ارىستان، قاسقىر ءھام تۇلكى
ارىستان اۋىرىپ، ءبىر اپاندا جاتادى، بارلىق اڭدار ونىڭ ءحالىن سۇراپ كەلىپ جۇرەدى. ءبىراق تۇلكى كەلمەگەن ەدى. قاسقىر تۇلكىگە نارازى بولادى دا، سونىڭ ءۇشىن ارىستانعا كەلىپ، تۇلكىنى جاماندايدى:
— تۇلكى سەنى قۇرمەت ەتىپ، تىم بولماسا ءحالىڭىزدى سۇرامادى عوي، — دەيدى. ارىستان اشۋلانىپ، تۇلكىنى شاقىرىپ الادى. تۇلكى قاسقىردىڭ
جامانداعانىن سەزەدى دە ارىستانعا ايتادى:
— ماعان بەكەر اشۋلاناسىز، مەن ءسىزدىڭ اۋرۋىڭىزدى ەسىتكەن سوڭ، ءبىر تىنىم تاپقانىم جوق، سىزگە اۋرۋىڭىزدى جازاتىن ءدارى ىزدەپ مازام كەتتى، مىنە جاڭا عانا تاۋىپ كەلە جاتقانىم ەدى، — دەيدى. سوندا ارىستان قۋانىپ كەتىپ:
— ول نە ءدارى؟ — دەيدى.
تۇلكى ايتادى:
— ەگەر دە ءتىرى قاسقىردىڭ تەرىسىن سىپىرىپ الىپ، جىلىداي جامىلساڭىز دەگەندە، ارىستان ءسوزدىڭ اياعىن تىڭداماستان، قاسىندا تۇرعان قاسقىردىڭ تەرىسىن باسسالىپ سىدىرا باستاعاندا، تۇلكى ءسوزىن ايتىپ بولماستان كۇلىپ، شىعىپ جۇرە بەرەدى.
You Might Also Like
-
تاستى تاۋدىڭ باسىندا ەشكى وتتاپ ءجۇر ەدى؛ تاۋدىڭ تومەنگى جاعىندا تاماق ىزدەپ، اش قاسقىر ءجۇر ەكەن. تاۋ باسىنداعى ەشكىنى كورىپ، قاسقىر ايتتى:
