InfoHub Logo

تاقىرىبى: «اقپاراتتىق ۇدەرىستەر»
- اقپاراتتىق ۇدەرىستەر تۇسىنىگىن ەنگىزۋ؛
- اقپاراتتىق ۇدەرىستەردىڭ ءتۇرلى مىسالدارىن قاراستىرۋ؛
- اقپاراتتىق تەحنولوگيا تۇسىنىگىن ەنگىزۋ
ءمۇعالىمنىڭ اتقاراتىن جۇمىسى:
- «اقپاراتتىق ۇدەرىس» تۇسىنىگىن انىقتاۋ؛
- قوعامداعى اقپاراتتىق ۇدەرىستەرگە قاتىستى مىسالداردى قاراستىرۋ؛
- تابيعاتتاعى جانە تەحنيكالىق قۇرالدارداعى اقپاراتتىق ۇدەرىستەرگە قاتىستى مىسالداردى قاراستىرۋ؛
- «تەحنولوگيا» تۇسىنىگىن انىقتاۋ؛
- «اقپاراتتىق تەحنولوگيا» تۇسىنىگىن انىقتاۋ؛
- اقپاراتتىق تەحنولوگيا قۇرالدارىن ەرەكشەلەۋ

ساباقتىڭ جوسپارى:
1. ۇيىمداستىرۋ كەزەڭى
2. جاڭا ساباقتى ءتۇسىندىرۋ
3. قورىتىندى
4. ءۇي تاپسىرماسى

ساباق بارىسى:
1. ۇيىمداستىرۋ كەزەڭى.
2. جاڭا ساباتى ءتۇسىندىرۋ.
- «اقپاراتتىق ۇدەرىس» تۇسىنىگىنىڭ انىقتالۋى
ءمۇعالىم: «ۇدەرىس» سوزىنە قاتىستى وقۋشىلاردىڭ ءوز ويلارىن ايتۋىن سۇراۋ جانە بۇل ءسوزدى نەمەن بايلانىستىراتىنىن ءبىلۋ.
وقۋشىلار: تاماق دايىنداۋ ۇدەرىسى، تاريحي ۇدەرىس، وزەن جانە كول سۋىنىڭ مۇزعا اينالۋ ۇدەرىسى، ەمدەلۋ ۇدەرىسى.
ءمۇعالىم: تاماقتىڭ دايىندالۋى – بۇل تومەندەگى ونىمدەردىڭ قايتا ءوندىرىلۋ ۇدەرىسى (ۇن، تۇز، سۋ، ەت، ءسابىز، پياز، كارتوپ) سوڭىندا ايدا بولاتىن ءونىم (تاماق).
قۇلدىق داۋىردەن فەودالدىق داۋىرگە ءوتۋ – بۇل تاريحي ۇدەرىس. بۇل ۇدەرىس قوعامنىڭ ەكونوميكالىق جانە قوعامدىق وزگەرىسى رەتىندە قاراستىرىلادى.
وزەندەگى جانە كولدەگى سۋدىڭ مۇزعا اينالۋ - فيزيكالىق ۇدەرىس. ول ۋاقىتتىڭ وزگەرۋىنە بايلانىستى سۋدىڭ جاعدايىنىڭ وزگەرۋىن تۇسىندىرەدى.
ءمۇعالىمنىڭ وقۋشىلارعا ساباقتان ءماتىن جازدىرۋى – بۇل ۇدەرىس اقپاراتتىڭ اۋىزشا تۇردەن جازباشا تۇرە اينالۋى. بۇل ۇدەرىس كەزىندە جازىلىپ وتىرعان ءماتىننىڭ كەلەسى ولشەمدەرى وزگەرەدى: كولەمى، فورماسى، مازمۇنى. بۇل ۇدەرىستى اقپاراتتىق ۇدەرىس دەپ ايتۋعا بولادى.