InfoHub Logo

بۇگىن «WorldSkills Kazakhstan 2019» - V رەسپۋبليكالىق كاسىبي شەبەرلىك چەمپيوناتى باستالدى. وعان ەلىمىزدىڭ 17 ايماعىنان 22 جاسقا دەيىنگى 400-دەن استام مامان قاتىسۋدا.

«WorldSkills Kazakhstan 2019» – V رەسپۋبليكالىق كاسىبي شەبەرلىك چەمپيوناتى جاس كادرلاردى ەكونوميكانىڭ وندىرىستىك سەكتورىنا تارتۋعا جانە ەلدەگى تەحنيكالىق جانە كاسىپتىك ءبىلىمدى دامىتۋعا ىقپال ەتەدى.

چەمپيوناتقا قاتىسۋشىلار الداعى ەكى كۇندە WorldSkillsء-تىڭ 38 ماماندىعى بويىنشا سايىسقا تۇسەدى. بايقاۋعا قاتىسۋشىلاردىڭ جۇمىسىن 500-گە جۋىق ساراپشى باعالايدى.

ايتا كەتەيىك، شارانىڭ اشىلۋ سالتاناتىندا ق ر ءبىلىم جانە عىلىم ءمينيسترى اسحات ايماعامبەتوۆ بايقاۋ قاتىسۋشىلارىنا ساتتىلىك تىلەپ، اتالعان چەمپيوناتتىڭ ەل ەكونوميكاسى ءۇشىن ماڭىزى زور ەكەندىگىن اتاپ ءوتتى.

«بۇل - شىن مانىندە ەلىمىز ءۇشىن، رەسپۋبليكامىز ءۇشىن وتە ماڭىزدى ءىس-شارا. پرەزيدەنت قاسىم-جومارت توقايەۆ ءبىلىم سالاسىنا وتە ۇلكەن كوڭىل بولەدى. مەملەكەت باسشىسىنىڭ قابىلداۋىندا تەحنيكالىق جانە كاسىپتىك ءبىلىم سالاسىن دامىتۋ بويىنشا ناقتى تاپسىرمالار بەردى. سونىڭ ىشىندە WorldSkills قوزعالىسىن دامىتۋ ماسەلەسىن دە كوتەردى. WorldSkills ماماندىعىن ءبىلىم باعدارلامالارىنا ەنگىزۋ ماسەلەسى - ءبىزدىڭ الدىمىزدا تۇرعان باستى ماقسات»، - دەدى مينيستر.

چەمپيوناتتىڭ كونكۋرستىق بولىگى 12-14 قاراشا ارالىعىندا نۇر-سۇلتان قالاسىنداعى تاۋەلسىزدىك سارايىندا وتەدى. جاستاردى كاسىبي باعدارلاۋ ماقساتىندا چەمپيوناتقا مەكتەپ وقۋشىلارى، كوللەدج جانە جوعارى وقۋ ورىندارىنىڭ ستۋدەنتتەرى، مەملەكەتتىك ورگاندار وكىلدەرى، شەتەلدىك جانە قازاقستاندىق ارىپتەستەر، كاسىپورىندار قىزمەتكەرلەرى مەن ەلىمىزدىڭ بارلىق ايماقتارىنىڭ كاسىپتىك جانە تەحنيكالىق ءبىلىم بەرۋ ۇيىمدارىنىڭ پەداگوگتەرى،سونداي-اق، باسقا دا مۇددەلى تاراپتار قاتىسادى.

WorldSkillsء-تىڭ ەكونوميكامىزعا ماڭىزدىلىعىن ەسكەرە وتىرىپ، قازاقستان پرەمەر-مينيسترى اسقار مامين وسى قوزعالىستى باسقارۋ تۋرالى شەشىم قابىلداعان بولاتىن.

اتالعان چەمپيونات بىلىكتى كادرلاردى دايارلاۋعا جاڭا يدەيالار مەن ترەندتەر جاساۋعا، كاسىبي ءبىلىم ساپاسىن ارتتىرۋعا مۇمكىندىك بەرەدى جانە كاسىبي شەبەرلىك داعدىلارىن جەتىلدىرۋ ورتالىعىنا اينالادى.

چەمپيونات مىناداي ماماندىقتار بويىنشا مىقتىلاردى انىقتايدى: «كىرپىش قالاۋ»، «پليتكامەن قاپتاۋ»، «قۇرعاق قۇرىلىس جانە سىلاق جۇمىستارى»، «سىرلاۋ جانە ساندىك جۇمىستارى»، «سانتەحنيكا جانە جىلىتۋ»، «ەلەكترومونتاج جۇمىستارى»، «اعاش ءىسى»، «دانەكەرلەۋ تەحنولوگياسى»، «ەلەكترونيكا»، «ساندىق باعدارلامالىق باسقارۋ بار ستانوكتار توكارلىق جۇمىستارى»، «كورنەكى مەرچەندايزينگ ي ۆيترينيستيكا»، «جەڭىل اۆتوموبيلدەردى جوندەۋ جانە قىزمەت كورسەتۋ»، «كۋزوۆ جوندەۋ»، «پروتوتيپتەۋ»، «شاتىر جۇمىستارى»، «مەحاترونيكا»، «زەرتحانالىق جانە حيميالىق ساراپتاۋ»، «ۆەب ديزاين جانە ازىرلەۋ»، «گرافيكالىق ديزاين»، «جەلىلىك جانە جۇيەلىك باسقارۋ»، «CAD ينجەنەرلىك گرافيكاسى»، «بيزنەسكە ارنالعان IT شەشىمدەر»، «ۇيالى روبوتوتەحنيكا»، «اقپاراتتىق-كابەلدىك جەلىلەر»، «ينتەرنەت زاتتار»، «وندىرىستىك اۆتوماتيكا»، «ۇشقىشسىز ۇشۋ اپپاراتتارىن باسقارۋ»، «مەيرامحانالىق قىزمەت كورسەتۋ»، «كونديتەرلىك ءىسى»، «اسپاز ءىسى»، «ناۋبايحانا ءىسى»، «قوناق ءۇيدى باسقارۋ»، «مەديسينالىق جانە الەۋمەتتىك كۇتىم»، «شاشتاراز ونەرى»، «ءسان تەحنولوگياسى»، «مەكتەپكە دەيىنگى وقىتۋ»، «باستاۋىش سىنىپتاردا وقىتۋ»، «فلوريستيكا».

---