اق باتا
ءبىر كۇنى تاڭەرتەڭگىلىك قوي ورگەندە بالپىقتىڭ زايىبى سۇلۋشاش مالعا بارسا، ەڭ سوڭىندا مالعا ىلەسپەي، قايتا-قايتا ماڭىراپ، مالىنىڭ باسى كوكقاسقا قوشقار تۇرىپ اپتى. سۇلۋشاش كۇندىگىن سالىپ جىبەرىپ، جەتەلەپ كەپ ۇيىندە قوناق بولىپ وتىرعان ەسكەلدىدەن باتا سۇراپتى.
ەسكەلدى بي بەلدىگىن موينىنا بوس تاستاپ:
— ءيا، قۇداي، مەنى شىن ەسكەلدى عىپ جاراتقان بولساڭ، كەلەر جىلدىڭ وسى ۋاعىنا قاراتپاي، بالپىققا وسى كوكقاسقا قوشقارداي ۇل بەر! — دەپ باتا جاساپتى.
كەلەر جىلى بالپىقتىڭ باۋىرلارى «ءشۇيىنشى» سۇراپ الدىمەن ەسكەلدىگە كەلگەن ەكەن، ول ءۇش بەستىلىك نار تۇيە جەتەلەتىپتى. ءوزى جورا جولداستارىمەن «باۋى بەرىك بولسىن» ايتا كەلىپ:
— وسكەن اۋىل ەدىك، قۇداي ءبىزدىڭ جولىمىزدى بەرسىن! — دەپ سابيگە ءوز اكەسى جىلكەلدىنىڭ اتىن بەرىپتى.
ايگىلى كولحوز قۇرىلىسىنىڭ قايراتكەرى، ەكى دۇركىن سوسياليستىك ەڭبەك ەرى اتاعىن العان الدابەرگەن ۇلى نۇرمولدا مارقۇم سول جىلكەلدىنىڭ شوبەرەسى كورىنەدى.
You Might Also Like
-
قازىبەكتىڭ ون ءبىر، ون ەكى جاستارداعى كەزى بولسا كەرەك. جاس تا بولسا ونىڭ ءجۇرىس-تۇرىسىنان، سويلەگەن سوزىنەن سول كەزدەگى ەل جاقسىلارى ۇمىتكەر بولا باستاپتى. سوندىقتان ولار ساپارعا كەرۋەن شىقسا، &laqu...
-
اتادان بالاعا مۇرا بولىپ كەلە جاتقان وتەگەن باتىردىڭ — ءمۇيىزدى اتامىزدىڭ شۇبار تەگەنەسى تاريحتىڭ تىلسىم تۇپكىرىنەن كوپ سىر شەرتەدى. كەزىندە ۇلى تۇلعا تۋرالى كوپ زەرتتەپ، كوپ دەرەكتەر قالدىرعا...
