InfoHub Logo

ساباقتىڭ تاقىرىبى: اق بۇلاق
ساباقتىڭ ماقساتى: مۋزىكانىڭ كاۋسار بۇلاق ءتارىزدى مولدىرلىگى، ادامنىڭ ودان سۋسىنداپ، ءنار الىپ، قۋانىشقا بولەنەتىنى تۋرالى ۇعىم بەرۋ، ءان دىبىستارىنىڭ تازا بۇلاق سۋىنداي شىنايى ورىندالۋىنا نازار اۋدارۋ.
ساباقتىڭ مىندەتى:
1) بىلىمدىلىك: ءان مازمۇنىنا سايكەس دىبىستى شىنايى مانەرلەپ ورىندايدى مەڭگەرتۋ؛
2) دامىتۋشىلىق: ءان مەن ءسوزدىڭ ماعىناسىن بايلانىستىرا ايتۋعا داعدىلاندىرۋ؛
3) تاربيەلىك: وقۋشىلاردىڭ ونەرگە دەگەن قىزىعۋشىلىعىن ارتتىرۋ، تۋعان جەر تابيعاتىن قادىرلەپ، ماقتان تۇتۋعا تاربيەلەۋ.
ساباقتىڭ ءادىسى: داۋىس اشۋ، ءان ايتۋ، مۋزىكا تىڭداۋ، اڭگىمەلەۋ، سۇراق – جاۋاپ، ت. ب.
كورنەكىلىگى: ب. تاجىبايەۆتىڭ سۋرەتى، سلايد، ءسوزجۇمباق، تابيعات سۋرەتتەرى.
ساباقتىڭ بارىسى: ءى ۇيىمداستىرۋ كەزەڭى
پسيحولوگيالىق ترەنينگ (ەكپىندەتە، ماقالداپ ايتۋ)
ولەڭ ايتىپ، كۇي تىڭداپ،
ونەرمەن ءوسسىن سانامىز،
وقۋ وقىپ، سۋسىنداپ،
بىلىمنەن باقىت تابامىز.
ءىى جاڭا ساباق: «اق بۇلاق»
وي اشۋ «بۇلاق» ءسوزجۇمباعىن شەشۋ.
1. سۋدا تىرشىلىك ەتەدى (بالىق)
2. قۇستىڭ تۇراعى(ۇيا)
3. ەشكىنىڭ ءتولى(الاتاۋ)
4. تاۋدىڭ اتى(الاتاۋ)
5. ءتۇس(قارا)
ءۇنتاسپادان سۋدىڭ سىلدىرىن تىڭداتۋ؛
- بۇل نەنىڭ دىبىسى، قالاي ەستىلەدى؟
(سىلدىرلاپ اققانى) – سۋ
«بۇلاق» تۋرالى تۇسىنىك بەرۋ، سۋرەتى (سلايد)
وسىنداي ادەمى كورىنىس جەرلەس اقىن، سازگەر اتامىز.
باكىر تاجىبايەۆتىڭ «اق بۇلاق» انىندە كورىنىس تاپقان.
باكىر تاجىبايەۆ ءومىربايانى تۋرالى تانىستىرۋ (سلايدپەن)
باكىر تولەۋ ۇلى تاجىبايەۆ (15. 5. 1926، اقتوبە وبلىسى بايعانين اۋدانى اقبۇلاق اۋلىلى - 8. 11. 1994، الماتى) - اقىن، دراماتۋرگ، ءانشى. سازگەر. الماتى كوركەمسۋرەت - تەاتر ۋچيليششەسىن بىتىرگەن (1950). 1950 - 1958 جىلى جامبىل، شىمكەنت وبلىسى دراما تەاترلارىندا اكتەر. 1958 - 1974 جىلى قازاق وپەرا جانە بالەت تەاترىندا ءبولىم مەڭگەرۋشىسى. الماتى وبىسى حالىق شىعارماشىلىعى ءۇيىنىڭ ديرەكتورى. قازاق تەاتر قوعامىندا كەڭەسشى - ادىسكەر بولدى. 1974 جىلدان شىعارماشىلىق جۇمىستا. العاشقى شىعارمالارى 1956 جىلى جاريالانعان. "قارا تورعاي" تۇڭعىش جيناعىنا (1967) نوۆەللالارى ەنگەن. "سال سەرى - قىز قوسان" (1956)، "انا جۇرەگى (1960)، "قاراگوز قارىنداسىم" (ج. جۇماقانوۆپەن بىرگە، 1962)، "اقتاۋ ءانى" (1970) پەسالارى رەسپۋبليكالىق، وبلىستىق تەاترلار ساحنالارىندا قويىلدى. باكىر تولەۋ ۇلى تاجىبايەۆ -"قامار سۇلۋ" وپەراسى (مۋزىكاسى ە. راحمادييەۆتىكى، 1963) ليبرەتتوسىنىڭ، 150 - دەي ءاننىڭ اۆتورى. ءبىرقاتار اندەرى ("جاس داۋرەن"، "اقبۇلاق"، "ءاپپاعىم - اۋ، ءاپپاعىم"، "گۇلسىڭ - اۋ"، ت. ب.) جۇڭگو، مونعوليا، تۇركيا، اۋعانستان، يران، ت. ب. ەلدەردە تۇراتىن قازاقتار اراسىندا كەڭ تاراعان. باكىر تولەۋ ۇلى تاجىبايەۆتىڭ ورىنداۋىندا كوپتەگەن ءوز اندەرى كۇيتاباققا جازىلدى.

ولەڭ جولدارىندا «اق بۇلاق» كوزىنىڭ قايتالانىپ ورىندارى تابيعات پەن اۋەن اراسىنداعى ۇندەستىكتى ساباقتاستىرادى.
IV. ءان ۇيرەنۋ
«اق بۇلاق» (ءسوزى مەن ءانىن جازعان ب. تاجىبايەۆ) ءانىن ۇيرەنۋ.
1. داۋىسقا جاتتىعۋ
2. ءاننىڭ مۋزىكالىق سيپاتىنا كوڭىل ءبولۋ
3. ءان مازمۇنىن اشۋ
4. ءاندى اۋەنگە قوسىلىپ ايتىپ ۇيرەنۋ
5. ءاننىڭ ينتوناسيالىق ەرەكشەلىكتەرىن ەسكەرۋ
V. مۋزىكا تىڭداۋ
شۋلى، مۋزىكالىق دىبىستاردان يلليۋستراسيا تىڭداۋ.
قۇرمانعازىنىڭ كۇيى «الاتاۋ»
(تابيعات كورىنىستەرىن ەسكە ءتۇسىرۋ)
«تۋعان جەر» ءانى (ب. تاجىبايەۆتىكى) – وزدەرى ورىندايدى؛
سەرگىتۋ ءساتى «جۇمباق شەشۋ»
ەش تەسىككە تۇرمايدى،
ول جوققتا جەر قۇرعايدى.

تۋعان جەردىڭ بەلبەۋى،
شۇباتىلىپ قالىپتى.
كەرەمەت – اۋ كەرنەۋى،
تاستى تەسىپ جارىپتى.

سىناپتاي جىلتىراپ،
بيىكتەن سىرعيدى،
ءان سالىپ بىلدىرلاپ،
ىزدەيدى ىلديدى.
VI. دومبىرا ويناۋ
«ەركەم - اي» ءانىن ىرعاققا سالىپ ۇيرەنۋ.
VII. ساباقتى قورىتىندىلاۋ
«سۋلى جەر – نۋلى جەر» ماقالىنىڭ ماعىناسىن اشۋ؛
بۇلاق سۋى قانداي بولادى؟

بۇلاق سۋى (سىزبانى تولتىرۋ)

VIII. باعالاۋ
IX ۇيگە تاپسىرما بەرۋ
«اق بۇلاق» ءانىنىڭ ءسوزىن جاتتاۋ
«اق بۇلاق» سوزىنە ءسوزجۇمباق نە رەبۋس قۇراستىرۋ.