InfoHub Logo

تاقىرىبى: اق مامام
ماقساتى: انالار مەرەكەسىمەن بىرگە كۇننىڭ نۇرىن توگىپ كەلگەن كوكتەم مەرەكەسىنىڭ ەرەكشەلىكتەرىن اتاي وتىرىپ، تابيعاتتىڭ جاڭارۋىن، قۇلپىرۋىن بالالارعا جەتكىزۋ. ەشقاشان انالارىن رەنجىتپەۋگە، قولعانات بولۋعا، قۇرمەتتەي بىلۋگە تاربيەلەۋ.

بالالار «ۆالس» اۋەنىمەن زالعا كىرەدى.

1 جۇرگىزۋشى: قىمباتتى انالار، قوناقتار «كۇنشۋاق» ءى كىشى توبىنىڭ
«اياۋلى - اناشىم» اتتى ەرتەڭگىلىگىنە قوش كەلدىڭىزدەر!
2 جۇرگىزۋشى: بۇگىن ناۋرىزدىڭ 8 – ءى
سۇلۋلىقتىڭ نەگىزى
ادەمى ءسوز ادامنىڭ
اناعا ايتار لەبىزى
سىزدەردى كوكتەم ايىنىڭ العاشقى مەرەكەسى 8 ناۋرىز – انالار كۇنىمەن قۇتتىقتايمىز! ءارقاشان دەندەرىڭىز ساۋ، كوڭىلدەرىڭىز جايدارلى بولا بەرسىن! كىشكەنتاي بۇلدىرشىندەرىمىزدىڭ ونەرلەرىن تاماشالاۋعا رۇقسات ەتىڭىزدەر!

1 جۇرگىزۋشى: بالالار قاراڭدارشى اينالا قانداي ادەمى، ءقازىر جىلدىڭ قاي مەزگىلى؟
بالالار: كوكتەم مەزگىلى.

2 جۇرگىزۋشى: دۇرىس بالالار، كوكتەم مەزگىلىندە كۇن جىلىنىپ، قار ەرىپ، جىلى جاقتان قۇستار ۇشىپ كەلەدى، اعاشتار بۇرشىك جارادى، تابيعات سۇلۋلانا تۇسەدى.

1 جۇرگىزۋشى: كوكتەم مەزگىلىنىڭ العاشقى مەرەكەسى قالاي انالار كۇنى! قانە، بالالار ءبارىمىز بىرگە انالارىمىزعا ارناپ ءان ايتىپ بەرەيىك.

ءان: «مەرەكەڭمەن اناشىم»
2 جۇرگىزۋشى: ءبىزدىڭ بالالار انمەن قاتار تاقپاقتى دا ايتا الادى. انالارىمىزعا ارناعان تاقپاققا كەزەك بەرەيىك.

جانىمىزدى جايناتقان،
سىزدەرسىز عوي انالار!

زور دەن ساۋلىق، مول باقىت
تىلەيمىز ءبىز بالالار.

الپەشتەگەن، ايالاعان،
اق ءسۇت بەرگەن اپاتايىم

سالەم جولداپ بۇگىن ساعان
مەرەكەڭمەن قۇتتىقتايمىن

بال بوبەگىن باپتاعان،
مامام ءۇشىن ماقتانام.

ايالايتىن بىزدەردى
كوپ جاساسىن اق مامام!

1 جۇرگىزۋشى: جارايسىڭدار! تىڭداڭدارشى بالالار انا جاقتا «ماما، ماما» دەگەن داۋىس ەستىلەدى.

2 جۇرگىزۋشى: بۇل نە دىبىس؟ كىم ەكەن ماماسىن جوعالتقان؟
زالعا قويان كىرەدى.
قويان: ماما، ماما! مامامنىڭ ارتىنان سەكىرىپ كەلە جاتىر ەدىم. اداسىپ قالدىم. ەندى قايدان تابامىن؟ /جىلايدى/

1 جۇرگىزۋشى: قويانجان نەگە جىلايسىڭ، جىلاما. ءبىز ساعان ماماڭدى تاۋىپ بەرەمىز. بالالار قويانجاننىڭ ماماسىن تاپقانشا سەندەر قوياننىڭ كوڭىلىن كوتەرۋ ءۇشىن ءان ايتىپ بەرەيىك.
ءان: «مامامىز»

2 جۇرگىزۋشى: قويانجاننىڭ كوڭىل كۇيى ءالى جوق. ەندەشە كوبەلەكتەرىمىز بي بيلەپ بەرسىن.
بي: «كوبەلەكتەر»
تۇلكى كىرەدى: مەن ەشكىمنەن قورىقپايمىن. مەن ءبارىن دە الدايمىن. قوياننىڭ قاسىنا كەلىپ: قويان، سەن نەگە جىلايسىڭ؟
قويان: مەن مامامدى جوعالتىپ الدىم.
تۇلكى: ماماڭ قانداي؟
قويان: مەنىڭ مامام بارىنەن دە سۇلۋ، ادەمى.
تۇلكى: وتىرىك ايتپا، مەنىڭ مامام بارىنەن ادەمى. ەڭ ادەمى مەنىڭ مامام. (ارتىنا قارايدى. ماماسى جوق) وي، مەنىڭ مامام قايدا؟ (باسىن ۇستايدى). مەن مامامدى جوعالتتىم.(ەكەۋى جىلايدى.)
1 جۇرگىزۋشى: ەكەۋىڭ دە جىلاماڭدار سەندەردىڭ مامالارىن ادەمى، سۇلۋ. مامالارىڭدى تاپقانشا ءبىزدىڭ بالالار كوڭىلدەرىڭدى كوتەرىپ ويىن ويناپ الىڭدار.

ويىن: «كىم تەز گۇل تەرەدى»

ۇلدار گۇلدەردى ءبىر – بىرلەپ سەبەتكە سالادى، قىزدار قۇمىراعا سالىپ ەكى توپ بولىپ جارىسادى. قاي توپ كوپ جيناسا سول توپ جەڭىمپاز اتانادى.
ايۋ كەلەدى: بۇل نە شۋ، ۇيقىمنان وياتتىڭدار عوي.
2 جۇرگىزۋشى: ايۋجان رەنجەمەشى مىندا قويان مەن تۇلكى مامالارىنان اداسىپ قالىپتى. ولار جىلاي بەرەدى. ءبىزدىڭ بالالار كوڭىلدەرىن كوتەرۋ ءۇشىن بي بيلەپ بەرگەن بولاتىن.
ايۋ: ااااا. ال، مامالارىڭ قانداي ەدى؟
ەكەۋى: سۇپ – سۇلۋ، ءاپ - ادەمى!
ايۋ: جوق، جوق، جوق، مەنىڭ مامام ادەمى.
«جوق، مەنىڭ مامام ادەمى»، - دەپ ۇشەۋى داۋلاسادى.
1 جۇرگىزۋشى: قانە داۋلاسپايمىز. ءبارىڭنىڭ دە مامالارىڭ ادەمى، سۇلۋ. قاراڭدارشى سەندەردىڭ جىلاعاندارىڭدى كورىپ ءبىزدىڭ ۇلداردىڭ سەندەرگە ارناپ بي بيلەپ، تاقپاق ايتىپ بەرمەكشى.

بي: «كاۆبوي»

مامالاردى سۇيەمىز
ءسوزىن ويعا تۇيەمىز.

اجەنى دە ارداقتاپ
ادەپپەن باس يەمىز.

اجەتايىم، اجەتاي
ءسىزدى جاقسى كورەمىز.

سىزگە ولەڭ – تاقپاقتى
جاتقا ايتىپ بەرەمىز.

شۋاعىڭدى سەپكەن
كۇنىمىزسىڭ اجە.

جۇلدىزدارىڭ بوپ،
اينالامىز اجە.

وسى كەزدە ارۋ كوكتەم كەلەدى.
ارۋ كوكتەم: سالاماتسىزدار ما، بالالار! مەنىمەن بىرگە كۇن جىلىنىپ، اينالا سۇلۋلانىپ نۇرلانىپ تۇر. سەندەر نەگە شۋلاپ جاتىرسىڭدار.
- وي، مەنىڭ ورمانداعى دوستارىم مۇندا ەكەن عوي.
2 جۇرگىزۋشى: توقتاڭىز كوكتەم، ءبىزدىڭ بالالار 8 ناۋرىز انالار مەرەكەسىن تويلاپ جاتىرمىز. ءبىزدىڭ بالالاردىڭ سىزگە ارناعان تاقپاعى دا بار، تاماشالاڭىز.

كوكتەم دەگەن قىستاعى
ءانىمىز عوي ايتاتىن.

كوكتەم دەگەن قۇستار عوي،
تۋعان جەرگە قايتاتىن.

كوكتەم كۇنى شۋاقتى،
كوكتەم كۇنى قۋاتتى.

مال جاعالاپ سۋاتتى
ساي – سالامەن سۋ اقتى.
1 جۇرگىزۋشى: بارلىعىمىز بىرگە بويىمىزدى سەرگىتىپ الايىق.

ءان: «ءبىر وڭعا، ءبىر سولعا»

ارۋ كوكتەم: راحمەت بالالار، كوڭىلىمدى كوتەردىڭدەر. مەن سەندەرگە ءوزىمنىڭ سىيلىعىمدى الا كەلدىم. ەندى مەن دوستارىمدى تۇلكىجان، ايۋجان، قويانجاندى مامالارىنا اپارايىن. ساۋ بولىڭدار، بالالار!
2 جۇرگىزۋشى: كەيدە وسىنداي ايتقاندى تىڭداماي، ماماسىنان اداسىپ كەتەتىن بالالار كەزدەسەدى. ءبىراق، ءبىزدىڭ ارامىزدا ونداي بالا جوق. ءبىزدىڭ بالالار مامالارىنىڭ ايتقانىن تىڭدايدى، سىيلاپ، قۇرمەتتەپ جۇرەدى.
1 جۇرگىزۋشى: دۇرىس ايتاسىڭ، ءبىزدىڭ بالالار ءتارتىپتى.! مىنە بۇگىنگى ەرتەڭگىلىگىمىز دە اياقتالىپ قالدى. انالارىڭا، اجەلەرىڭە ءوز قولىمەن جاساعان سىيلىقتارىڭدى بەرەتىن ساتتە كەلدى. بالالار انالارىنا سىيلىقتارىن ۇسىنادى. ساۋ بولىڭىزدار!

اق مامام (8 ناۋرىزعا ارنالعان ەرتەڭگىلىك) جۇكتەۋ