اق تۇڭعيىق
اق تۇڭعيىق — كوپجىلدىق سۋ وسىمدىگى. تامىر-ساباعى سۋ استىنداعى توپىراققا توسەلىپ، دوڭگەلەك، جۇرەك ءتارىزدى جاپىراقتارى سۋ بەتىنە جايىلىپ وسەدى. گ ۇلى كەشكە جابىلىپ، كۇن شىققاندا اشىلادى. تۇقىمى اۋا تولعان جەمىس قابىندا تۇرادى. وندا كوزگە كورىنبەيتىن ساڭىلاۋلار بار. سول ارقىلى اۋا سىرتقا تاراپ، جەلدىڭ اسەرىنەن تۇقىم سۋ تۇبىنە تۇسەدى. ال كەلەسى جىلى جاڭا وسىمدىك ءوسىپ شىعادى. تامىرى مەن تۇقىمىن سۋ قۇستارى، ونداتر، كامشات، جۇپارتىشقان قورەك ەتەدى. اق تۇڭعيىقتى باۋ-باقشا، ساياباقتاردى كوگالداندىرۋ ءۇشىن دە وسىرەدى. ەگەر سۋ تەمپەراتۋراسى قۇرلىقتاعىدان تومەن بولسا، ولار وزەن بويىنداعى قۇرعاق جەرلەردە دە وسە بەرەدى. اق تۇڭعيىق — سيرەك كەزدەسەتىن، قازاقستاننىڭ «قىزىل كىتابىنا» ەنگەن وسىمدىك.
مىسىردا ەجەلدەن اق تۇڭعيىق گۇلىنە تابىنعان. سەبەبى ونىڭ ءار گۇلىنەن كۇن سايىن كۇن قۇدايى — را تۋادى دەپ سەنگەن.
You Might Also Like
-
قىرىققۇلاق — جاپىراقتارى تىلىمدەنگەن ساندىك وسىمدىك. 12 مىڭنان استام ءتۇرى بار. قازاقستاندا 35-كە جۋىعى كەزدەسەدى. كەيبىر تۇرلەرى تامىرى ارقىلى، كەيبىرى جاپىراعىندا پايدا بولاتىن ءونىم بۇرشىكتە...
-
ساڭىراۋقۇلاق جيناۋشىنىڭ باستى ەرەجەسى — تەك سەنىمدى بولعانىن جيناۋ ەرەجەسىنە قاراماستان — ادامدار ءبارىبىر ساڭىراۋقۇلاقپەن ۋلانىپ جاتادى. جىل سايىن ۋلى ساڭىراۋقۇلاقتاردان 100-دەن اسا ادا...
