اقساق كيىك (قۇرمانعازى)
تورەمۇرات، نارىنباي اۋىلىندا ءجۇرىپ كيىك اتۋعا شىققاندا ءۇشىنشى كيىككە وقتالاردا قۇرمانعازى: «كيىكتىڭ قاي جەرىنەن تيگىزەيىن؟» — دەپ سۇراپتى دەيدى. سوندا باتىردىڭ جولداستارىنىڭ بىرەۋى وسى تيگىزە قويار دەيمىسىڭ دەگەندەي: «اياعىنان» دەي سالىپتى. سوندا قۇرمانعازى كيىكتىڭ ارتقى اياعىنان تيگىزىپ، كيىك ءۇش اياقتاپ اقساڭداپ، قاشا جونەلسە كەرەك. قوجاڭداپ «قۋامىن» دەگەن جىگىتتەرگە قۇرمانعازى ۇلىقسات ەتپەيدى. ءوزى دومبىراسىن الىپ سول ارادا ءبىر كۇي شەرتەدى. قۇرمانعازىنىڭ سىرىنا ابدەن قانعان تورەمۇرات كۇيشىنىڭ قاسىنا ەشكىمدى جىبەرمەي، ابدەن دومبىراسىن اياقتاپ بولعاندا عانا ءوزى بارىپ: «جيەنجان، بۇل ارادا تاعى ءبىر نارسە تۋىپ قالدى بىلەم، اتىن قويدىڭ با؟» — دەپ سۇرايدى. سوندا
قۇرمانعازى ءبىراز كىدىرىپ، قۋانعان ەمەس، كۇيىنگەندەي كەلبەتپەن:
— ناعاشىەكە، جارالىنىڭ ءبارى جارالى، جاننىڭ ءبارى بىردەي، ءومىر ءۇشىن كۇرەستە كىمگە وق دارىمايدى؟ ءبىزدىڭ تۇسىمىزدا جارالى جان جالعىز كيىك پە؟ اتپايىن-اق دەپ ەدىم، ءسىزدىڭ مىنا ءبىر جىگىتتەرىڭىزدىڭ قىزدىرما سوزىمەن اتتىم. اناۋ اقساپ كەتكەن كيىكتەي جارالىلارعا ارنادىم بۇل كۇيىمدى. اتى — «اقساق كيىك» دەپتى دەيدى.
You Might Also Like
-
وسى كەزدە وزدەرىنىڭ جوعالعان ءبىر بولەك اتتارىنىڭ ىزدەرى بوكەيگە قاراي كەتكەنى ءۇشىن، باياعى شىققان قىزىلقۇرتتىڭ ۇرىلارى العان بولۋى كەرەك دەپ، ەلدىڭ قازاق اسكەرلەرىنىڭ جىبەرگەن قارۋلى وتريادى قىزىلقۇر...
-
ايتپاسا ءسوزدىڭ اتاسى ولەدى. تاريح دەسە ەمەشەگى ەزىلىپ، ءىشى جىلي قوياتىندار كوپ ەمەس. قازىردە قازاقشا بيزنەستى دارىپتەيتىن ءبىراز كىتاپتار جارىق كورگەن وعان سۇرانىستا جوق ەمەس. بايىسىن، ءوسسىن، كورسىن،...
