى عانا ۇبت-نى تاپسىرايىن دەپ وتىرساڭىز، سىزدە ءالى دە ۋاقىت بولسا، ۋاقىتتى تەككە جىبەرىپ الماڭىز. ءسىزدىڭ ءالى دە كوپ مۇمكىندىگىڭىز بار. وز-وزىڭىزگە سەنىم ءبىلدىرىڭىز، جۇرەگىڭىزدى تىنىشتاندىرىڭىز.

كوتەر قانە باسىڭدى،ەڭسەڭدى كوتەر،
ءوز-وزىڭدى جازعىرما،ول كۇن دە وتەر.
تاعدىر دەگەن تولاستاماس اعىن سۋداي،
ءبىر مەزەتتە وزىڭمەنەن الىپ كەتەر.

مەيلى ءتونسىن باسىڭا قاۋىپ-قاتەر،
بالكىم ساعان سىناعىڭ قاتال جەتەر.
ومىردەن بەزىپ،تاۋسىلىپ تاعاتىڭ،
ۋشىعىپ كەتەر جاعداي بۇدان-بەتەر.
«مەن وز-وزىمە سەنىمدىمىن، مەن تۇبىندە نە بولسا دا بارلىق قيىندىقتى جەڭىپ شىعامىن»،-دەپ ۇمىتتەنىپ جىگەرلەنىڭىز.ۇبت-دەن ەڭ جوعارعى ۇپاي جيناپ جاتقاندار دا بار. ولار دا ادام، ءسىز دە ادامسىز، ادام ءبارىن جاساي الادى. ءسىزدىڭ دە قولىڭىزدان كەلەدى، ءسىزدىڭ دە بيىك شىڭدى باعىندىرۋىڭىزعا بولادى.تەك بىلەسىز بە، سىزگە وي-كوڭىلدى قۋاتتاندىرىپ، وزىڭىزگە سەنىم كۇشىن ۇيالاتىڭىز. اقىرىندا ءسىزدىڭ بەرىك سەنىمىڭىز، تەرەڭ ويىڭىز شىندىققا ۇلاسادى. ءسىز: «مەن ۇبت-دەن جوعارعى ۇپاي الامىن»، - دەپ ءوز-وزىڭىزدى سەندىرىڭىز جانە ءسىز وسىدان كەيىن قۇر سەنىممەن قالماعانىڭىز ءجون، شىن نيەتىڭىزبەن، دايىندالۋعا تىرىسىڭىز. ماماندىعىڭىزعا ساي دايىندىق جۇرگىزەسىز، تەر توگۋ كەرەك،ەڭبەكتەنىڭىز. «ەڭبەك ءبارىن جەڭبەك» دەيدى، «ەڭبەك ەتسەڭ ەرىنبەي،تويادى قارىنىڭ تىلەنبەي» دەگەن دە بار.سوندىقتان ەڭبەكتەنىڭىز،ىزدەنىڭىز،بارىنشا دايىندىق ۇستىندە بولىڭىز. ايتپاقشى، ماماندىق تاڭداۋ،بۇل تۋرالى ويلانساڭىز، شىن كوڭىلمەن قاراعان، جۇرەگىڭىز قالاعان ماماندىق بولسىن. بۇل دا باستى ماسەلە،وسىعان ساي داعدىلانىڭىز، مەيلىنشە ەرتەرەك قامدانعان ءجون دەپ سانايمىن.ال،ەندى كوپتەن كۇتكەن ۇبت دا كەلىپ قالدى. ءسىزدىڭ ويىڭىزعا نەشە ءتۇرلى نارسەلەر كەلىپ جاتىر.ءبىر كۇن قالعاندا ءتىپتى،ءسىز تولقىپ، قورقىپ، ساسقالاقتاي باستاۋىڭىز مۇمكىن، مۇنداي جاعدايدا تەرەڭ تىنىستاپ، ەش ۋايىمداماي ويىڭىزدان ارتىق زاتتىڭ ءبارىن الىپ تاستاڭىز، وسى كۇنگە دەيىنگى شىڭدالعانىڭىز دايىندىعىڭىزدىڭ ناتيجەسىن بەرەدى. ال، ەندى ۇبت-عا ءبىر كۇن قالعاندا وزىڭىزگە دەمالىس جاريالاڭىز. بارىنشا ەرتەرەك جاتىڭىز، ۇيقىڭىز قانىپ سوندا ءسىزدىڭ ۇبت-عا بارعاندا ميىڭىزدىڭ تىنىعىپ، ءبارىن تەز قابىلداعانىن بايقايسىز.تاعى ءبىر ايتا كەتەتىن جايت: قاتتى تولقىماڭىز،تولعانباڭىز، «تەلەفون مەن عالامتور كومەگىنە جۇگىنەم بە  نەمەسە ماعان بىرەۋ كومەكتەسە مە ەكەن؟»-دەگەن ويدان قاشىق بولىڭىز. تەك وزىڭىزگە سەنىڭىز، باسقا نارسەگە نازار اۋدارماڭىز.سوندا عانا ءسىز شىنايى جەتىستىگىڭىز، ءبىلىم دەڭگەيىڭىزدى بايقايسىز جانە وسىعان ساي ومىردەن ءوز ورنىڭىزدى تاباسىز.تاعى دا ايتام: ۇبت-دان قۇلاعان بولساڭىز، سىزگە ءتۇڭىلىپ، قايعىرۋدىڭ  قاجەتى جوق،مۇنىمەن ءبارى بىتپەيدى. ءومىرىڭىز ءالى الدا،ءسىزدى بالكىم سىناپ جاتقان بولار،سىناقتان سۇرىنبەڭىز، كەرىسىنشە اياعىڭىزدان نىق تۇرىپ، قيىندىققا قارسى شىعىپ قاجىرلىلىق تانىتىڭىز، العا قاراي ۇمتىلىڭىز. ەڭسەڭىزدى كوتەرىپ، جىگەرلەنىڭىز، سوندا عانا ءسوز جوق،العا قويعان ماقساتىڭىزعا قول جەتكىزەتىنىڭىزگە مەن سەنىمدىمىن!

جىگەرلەندىر وي-كوڭىلدى قالاي دا؟!
قۋاتتانساڭ كونبەسكە قالماس سولاي ما؟
ءوز-وزىڭدى قولعا الماساڭ ەگەر دە
ءتىرىلىپ دەنەڭ، بويىڭا قان تاراي ما؟

 ءومىر عوي قايتەسىڭ، ءبارى ورىن الار،
توزبەسەڭ تاعدىرعا ەگەر، سورىڭ بولار.
ماقسات قويساڭ، تالپىنساڭ اركەز العا،
سوندا عانا ارمانىڭ ورىندالار!

اۆتورى: الداحوۆ ءقادىرجان

---