اقتوبەلىك وقۋشى تۇركيادان جەڭىسپەن ورالدى
اقتوبە قالاسىنداعى نازاربايەۆ زياتكەرلىك مەكتەبىنىڭ 9-سىنىپ وقۋشىسى سانجار حاميت انتاليادا وتكەن حالىقارالىق ءپان وليمپياداسىنىڭ جەڭىمپازى اتاندى.
سانجار حاميت گەوگرافيا پانىنەن ءى ورىن، اعىلشىن تىلىنەن ءىىى ورىندى يەلەندى. «سانجار حاميت 7 سىنىپتا وقىپ جۇرگەندە اعىلشىن ءتىلىن جەتىك بىلەتىنىن بايقاعان بولاتىنمىن. سودان ونى مەكتەپ وليمپياداسىنا دايىندالۋعا شاقىردىم. ول ءبىرىنشى ورىنعا يە بولدى جانە جەڭىس جولى وسىلاي باستالدى»، – دەدى زياتكەرلىك مەكتەپتىڭ اعىلشىن ءتىلى ءمۇعالىمى جاننا باكيرشينوۆا. تۇركيادا وتكەن وليمپيادا ەكى بولىمنەن تۇردى. ولار تەستىلەۋ جانە ءپان مەن تۋريزم بويىنشا پراكتيكالىق كەزەڭ. سانجار حاميت گەوگرافيا وليمپياداسىنىڭ 160 قاتىسۋشىسىنىڭ ىشىنەن وزا شىقتى. «وليمپيادالاردىڭ ارقاسىندا ءوزىن-وزى دامىتۋعا دەگەن قىزىعۋشىلىق پايدا بولدى. انتالياداعى جەڭىستەن كەيىن مەن ءوزىمدى ءارتۇرلى باعىتتا سىناپ كورگەنىم بەكەر ەمەس ەكەنىن ءتۇسىندىم. ەندى جاڭا بەلەستەردى باعىندىرۋعا تىرىسامىن»، – دەدى 9 سىنىپ وقۋشىسى س. حاميت. وليمپياداعا جالپى ءبىلىم بەرەتىن مەكتەپتەردىڭ باستاۋىش، ورتا جانە جوعارعى سىنىپ وقۋشىلارى، تۇركيادان، رەسەي فەدەراسياسىنان جانە باسقا تمد ەلدەرىنەن كەلگەن ورتا كاسىپتىك ءبىلىم بەرۋ ورىندارىنىڭ ستۋدەنتتەرى قاتىستى.
You Might Also Like
-
اسان قايعىنىڭ شىن اتى حاسەن ەكەن. حاسەننىڭ جىگىت كۇنىندە ەجەنحان دەگەن ءمانجۋ حانى قازاق حالقىنا جارلىق ەتكەن ەكەن: «قازاق ايعىرىن كىسىنەتپەسىن، ەگەر ايعىردىڭ داۋسىن ەستىسە، مەنىڭ قورامداعى بە...
