InfoHub Logo

— اينالاڭداعى تىرشىلىكتى جان-جۇرەگىڭمەن كورۋدى ۇيرەن، كوز كورگەننىڭ بارىنە قۋانا ءبىل — شوپكە، اعاشقا، قۇسقا، جانۋارعا، جەرگە، كوككە. ولارعا مەيىرىمدى كوزبەن، سەزىمتال جۇرەكپەن قارا — سوندا كىتاپتا جازىلماعان ءبىلىمدى كورەسىڭ. سەن ولاردان ءوزىڭدى كورەسىڭ — جۋاسىعان ءارى جاڭارعان ءوزىڭدى.

— سۋدىڭ جاعاسىندا وتىرۋعا مۇرسات ءبول. سۋ شارشاعانىڭدى باسادى، ويىڭدى تازارتادى.

— شولدەمەسەڭ دە ءساتى تۇسكەن جەردىڭ بارىنەن تازا سۋ ءىشۋدى ادەت قىل. سۋ بارىنە ەم.

— داستارقانىڭدا كۇندەلىكتى كوكونىس بولاتىن بولسىن. كۇننىڭ جىلۋىمەن پىسكەن كوكونىس وتە پايدالى. ءبىرىنشى ورىندا — قىزىلشا، جەر بەتىندە وعان جەتەتىن كوكونىس جوق. سوسىن — بادانا (فاسول)، اسقاباق، جيدەكتەر، ءسابىز، قىزاناق، بۇرىش، ساۋمالدىق، سالات، الما، ءجۇزىم، الحورى.

— ءبىر ۋىستان، ءبىراق ءجيى-جيى جەگەن جاقسى. از تاماق ءىشۋ ءۇشىن سۋدى كوپ ىشەم. كومپوت ءىشىپ، داقىل تاماقتى كوپ جەيمىن. شيكى كوكونىستى جەيمىن. بەيسەنبىنىڭ كەشىنەن باستاپ جۇمانىڭ كەشىنە دەيىن اۋىز بەكىتەمىن. تەك سۋ ىشەم.

— ورازا — بارىپ تۇرعان قازىنا. ورازا ۇستاعاننان ارتىق ەشتەڭە دە مەنى جاسارتىپ، جەڭىلدەتپەيدى. سۇيەكتەرىم جەپ-جەڭىل، قۇستىكىندەي بولادى. جۇرەگىم جاس جىگىتتىكىندەي جالىنداپ تۇرادى. ورازا ۇستاعان سايىن بىرنەشە جاسقا جاسارامىن.

— تاڭنىڭ اتۋى مەن كۇننىڭ باتۋى — سەن ءۇشىن. جۇمىس تەك تاڭ اتقاندا قىزادى. سوعان داعدىلانساڭ، ءتانىڭ دە، رۋحىڭ دا مىقتى بولادى. كەش باتقاندا مي تەزىرەك تىنىعىپ، ۇيقىدا تازارادى.

— اشىق اسپان استىندا كوبىرەك جۇرۋگە تىرىس. سالقىن ۇيدە تۇرىپ ۇيرەن. اياق-قولىڭ جىلى بولسا بولعانى. ال، باسىڭ — سالقىن اۋادا تەز تىنىعادى. جىلى ۇيدەن ءتانىڭ تەز قارتايادى. ۋسسۋريا ورماندارىندا قارت جۇڭگو بار ەدى. ول ىلعي ماقتالى شالبار كيەتىن، ءبىراق ۇيىنە وت جاقپايتىن.

---