ارىستان مەن كىسى
ءبىر ادام جاسىنان اڭ اۋلاپ كۇن كورەدى ەكەن. ءبىر كەزدە اۋىن ءبىر اعاشتىڭ تۇبىنە قۇرىپ قويىپ جۇرسە، قاپىدا ارىستانعا كەزدەسەدى.
ارىستان:
— ەي، ادام! كەزدەسپەي ءجۇر ەدىڭ، بەرى كەل، قۇلاق سال سوزىمە، سەنىڭ ىستەگەنىڭنىڭ ءبارى قيانات كورىنەدى، ماعان سىرتتان قايرات ەتەتىن كورىنەسىڭ، كۇشىڭ ارتىق بولسا قۇتىل مەنەن، اۋزىما ءبىر-اق سالايىن با؟
ادام ايتادى:
— سەنەن كۇشىم ارتىق بولماسا دا سەنىمەن ايتىسامىن، ەگەر كۇشتى بولساڭ اناۋ جەردە مەنىڭ قۇرىپ قويعان ءبىر نارسەم بار، سودان ءوت، ەگەر دە ءوتىپ كەتسەڭ مەنى جەپ-اق قوي، ارىستانىم، — دەيدى.
ارىستان:
— ايلاڭدى كورىپ تۇرمىن، اۋەلى ءوزىڭ ءوتشى، — دەيدى.
ادام اۋدىڭ استىنان وتە شىعادى. ارىستان وتەمىن دەپ بار پارمەنىمەن سەكىرگەندە تورعا بارىپ ورالادى. ءسويتىپ، ادام ايلاسىمەن ارىستاندى تورعا تۇسىرەدى.
You Might Also Like
-
تۇلكى ءبىر كۇنى وتتاپ جۇرگەن ءبىر قازدى ۇستاپ الىپ، الدىڭعى ەكى اياعىمەن باسىپ تۇرىپ، مازاق قىلىپ، قازدى ءبىراز ازاپتايىن دەپ مۇرتىنان كۇلىپ ايتىپتى:
-
قارعا بالاسىنا: «ادام بالاسى ءبىزدىڭ دۇشپانىمىز، ساق بولىڭدار، ەكى شوقىپ ءبىر قاراڭدار»، — دەگەن. سوندا بالاسى: «ەكى شوقىپ ءبىر قاراماي، ءبىر شوقىپ ەكى قاراعاندا اشتان ولەمىز بە...
