InfoHub Logo

جانتاي دەگەن ءبىر باي مالشىمەن توبەلەسىپ، سول توبەلەستە ءبىر كۇرەك ءتىسى سىنادى.

جالشى:

— سەنەن شىعامىن، — دەپ اقىسىن سۇرايدى.

باي:

— ءتىسىمدى سىڭدىردىڭ، سونىڭ تولەۋى ءۇشىن الدىم، — دەپ اقىسىن بەرمەيدى. ەكەۋى قازىبەك كەلەدى.

جانتاي تۇرىپ:

— مىناۋ مەنىڭ جالشىم ەدى. وزىممەن توبەلەسىپ ءبىر كۇرەك ءتىسىمدى سىندىردى. بۇنىڭ قۇنىن سۇراسام، بەرمەيدى. جالعا جۇرگەن اقىمدى بەر دەپ ءجۇر، — دەيدى.

سوندا جالشى تۇرىپ:

— مەن جالعا ءجۇردىم جانتايعا،
ءبىر تاي الماق بولىپ التى ايعا.
بۇل اسىنا جارىتپادى،
مەن كۇشىمە جارىتپادىم،
سودان بارىپ توبەلەس تۋدى،
جازىم بولىپ كۇرەك ءتىسى سىندى.
بايدىڭ اتى باي ەمەس پە؟

اقىمدى بەرمەيدى، ۇيىنەن قۋادى. بي اتا، ادىلدىگىڭىزگە جۇگىنگەلى كەلدىم، — دەپ ءسوزىن اياقتاپتى. بۇل داۋعا قازىبەك مىناداي بيلىك ايتىپتى:

— «اس — ادامنىڭ ارقاۋى» ەدى. جانتاي اسقا جارىتپاعان سوڭ، جالشىعا كۇش قايدان دارىسىن. «اش كىسى — ۇرىسقاق» دەگەن، توبەلەستىڭ شىعۋىنا ءوزىڭ سەبەپتى بولعانسىڭ. سوندىقتان مىنانىڭ اقىسىن بەر. كۇرەك ءتىسىڭ — قۇنسىز، ەركەكتىڭ ەت جەيتىن ازۋى امان بولسا، ءبىر كۇرەك تىستەن كەلەر كەمشىلىك جوق. ال ايەلدىڭ كۇرەك ءتىسى — ءارى كوركى، ءارى ءجىپ قياتىن قارۋى، — دەپتى.

---