انتيكالىق مۇسىندەردىڭ ءتۇسى نەگە اق؟
سەبەبى ولاردىڭ بوياۋى كەتكەن.
ءبىز ەجەلگى انتيكالىق مۇسىندەردى اق ءتۇستى نەمەسە اشىق رەڭگە سىرلانعان كۇيىندە كورۋگە كوزىمىز ۇيرەنىپ كەتكەن، ءبىراق وسى كۇنگى زەرتتەۋلەر ول مۇسىندەر ءداستۇرلى تۇردە باسقا تۇسكە بويالعانىن انىقتاپ وتىر. ارحەولوگتار ۋلريكا كوح-برينكمان مەن ۆينچەنسو برينكمان كەزىندە ولار ءتۇرلى-تۇستى بولعان دەپ جورامالداپ وتىر. عالىمدار رەنتگەن، ينفراقىزىل جانە ينفراكۇلگىن ساۋلەلەر ارقىلى مۇسىندەردىڭ اشىق تۇستەرگە سىرلانىپ، بەت-جۇزدەرى اسقان ىجداھاتتىلىقپەن بويالعانىن، ال كيىمدەرى — ويۋ-ورنەكتەرمەن اشەكەيلەنىپ سىرلانعانىن انىقتاعان.
ءقازىر ءار ءتۇرلى تۇسكە سىرلانعان مۇسىندەر بىزگە وعاش جانە ايبارسىز بولىپ كورىنەدى، ءبىراق كونە زاماندا ءتۇس اۋقاتتىلىقتىڭ جانە ءسان-سالتاناتى كەلىسكەن بايلىقتىڭ سيمۆولى بولدى: مەملەكەت نەعۇرلىم باي-قۋاتتى بولسا، ولاردىڭ مۇسىندەرى مەن عيماراتتارى سوعۇرلىم جارقىراعان بوياقتارمەن سىرلاناتىن.
مۇسىندەردىڭ قازىرگى زامانداعى ءتۇر-تۇلعاسىنا بىرنەشە فاكتور ىقپال ەتتى. بىرىنشىدەن، اۋا-رايىنىڭ اسەرىنەن اسا ءتوزىمدى ەمەس تابيعي سىر جۋىلىپ ءوشىپ كەتتى. ەكىنشىدەن، كلاسسيسيزم داۋىرىندە مۇسىندەردىڭ ناق ءتۇسىن ايقىنداپ بەرەتىن تەحنولوگيالار بولمادى، سوندىقتان انتيكالىق ءداۋىردىڭ ءىزباسارى ءارى ەلىكتەۋشىسى بولعان كلاسسيسيزم ءداۋىرىنىڭ ساۋلەتشىلەرى مەن مۇسىنشىلەرى ءوز ونەر تۋىندىلارىن ءارتۇرلى تۇستەرگە سىرلامادى.
You Might Also Like
-
ەرتەدە بىرىنەن-بىرى وتكەن اعايىندى ءۇش جالقاۋ بولىپتى. بار بىتىرەتىندەرى باس كوتەرمەي ۇيىقتاي بەرەدى ەكەن.
