ابىلاي حاننىڭ اڭگىمەسى
قالماقتىڭ قالدار حانىمەن ۇرىسىپ، جەتى كۇندەي ءسۇرىسىپ، سونداعى جولداس ادامدارى: قاراكەرەي قابانباي، قانجىعالى بوگەمباي، شاقشاق ۇلى جانىبەك، سىرگەلى قاراتۇلەك بار، قاراقالپاق قىلىشبەك، تەكەدەن شىققان ساتبەك، شاپىراشتى ناۋرىزباي، قاۋمىت داۋلەت، جەتىك باتىر قاسىندا، ب ا ق داۋلەتى باسىندا، سوڭگەباي سەبىك بار، قانقوجا مەن مامبەت بار، قاراۋىل مولداباي قاتاردا، ەسەنقۇل باتىر ىشىندە. «وڭكەي باتىر جيىل!»—دەپ حان ابىلاي بۇيىردى.
سول جولى قالماقتان ءۇش ايەل ولجاعا تۇسكەن ەكەن. قالدار حاننىڭ ءوز قىزىن ابىلاي ءوزى الىپتى. حاننىڭ توقالىن كوپشىلىككە بەرىپتى. كوپشىلىك تالاسىپ، اقىرىندا حاننىڭ بۇيرىعى بويىنشا: «كيىكتىڭ جەتى لاعىن ءبىر وقپەن اتىپ اكەلگەن السىن!» — دەپتى. سوندا سول قولدىڭ ىشىنەن تىكىم باي دەگەن بار ەكەن. جەتى لاقتى ءبىر اتىپ ءتۇسىرىپ حانعا تارتىپ، توقالدى الىپتى.
You Might Also Like
-
جانتاي دەگەن ءبىر باي مالشىمەن توبەلەسىپ، سول توبەلەستە ءبىر كۇرەك ءتىسى سىنادى.
-
وتەگەن باتىردىڭ جالعىز قىزى ماقپال تۇرمىسقا شىعار الدىندا قۇدا تۇسكەن جىگىتى قايتىس بولىپ، قاينىسى وسىپ-جەتىلگەنشە بىرەر جىل ۇيدە وتىرىپ قالىپتى. سونان قايىن جۇرتى كەلىندى الىپ كەتۋگە كەلگەندە، ۇزا...
